قصيدة رقم 1
ابن حيدرنه الكرار_________________
يا بن حيدرنه الكرار * للموت احنه وياك انصار
*****
محسودين اليوم انصارك
مدفــونين بجنه جوارك
ويمر بينه كلمـــن زارك
وعلينه يكتبــــون اشعار
***
موقف عابس بالطف لوحه
يوم الهـــــــــد وجرد روحه
يفدي حســـــين بدم جروحه
طشــــــــــــــــر بيمينه الكفار
***
طلگلك دنياه بن مظـــاهر
ضحى بعمره بيوم العاشر
خادم بيت حســـين الطاهر
جنــــــدي من اجنود الكرار
***
شوذب هذا ونحفظ اســمه
مات وفوگ شفافه البسمه
رايد بالطف كون القســـمه
ويمــــــــوت الاجل الاطهار
***
ابن القيـــــــن الودع اهله
كعبه حسين لديــني وقبله
مر الموت وبالطف يحـلى
جنه وبي عصمه من النار
***
جون الاصبح مسك بعطره
خادم لحســــين بن الزهره
ناذر روحــــــه ووفه بنذره
سجل اسمـــــه وي الاحرار
***
والحر بن ريـــــــــاح ينادي
يا رب ادعي انطيني مرادي
وبذل روحــــي لبيت الهادي
بالدم اغســــــــل موقف عار
***
سل سيفه جناده الانصاري
اطفي براس الضــدك ناري
خــــــــــادم ليك انه وبتاري
افــــــــــدي اهلي زغار كبار
***
جــــــدي بن عمير الهمداني
خادم بالســـــــــيف وبلساني
لو تجهل شخصـــي وعنواني
ابن المنعــــــــم واسمي سوار
***
جنــــــدب وينادوني الكندي
يم امــــــــج يا زينب شهدي
اكطع راسه اليوگــــف ضدي
مثل المـــــوت اخطف لاعمار
***
مسلم عوســـــج هز الحومه
چنها جنـــــــاح ترف هدومه
نســـــــر يصيد بسيفه البومه
يرهـــــــــــب كل الجو لو طار
***
عبد الله العبدي بن البصره
يوم الطف يضحــــي بعمره
يهنف خــــــادم بيت الزهره
خــــــادم خــــــــــادم للابرار
***
محمــد المــالكي
ـــــــــــــــــــــــــ
قصيدة رقم 2
اليوم ساحات الوغى تستعر نيرانها
يوم سبع الكنطـره حاضر بميدانها
اليوم لجل الدين اضحي وزينب اتشوف
بــرز للـكـوم بـصفـاتـه وهـوس بـذيـج الزلم
يخطـف ارواح بـيميــنه ويسرته يرف العلم
كــل اسد صارت ضـربـته اومنهـا ماواحـد سلم
صاح بيهم ياطغات يـشهـد اليوم الفـرات
يسولف التاريخ عني بهاي الطفوف
اليوم فــــي سابع محـرم وحده سبـع الكنطـره
حيـــر الجــيــش بحـملته مثل صولــة حيـدره
نحر كـــل واحــد بـرزله وخله دمه اعـله ثـره
انا ابن امي اوابي انا ابن روح النبي
انا لجل احسين اضحي بكل الجفوف
بــرز زلـزال المحـمـد صـاح ياثــار البـتـول
اخـــــذ ابـثـار الزجــيه اوروحي فدوه للرسول
كـــل ضلع الــف ابـداله وانه ابن فحل الفحـول
عــاد صولة حيدره بسيفه سبـع الكنطره
طشر اجيوش ال ميه وشق الصفوف
اتحــده كـل قائد يزيدي وكلهم اوصـل للنهر
كـلهم انـه ابــن الصميـده وانه لكسر كل ظهر
بكيـفـي احـصـد اولـمها واخــذ المـاي بافخـر
ابضربتي اهتف ياعلي ياولي اونعم الولي
ياعلي صاح اصفاته ريتك اتشوف
صاح يازيـنب يخويه لو متت انتي الكفيل
لا تهـمين ابـغيـابـي روحـج اوروح العليل
انـتي ياخويه بـدالي يا بــت حماي الدخيل
بعدي وبعد الحسين بس يتامه اوبس ونين
صبري ياخويه امصابج بالطفوف
خادم خدام اهل البيت الشاعر الحسيني جاسم حميد الاسدي 0770317420---------2018
قصيدة رقم 3
ما طول ابزندي الچفين
يا هو اليگرب صوب حسين
***********************
***********************
خيج عباس و تدريني
منذور و خادم لحسيني
ما دام املكهن چفيني
يا زينب لا لتخافين
يا هو اليگرب صوب حسين
***********************
نازل للحومة باصراري
عالدم متعطش بتاري
يا زينب لا لا تحتاري
و بعينج راح تشوفين
يا هو اليگرب صوب حسين
***********************
شحده اليوصل صوب اعضيدي
يوم احساب يصٓبٓح بيدي
ريحي افكارج يختي و هيدي
خيج محفوظ ابهالعين
يا هو اليگرب صوب حسين
***********************
ميهمي شما وكفوا ضدي
من دمهم راح اروي الهندي
غير احسينج انه شعندي
و بعباسج شتعرفين
يا هو اليگرب صوب حسين
***********************
مِتمٓلك روحي و جداني
ويه الدم يسري بشرياني
بس يأمر هالانه متاني
لاگلبهن لجله الكونين
يا هو اليگرب صوب حسين
***********************
وفاي و ما انسى اوعودي
لو گطعوا يا خيتي زنودي
راح اترس من دمهم جودي
و اروي الاطفال و تروين
يا هو اليگرب صوب حسين
***********************
امني اعله حسين و اطفاله
حد ما توليني الخياله
يا زينب و بهاي الحالة
خيج عباس تعذرين
يا هو اليگرب صوب حسين
***********************
علي حسين الكناني
قصيدة رقم 4
للعباس ع...
عباس عباس جاب الفرات ابجوده
عباس عباس شل الجيوش ابزوده
*
سيفه شاطر .. والعســـــــاكر .. كلهه تعلـــم
حين يغضب .. ماكو مهـــرب .. يطفح الـدم
ابزود سيـفه .. ايجيب حيفه .. ومنهو يسلم
عينه مرصـد .. وألي يگصــد .. يمه يهــــزم
جيش العدو اليوم نكس رگاب احيوده
عباس عباس شل الجيــــوش ابزوده
*
چنه حيــدر .. گام يزئــــر .. مــن وصلهم
موت أحمــر .. يوم زمجـر .. كر رگبـــــهم
سيفه يجدح .. گــام يذبح .. مارحمـــــهم
الجــيش كله .. ايهاب ظله.. وشل عزمهم
متحيره اعـداه محـــد وصل لحدوده
عباس عباس شل الجيـــوش ابزوده
**
الحرب عيده .. وحان ويده .. عالجحافل
الماي جـــابه .. الكل تهـــابه .. مــن يقاتل
ذره صـــــاير .. للحـــــــراير .. ابوفاضـــل
هال بـــــدره .. وداگ صدره .. لخته كافل
وبكربله اليوم وفه ابجميع اعهوده
عباس عباس شل الجيوش ابزوده
***
كله همـــــــه .. وحدر جـدمه .. الگــاع ترجف
دوت نـــــاره .. وبالمعــــــاره .. رايتــــه اترف
مــــن اطبكم .. اله اذلكـــــــم .. گـام يهتـــــف
المـاي اخزره .. وبس أمـــــره ..ايخاف ويجف
والعكسر انهار فـرت جميع اجنوده
عباس عباس شل الجيوش ابزوده
****
حسين ديني .. ونور عيني .. وكل حياتي
كعبه اشـوفه .. وما اعـوفه .. الحد مماتي
انطيته جفي .. وما اوفــي .. ابتضحياتي
جروحي سهله .. اتهون لجله .. ونايبـاتي
هيج الگمر صاح لمن انطـاه ازنوده
عباس عباس شل الجيوش ابزوده
****
الخادم
كامل السعيدي 2017
قصيدة رقم 5
واويلاه ياأبالفضل/واويلاه ياأبالفضل
★★★★★★★★★★★
شلون حال حسين يم المشرعه
من نظر حالة أخوه أومصرعه
بعينه من شاف الچفوف أمگطعه
واويلاه ياأبالفضل
★★★★★★
چم مصاب حسين يحمل چم هظم
من نظر عباس وبعينه السهم
وشاف راسه بالعمد والله أنهشم
واويلاه ياأبالفضل
★★★★★★
طاح يمه حسين والمدمع يهل
والله أحس ظهري انكسر ياأبالفضل
راد يشلع سهم عينه ماقبل
واويلاه ياأبالفضل
★★★★★★
خله عاميني السهم ماريد اشوف
واعدت سكنه وگصد بيه الظروف
فدوه الك يحسين عيني والچفوف
واويلاه ياأبالفضل
★★★★★★
خويه أخجل راسي عندك ينوضع
بعد لحظه وين رأسك ينرفع
ريت راسي دون رأسك ينگطع
واويلاه ياأبالفضل
★★★★★★
اكعد احچيلك يعباس الگمر
يالجنت حيلي انته وحزام الظهر
خويه اگعد شوفني ظهري أنكسر
واويلاه ياأبالفضل
★★★★★★
ظهري مسكور وبعد مابيه أگوم
خويه اگعد مو وكت ياخويه نوم
تشمتت بيه العده ويمي تحوم
واويلاه ياأبالفضل
★★★★★★
وأشجاوب زينب وباقي الحرم
لمن يسئلوني عنك ياشهم
خويه خليني أحملك للخيم
واويلاه ياأبالفضل
★★★★★★★★★★
الشاعر (أسعد قاسم الكريعاوي )
قصيدة رقم 6
اليوم يوم النيبه وين اخوي الهيبه
يا ابو فاضل يا ابو فاضل
***************
وين اخوي الكال امشي بزودي
الهوى ماريـــده يطب حــدودي
راح أهوســــلك بحيدر عـودي
النهر جودك وانته اسمك جودي
انته جودي ومايه ياكفيل الرايه
يا ابو فاضل يا ابو فاضل
***************
ها يبو الغيره يمعصب راســـي
من يمر اسمك يفيض احساسي
جنت اسميك الكمر عباســــــــي
غيرتك عبــــــاس هيه انفاســــي
غيرتك بعيوني بيك جن جنوني
يا ابو فاضل يا ابو فاضل
***************
كوم شيل العلكمي ويه جروفه
خويه فرهد جيشهم وصفوفه
حتى نخل المشرعه بي خوفه
شلون مسلم وحَـــــــدَه بالكوفه
راح اشبن ناري اليوم آخذ ثاري
يا ابو فاضل يا ابو فاضل
***************
اليفر من سيفك ألف هنيالــه
هوه ياهو اليوصل ويدنالــه
شكثر فرحانه وتشوفه عياله
والله منك ماتت الخيالــــــــــه
ماتت من عيونه موت ويسمونه
يا ابو فاضل يا ابو فاضل
***************
كام يقسم بالنبي وروح النبـــي
اليوم كل الجيش ألبسهم عبــــي
جاي اسمع بالسبي وشنهو السبي
أكبال زينب والهوى هم اجنبـــي
والله اشك اثيابي من دنه لعتابي
يا ابو فاضل يا ابو فاضل
***************
عبد زينب
محمد الابراهيمي
قصيدة رقم 7
يا كافلــي .. يا كافلـــي
ما قصرت .. غيرة علي
...................,
يكافل محملي غصبن عليــــــه
اعوفك عالنهر واطلع سبيـــــــه
وداعا يا ابو فاضل حان الوداع
الشمر جاب الحبل خلا بديـــــه
من التفـــت .. من التفـــت
صوب النهر .. دمعي يهلي
..................,
بعد عينك رماد تصير الخيــــام
أسيره ويه الشماته اتعنه للشام
غريبه أبين وادم ما يرحمــــون
حرمه تكفلت يا خويه بأيتــــام
أمشي بدرب .. أمشي بدرب
بي بس غرب .. ماكوا والي
.................,
رحت لكن عليك أدير العيـــــــــــــون
اعوفك يا ابو فاضل وارحل شلــــون
صرت مجبوره اروحن خويه عبـــاس
الشمر كل ساعة يضربني أعله المتون
هم الگلب .. هم الگلب
بعد الگمر .. ما ينجلي
..................,
بسناسل خويه شي مربوطه بحبال
شسولفلك بعد عن ضيم العيــــــال
زلم صاروا ترى المنك يخافــــــون
حال اختك بدونك ارده كل حـــال
ما حسبت .. ما حسبت
بضيم الدهر .. راح ابتلي
.................,
جرح درب السبي ينزف عذابه
بعد كل هذا طبونه بخرابــــــه
يخويه مدلله وما تگدر تنــــام
رقيه شلون تغفى أعله الترابه
تشمتـــــو .. تشمتـــــــو
بيه الغرب .. راحوا هلي
.................,
🖋 حسين ألفيصلي
قصيدة رقم 8
منهو يوصل للخيم وانه حماي الحرم
انا عباس انا عباس
الا اكطع كل نفس بنفاسه
حتى لو فكر يصل بحساسه
ثنين يصبح لون سيفي جاسه
كون افصل جسمه من عد راسه
يبقى شاهد للأمم وانه حمايه الحرم
انا عباس انا عباس
كون اراويه المنايا بكربله
لراد يدنى بفكره يسبي العايله
الا اشوفه القارعه والزلزله
بعون الله ومن بديت البسمله
تنزل اعليه الحمم انه حماي الحرم
انا عباس انا عباس
ارد ارد ايام من عقد الوله
بذاك ابن العاص سوا مهزله
ومن شطر مرحب اوراسه جندله
وانه ابن حيدره راعي المرجله
رافعه بيدي العلم انه حماي الحرم
انا عباس عباس
انه بن ام البنين الطاهره
من جثثكم كون اسوي كنطره
الا اكلبها المعاره مجزره
وارتجز بالكوم جاكم حيدره
بيدي سيفي جنه سم انه حماي الحرم
انا عباس انا عباس
وين زينب بت ابي خلهه تشوف
اليوم اخلي الموت بالحومه يحوف
حتى لو كان العدد فوك الالوف
الا جوى الكاع امرغها الأنوف
وينها لجانت زلم وانه حماي الحرم
انا عباس انا عباس
لجل زينب بت علي حامي الدخيل
الا اخلي الكاع بالحومه تميل
تسمع من الجيش بس صوت العويل
وارتجز عباس هذا انا الكفيل
وترتجف يمي الجدم انه حماي الحرم
انا عباس انا عباس
للشاعر
السيد محمد الهاشمي الموسوي
قصيدة رقم 9
أتعنــه عـازم وبـجـفـه صارم
والكل تطيعه
بدر الهـواشم يروي الفواطـم
من الشريعـه
عـبر سوح المنايه بصولته وكـبــر
كفـو ونعـمـين منه وفـرق العـسكــر
گصد نهـر الفـرات الغـايه والمصدر
وصل للغـايـه وبـزوده شبل حـيـــدر
وبزوده مايه اصبحله غـايه
غايه ورفـيعه
والغايه كلها جــدد أمـلـهــا
من الشريـعه
لجل صبـر الفـواطـم گاصد أتعـنــــه
خـطـر سـوح النوايب والگرب فـنه
حـمـل راية قـسـيم الـنـار والجـنـــه
ترف فـوگ النهـر وتفـرقــوا عـنـه
والدنيه صارت بچفوفه دارت
كل الطبيعــه
توصل منعـهـا فـرق جـمعها
من الشريعه
دخل نهر الفرات وترس ماي الجود
طلع وتوكـل وشاف الـدرب مسـدود
يفكر بالحرم بس رايـــد الهه ايعـود
ماحس اله والراس انضرب عامـود
محله الشهاده وبـزوده نـاده
يهل الخـديعـه
الكل سمعـنـي محمد منعـني
من الشـريعـه
رسم لوحة مجـد لهل الوفه عـنــوان
على الشاطي وتخـلد وارتفعـله شان
وبقـت اعـدائه عاشت لوعة الخذلان
تجـر اذيـال خـيبـتـها بصدى الازمان
والدنيه سجلت عالشاطي ضلت
هاي الفجيعه
تـرسم تـفـانـي واخـذ المـعـاني
من الشريعـه
بقـه أيـديـر النظـر لسكينـه واطـفالـه
ولا حـاسب حـساب المــوقـف ابـالـه
يخـويه ادركـني نـاده وانـظـر الحاله
اجاه محـني الظهـر ودموعـه هـماله
و أدنـه يـمـه مـن صدره شمه
ابن الـوديعه
نزلت دمعته وطلعت صرخـته
من الشريعه
الشاعر السيد رياض الرسل الجابري
قصيدة رقم 10
قصيدة (( نزلة ))
صگّار الزلم عباس صال وجال بالحومه
…………………………………………………………………………………………
من نزل للحومه طاعون الحرب
كلهه گالت راح يگلبهه گلب
شمرة الكرار حيدر من يطب
بالمعارك ماكو شي عنده صعب
راعي الغيره والنوماس كلها تعرف علومه
…………………………………………………………………………………
شالهه وبچفوفه رفّت رايته
هذا كفّال العقيله بغيرته
كلهه شردت منهو يدخل حومته
والبعض من عدهه طاح ابخزرته
يضرب گام راس براس ليث ويرهب هجومه
…………………………………………………………………………………
حشمته زينب وگلهه اتدللي
آنه عد عيناچ يا زينة علي
من تسمّيني إخوي وكافلي
والله يكفيني فخر بيهه أعتلي
أمير الخوّه والإحساس هيبه مرجّف خصومه
…………………………………………………………………………………
والله من طب حومته ورف بالعلم
هيچ گام يحودهم حود الغنم
عيونه بالميدان تتجادح حمم
سور أصبح على الخدّر والخيم
تخمد لو حچه الأنفاس يوم الطف صدگ يومه
…………………………………………………………………………………
والنعم من گمر هاشم ما جفل
سيفه ملك الموت بالحومه نزل
صدگ هذا الفحل من ذاك الفحل
هلا بالعباس ابن خير العمل
وبدرب الضعن نبراس وعيال الولي نجومه
…………………………………………………………………………………
يفرح الميدان لو طب الگمر
دخلت إنذار العده بخوف وحذر
ليث يتخيّر الصيده ابلا مفر
فارس ومهيوب وحزام الظهر
تشهدله جميع الناس خلّه إعداه مندومه
…………………………………………………………………………………
سوّه أبو النوماس كل الما يصير
قدّم الإعجاز والعاداه يحير
جيوش أميه تراجفت أول وأخير
يصيح بيهم لا مفر من المصير
عالي الزود من الساس لوحة نصر مرسومه
…………………………………………………………………………………
خادم الإمام الحسين عليه السلام
عمار هليل الواسطي
محرم الحرام ١٤٤٠ هجري
تعليقات
إرسال تعليق