قصائد استشهاد فاطمة الزهراء عليها السلام 30 قصيدة مكتوبه كتابه
#قصائد_استشهاد_فاطمة_الزهراء_عليها_السلام
ــــــــــــــــــــــــــــــــــــــــــــــــــــــــ
من بعد الغوالي بس الهم صفالي
ياباب الحزن ادميــــت العيــــون
خذت احباب كَلبي وما يردون
------------------------------------------------
يم كَلب الحنــــــين هواي حنيت
يا زهرة وعــــطرها تارس البيت
تكَظي ايام عمري وياچ ظنيت
اتنفس حزن وهمــــــــــــوم ظليت
انه ام المصايب فاركَت الحبايب
ما ابطل ونيني ودمع الجفــــون
خذت احباب كَلبي وما يردون
------------------------------------------------
متعودة اعلى طولچ ساكن العين
ظل خالي المچان البي تكَعديــــن
كل رمشت جفن نزلن دمعتــــــــــين
وحشة البيت ردي يــــــم الحــسين
البيت اظلم علينة ماهية الحنينة
دلالي بغــــــيابچ دوم محــــــــزون
خذت احباب كَلبي وما يردون
------------------------------------------------
وسط البال رسمچ عايش احلام
بعد اشلون اشوفچ عيني متنام
صوبني بدليلي هجــــــــرچ اسهام
يالبلبـــــــــيت رحمه خلافــــچ ايتام
ايتيم الماهي امة الدنيا عليه ظلمة
شيــــعوض حنانچ واصبر شلون
خذت احباب كَلبي وما يردون
------------------------------------------------
اذا صار العــــصر ويصــــير الغروب
يكسر بالخــــــــــواطر يكــــسر كَلوب
وي صواب ظلعچ كَلبي مصيوب
وياكَلـبي ندى من حركَتة ايذوب
عني بساع شلتي مخنوكَة بعبرتي
الدمعة اعلى خدي وشاحبة اللون
خذت احباب كَلبــــــــي وما يردون
------------------------------------------------
ملاني الصــبر من فركَة الاحباب
كل لحـظة ومصابچ يرسم الباب
اعاتب بالدهر شيــــــــــفيد العتاب
وطولچ يالحنينة حــــــدر التراب
ما انساه رسمچ بالبسمار دمچ
بكَليبي الحزن والنوح مسجون
خذت احباب كَلبي وما يردون
------------------------------------------------
وي فتــــــحت الباب اتفز الجروح
اسمع صوت آخ يصــيح مبحوح
صواب امي العزيزة يمرد الروح
حدر الباب اخيي ايلوج مذبوح
حزنچ ما نسيتة وسط الروح بيتة
يالبعدچ حياتي عــبرة وشجون
خذت احباب كَلبي وما يردون
________________
أسالكم الدعاء رائد الاسدي
ــــــــــــــــــــــــــــــــــــــــــــــــــــــــ
وياك وياك ما ننسه ابد كسر الظلع
ــــــــــــــــــــــــــــــــــــــ
عجل الله فرجك يابو دموع الما تجف
چم جرح للساده اخظر الك ناطر ما نشف
ياغريب ابلايه اهل بس مجلس اجدادك عرف
منتظر چم ثار الك وامناطر الرايه ترف
وياك وياك كل العمر نجري الدمع
ــــــــــــــــــــــــــــــــــــــ
عيون شصير ألبواچي امصايب اجدادك كثر
وايعينك الله اشثگله حملك وبعد تحمل ياصبر
تحظر ابكل فاطميه ابيت فاطم تنتظر
تبچي دوست بيت انته لو ظلعهه المنكسر
بالباب بالباب تگعد وتشعل شمع
ــــــــــــــــــــــــــــــــــــــ
اثر رگضات الاجناب اتشوفهن فوك التراب
ابلوعه ياخذ حيل منك كل اثر من المصاب
وينحني ظلعك وحيلك لمن تسمع طاري باب
وابنسمه لو طار الرماد اتشوغ من الهوه الهاب
ابكلشي ابكلشي اهناك گلبك يلچم
ــــــــــــــــــــــــــــــــــــــ
عيون راحت لونة الفاطمه من گد ما تصب
عيونك اتواسي الاعيون الحمر صارن بالظرب
وابمچان العتبه تگعد واله مجلس ينصب
ابابهت تبچي عليها وتنشف ادموع الگلب
ابونه ابونه اهناگ گلبك ينشلع
ــــــــــــــــــــــــــــــــــــــ
ابيتها چنك علي نفس المواقف والهظم
واتشوفهم طبو غصب واتحسه يتعدى الهجم
والكظتك كظت علي وابغيرهه ما تلزم
لو ينزل من الله الامر تبقي زلم تسحگ زلم
غيره غيره وانتة ابن الماخضع
ــــــــــــــــــــــــــــــــــــــ
يبو گلب الما يبطل نوحة كثر امصايبه
ابخيمه اجمعنا نعيش الجرح اهل النايبه
كظنا بيدك احنه عفنه لذة ايام الصبه
الذة دمعه ولطم صادق على حًسن العاقبه
مولاي. مولاي ابخيمتك خل ننجمع
علي الحميداوي
ــــــــــــــــــــــــــــــــــــــــــــــــــــــــ
فاطمة صارت هويتي فاطمة
===================
ما أريد الينكر مصاب الزجية
حتى لومحسوب من الجعفرية
صار عندي الضلع ياعالم هوية
بالأدلة ثابتة هاي القضية
فاطمة نهجي وقضيتي فاطمة
===================
كاتب ابدم النحر هاي العقيدة
الما يريد الزهرة والله مااريده
وما اريد الكال ماتت موشهيدة
بالقيامة هناك حاير من يفيده
فاطمة رفعتلي صيتي فاطمة
==================
ثابت ابكل الادلة و الروايات
نضلمت الزهراءحين المصطفه مات
ما اجامل ما اجامل انه هيهات
وما ابيع انه العقيدة بدولارات
فاطمة نهجي ومشيتي فاطمة
====================
ما اساوم عالضلع بس حته يرضون
ذوله مايرضون لو تنطيهم عيون
الناصبه تهديم مذهبنه يريدون
عرفوا بيانقطة من الشيعه يبدون
فاطمة صرخة المنيتي فاطمة
====================
حاولوا طمس الجريمة ابكل طريقة
لكن الله يريد يضهر هالحقيقة
الشيعي عارف منهجه وعارف طريقه
و عرف ياهوّه عدوّه مَن صديقه
فاطمة كلشي بدنيتي فاطمة
====================
ننسى رادوا فاطمة وضلع الكسير
مثل ما رادوا طمس يوم الغدير
احنه ويه الزهره خله شما يصير
و لليعادي فاطمة بئس المصير
فاطمة تبقى مُنيتي فاطمة
====================
خادم أهل البيت (عليهم السلام)
حسن بشير السوداني
ــــــــــــــــــــــــــــــــــــــــــــــــــــــــ
يمه اوداعچ هدم حيلي انحب وابجي نهاري وليلي
اه يالضلع ومصابه اه يالضلع ومصابه
☆☆☆☆☆☆☆☆☆☆☆☆☆☆☆☆☆☆
تنام الناس وانه اعيوني سهرانه
عكب عيناج يمه الروح حزنانه
انام اشلون يالعفتيني حيرانــه
عكبج عالونين اتعــــــودت انه
رحمي ابحالي وردي اعلية هجرج يمه يگطع بيه
جمرة حزن لهابه اه يالضلع ومصابه
☆☆☆☆☆☆☆☆☆☆☆☆☆☆☆☆☆☆
زينب انه بنتج ليش عفتيني
من زغري يتيمـــــة ام تخليني
كسر ضلعج ييمه ضيع سنيني
مدري ليا حزن دهري يوديني
شراح اتشوف هاي اعيوني وهاي الناس ميرحموني
حزني فتح ابوابه اه یالضلع وامصابه
☆☆☆☆☆☆☆☆☆☆☆☆☆☆☆☆
يردوني على افراكج ابطل النـــــوح
مجروحة كلب شيضمد المجــــروح
محسن من نظرته عالارض مطروح
اكبالي جن اشوفن جم اخو مذبوح
هناك اتعود نفس احزاني من اتروح كل خواني
نفس الضلع واصوابه اه يالضلع ومصابه
☆☆☆☆☆☆☆☆☆☆☆☆☆☆☆☆☆
نــــــار الباب يمــــــه هم تـــــرد لية
تجي وتحرك خيامي ابكربلا اعلية
و السوط الضرب متنج احس بية
وهم بيه انضرب من امشي مسبية
وجن احسين فوك الغبره والذباح يكطع نحره
شيصبره العاف احبابه اه يالضلع ومصابه
☆☆☆☆☆☆☆☆☆☆☆☆☆☆☆☆
بغيابــــــج ييمه شنهي اتوقــــــع
روحي من كبل روحج ردت تطلع
شيخلص الليل بين الونه والمدمع
و المفارك عزيزه ابليله ما يهجع
وياج اخذيني شلي ابعمري شصار ابحالي الله اليدري
حزني يعرف اسبابه اه يالضلع ومصابه
☆☆☆☆☆☆☆☆☆☆☆☆☆☆☆☆
اذا عني نشدتي انه موش ابخير
عن حالي شسولف يعجز التعبير
على كبرج احومن يمه مثل الطير
انوح وخايفه ايشاهد دمعتي الغير
اخفي ادموعي والون سكته بيت احزانج انه اسكنته
يالريحتج باعتابه اه يالضلع ومصابه
☆☆☆☆☆☆☆☆☆☆☆☆☆☆☆☆☆☆☆
حسن بشير السوداني
ــــــــــــــــــــــــــــــــــــــــــــــــــــــــ
الله يعينك يحسين دهرك رماك بسهمين
محسن وكع يم الباب وعبد الله بالنبله انصاب
دهرك رماك ابسهمين
============================
الله يعينك يالشفت اعظم رزية
بارض المدينة نايبه و بالغاضرية
شفت الجنين اللي وكع من الزجية
وبيدك رضيعك منذبح بسهم ال امية
ياجرح اكثر أذاك هذا نناشد لو ذاك
ومصاب اشد من مصاب وعبد الله بالنبله انصاب
==============================
من زغرك وشفت الجره واعظم مصايب
هجموا على الزهره شفت كوم النواصب
لا تهمل ادموعك بعد والمن تعاتب
هذا الدهر ما بي رحم ظيم ونوايب
كلما ذكرت البسمار وتذكر على الزهره اشصار
تبجي وتون عالغياب وعبد الله بالنبله انصاب
=============================
يالشفت اخوك اعله الارض بمصابه فجعوك
المحسن وكع وتشاهده باللوعه خلوك
كل اخوتك بالطف مشوا بالحيره عافوك
جم مرة كسرولك ضهر جم مره بچوك
فوك النهر عزمك طاح لمن ابو فاظل راح
وشسوى فكد الاحباب و عبدالله بالنبله انصاب
==========================
طفلين شفت ودمعتك جرحت بالجفون
لو هان محسن و الضلع عبد الله ميهون
و المهدي تنتظره يرد بدموع العيون
عبدالله والمحسن صفوا كلهم يتانون
يمته الفرج يالموعود تطلب الثار من اتعود
يالمهدي ما كافي غياب وعبد الله بالنبلة انصاب
=================================
اباب الزجية شاهدت من شبت النار
وابعينك انرسمت صور ترويها الاعبار
بالطف شفت نار الخيم شبتها الاشرار
وتتراكض اطفال وحرم مابين الاخطار
يا نار اشد يالمضلوم دمعك يصب منها ادموم
نار الخيم و الاصحاب وعبد الله بالنبله انصاب
==========================
شفت امك ابيوم الاجو لاذت من الخوف
ماتت لجن فوك المتن مطبوعه الجفوف
نفس المشاهد شاهدت من جيت الطفوف
راسك عله راس الرمح ولزينب اتشوف
شفت اختك الحرة اشلون ما ضلت اعليها امتون
مسبية بين الاجناب وعبد الله بالنبلة انصاب
==========================
حسن بشير السوداني
ــــــــــــــــــــــــــــــــــــــــــــــــــــــــ
الكوم الكوم هجموا عالزجيه
شو ما جيت يا حامي الحمية
------------------------------------
يافارس بطل وكت الكلافه
وصلوا دارك الوادم وسافه
وبينك بينهم جانت مسافه
وسفه امكَيد ابحبل الوصية
------------------------------------
وصاك النبي بساعة منيته
وندري مكيد ابامره ووصيته
لو ما هيه محد يدنه بيته
والزهره تنادي لحكوا لية
------------------------------------
تسمعها تصيح تريد المعين
ولوتشهر حسامك ينتهي الدين
تشهدلك بدر واحزاب واحنين
يالصبرك لاجل ربنه ونبية
------------------------------------
شحالك يوم شفت الزهره عالكاع
تتجاره دمه ومهشومه الاضلاع
يافضه تنادي الحگي ابساع
ما صاحت علي الحك علية
------------------------------------
شفت البيت تسعر نار بابه
ودخلوله غصب شفت الصحابه
وشتموا للنبي و داسوا كتابه
يالصبرك جبل رغم الاذية
------------------------------------
حتى الباب متعجب يكرار
ما جيت وتشوفه يستعر نار
صاح السيف ياحيدر شني الصار
داسوا حرمتك اهل الردية
------------------------------------
انته اللي خضت كل الحرايب
بخزرة ياعلي تمحي كتايب
لهذا الزهره ما رادت تعاتب
تعرفك ياعلي سيف المنية
------------------------------------
لخادم الزهراء (عليها السلام)
حسن بشير السوداني
الليالي الفاطمية ١٤٤٠ هجرية
ــــــــــــــــــــــــــــــــــــــــــــــــــــــــ
من اتغمض كل عين شيعني يابو حسين
والكوم الولوني ماريدن يجوني
==========================
انهض ياعلي وشيعلي جثماني
اجانه الليل نامت هسه عدواني
على استعداد انزل كبري بس اني
لان ادري النبي يكوم ايتلكاني
بس اتهيل التربان نتلاكه ابفرد امجان
احزاني وشجوني ماريدن يجوني
=========================
الك يا بالحسن ارد اوصي باوصية
ماريدن يجوني الهجموا اعلية
تدريهم امس شنهي اعملوا بية
ما اعذر ابد من يعتذر لية
ماتنفع كل اعذار كوم الهجموا عالدار
بالباب اعصروني ماريدن يجوني
=========================
مكسورة ضلع مسطورة دفنوني
ومن دون البشر بالليل شيعوني
اريد اشكي لابوي وينظر امتوني
واحجي من مشه جم لوعه راووني
احجيله اشصار وياي ويسمح دمعة عيناي
لكبري الشتموني ماريدن يجوني
===========================
مو عجبه ابضلام اتشيل الي نعشي
من عمري يحيدر ما شفت كلشي
متت وادموعي موجوده بطرف رمشي
يمشي وياي حزني وين ما امشي
ما شفت اي راحة بال الله اليعلم بالحال
من الناس الجفوني ماريدن يجوني
=========================
ادفني ابيمینك ياعلي و ارجع
بقت بالدار زينب تهمل المدمع
جن اونين من داري بديت اسمع
روح ام الحزن عكبي اظن تطلع
ارجع للبيت وشوف زينب بالدار اتطوف
ايتامي بجوني ماريدن يجوني
=======================
لو تدفني بيدك هالطلب سمعه
كبري يا علي عن البشر ضيعه
تجي الشيعه تدور وتهمل الدمعه
بس المهدي لمن يضهر يطلعه
يم كبري يرف ألواه وشيعتنه تزور اوياه
هناك الألموني ماريدن يجوني
=========================
حسن بشير السوداني
ــــــــــــــــــــــــــــــــــــــــــــــــــــــــ
محتاره الوادم محتاره من هجموا ما سل فقاره
فارس خيبر ليش اتعذر
من هجموا ما سل فقاره
==============================
هذا الفارس عنده الشدة سهلة وتنحل
الكل يشهدله ماطخ راسه ولا يوم الذل
صاحب غيره الكون يهزة بحين اليزعل
واصعب حاله عكب الشافه اشلون اتحمل
ابكل شدة الكرار انشوفه وكفاته وياهم معروفه
امجرب حيدر ليش اتعذر
==============================
شاف ابعينه اكبر محنه واصعب موقف
شاف المحسن فوك الغبره والدم ينزف
وشاف الزهره من العصره ظلت ترجف
عنده وصية من الهادي ولا ما يخلف
شافت اصعب حاله اعيونه ضلع المضلومه ايكسرونه
شافه اتكسر ليش اتعذر
============================
حكها الوادم من تناشد ماسل سيفه
من الهجموا عالمضلومه ياخذ حيفه
شمس الباري بيده افترت وكلها بكيفه
الهد ابناره ماگص ایده وصاح انعيفه
و الچان ایخاف من اخیاله اتمرجل عالزهره و يتعاله
سيفك يكدر ليش اتعذر
==========================
ما نادتك يابو الحملة شوف اشبية
بيوم الطاحت صاحت فضة لحكي اعلية
و ما حشمتك وينك حيدر افزع لية
تعرف حالك وتعرف وضعك اتعرفك هية
ماحاچیت الحرگوا البيتك معذور امجتف بوصيتك
الباب اتوجر ليش اتعذر
==============================
صبرك حيدر ماصح مثله الله يعينك
رغم الشفته بس ماشافوا دمعة عينك
ادفنت الزهره الجانت عمرك وكل سنينك
كلما تذكر ضلع البضعه يعلى اونينك
بعيونك مرسومة الصورة ودموعك حيدر معذورة
كلبك يسعر ليش اتعذر
==============================
حسن بشير السوداني
ــــــــــــــــــــــــــــــــــــــــــــــــــــــــ
#الليالي_الفاطميه
#مجالس_الزهراء_ع
غربوهه وانكروهه
القبر ابوهه طلعوهه
وشيدت يم القبر
دار الاحزان دار الاحزان
.........
بعد ما عينه غفت اعليها أصحابه اعتدت
ودفعو الباب
عين من عدهه انطفت والضلوع اتكسرت
ابعصر الاصحاب
وكَع محسن وانتهت كل حياته الما بدت
الهاي الاسباب
الدنيا بس ظلمه انملت والزجيه اتألمت
وزاد العتاب
حاربوهه ويتموهه
القبر ابوهه طلعوها
وشيدت يم القبر
دار الاحزان دار الاحزان
.........
اثمنطعش جان العمر حاربوهه اهل الغدر
حركَو الدار
بيتهه سورة قدر والمعارج والفجر
حركَته اشرار
علي اشيحمل من صبر لمن شاف اهل الكفر
تضرم النار
اظن كَلبه اصبح جمر وبألف حسره يجر
رافض الصار
من الرموهه وضيعوهه
القبر ابوهه طلعوهه
وشيدت يم القبر
دار الاحزان دار الاحزان
.......
كون بسمار الظلع بالفرائض ينجمع
بالصلوات
جان هسه ينسمع بالاذان احرف دمع
بالعبارات
للمصيبه ينفجع لوجبل هم ينصدع
جبد السماوات
ذابت الزهره شمع بين محسن والظلع
نار الاهات
مارعوهه ولوعوهه
القبر ابوهه طلعوهه
وشيدت يم القبر
دار الاحزان دار الاحزان
......
دمعه بالعين وجرح والدمع ينزل ملح
ابخدهه الاثار
انولد محسن منذبح وابوكت مابي صبح
مغرب ونار
الهه بالباب الشرح ابعتبته غرزو رمح
دفعته اشرار
ابزمن جف حيدر يشح بالوصيه ينمنح
صبره دم حار
من سبوهه وشتموهه
القبر ابوهه طلعوهه
وشيدت يم القبر
دار الاحزان دار الاحزان
........
فضه صاحت موعلي لان يحظرهه الولي
يفني الاكوان
ايكَلهه جان ادللي ابذكره كل هم ينجلي
أسمه قرأن
يا أرضهه اتزلزلي الزهره بالهم يعتلي
همهه نيران
ياسمه الباري انزلي سمعي منهه المايلي
نجمج احزان
من اجوهه حاربوهه
وشيدت يم القبر
دار الاحزان دار الاحزان
ياسر العارضي
ــــــــــــــــــــــــــــــــــــــــــــــــــــــــ
على كلمن كسر.. ضلع آمنا وجسر
غضب ربك
على كلمن طبر.. وگطع بيده نحر
غضب ربك
.............
البرائه والولاء الفاصل الحتمي
اتبرء من اللي كسر ضلع امي
عقيده وما اريد اتجامل بأسمي
إذا يمك سقيفه اهنا على يمي
يالمتحب علي مارايد علي
ابد حبك
بالمحشر نطب وعلى يهو اليصب
غضب ربك
الكاسر للضلع مو فقط دافع باب
الواگف مشترك باجر وراه احساب
إذا انتو عرب يالتدعون اصحاب
مره تنضرب يمكم وينكم يعراب
يالصاحب جنت عجب تالي خنت
عفت دربك
الآذه فاطمه بنار الحاطمه
غضب ربك
الرحمه الواسعه بالشكر كون أدوم
متدوب بضربكم يا وجوه الشوم
تطب للمسجد الزهره بضلع مهشوم
وما حركوا ساكن ساكتين الگوم
تسمع يالنبي يسبها الناصبي
واهي تندبك
على كلمن شتم وسبب هالألم
غضب ربك
اهو فرعون واحد وانتو جنتوا أكثار
ما گلتوله لا لمن حرگها الدار
كلكم سامري وماعنده موسى أنصار
علي وحده بقى وهذا انقلاب الصار
علي ابهاي الشدد اشكثر تصبر بعد
شقوي گلبك
سيفك لو بده يصب فوگ العده
غضب ربك
لو ردت أقره واتعوذ برب الناس
يمر أبالي صورة قنفذ الخناس
بصدور الناس جان السامري الوسواس
واجوا بسياط ضربوا فاطمه عله الراس
تضرب فاطمه وضلعها تهشمه
بكثر ضربك
ما ينفع عذر وحصتك بالحشر
غضب ربك
رضا الباري ابرضاه ام حسن وحسين
الظلمها بالحشر يطي الوجه لا وين
عن بضعت محمد وين أهل الدين
الضلع مكسور والمحسن وحمره العين
باجر تعترف الحقايق تنكشف
شكبر ذنبك
تجي يوم الحشر عليك ابكل كتر
غضب ربك
الشاعر كريم التميمي
ــــــــــــــــــــــــــــــــــــــــــــــــــــــــ
من عكب دار الزجيه ما سكنت ابدار
ومن خيام الغاضريه ماسكنت ابدار
مابين البرد والحر لأمر الباري اتنطر
ماسكنت ابدار
انا المهدي اون وحدي
وعيني دم عله امي فاطمه تدمع
يمر الليل سكوت الليل
بس كسرت ضلوع ام الحسن اسمع
انام اشلون ابجّي الكون
لمن حگها الزجيه بثارها يرجع
الصفع خدها اگص جفه
الثأر اعليه ما اغفه
وضلعج بيه ما يشفه يزهراء
احترگ بيتج يزهراء يشاهدون الكل
وصوتج اليندب اويلاه يشاهدون الكل
انام اشلون ما اگدر لأمر الباري اتنطر
ماسكنت ابدار
...................
نسيم اللي يمر بيه
اعرفه امين جاي بروحي من اشتم
إذا من المدينه الريح
اشمن بيها دم وضلوع تتهشم
وإذا دخان اشوفن بيها
لو بيت احترگ لو نار المخيم
ويخنگني الهوى بطعمه
وأون يا هضمة الهضمه
وعني غافله الامه يزهراء
الامه ما تسأل عليه وحدي عافوني
التفت محد إليه وحدي عافوني
بغذاب الغربه اتصبر لأمر الباري اتنطر
ماسكنت ابدار
....................
باب الدار لمن طاح
يوم اللي رفسها الطاغي واتجسر
وضع جدمه وسند ضهره
حد ماسمع ضلعج فاطمه اتكسر
ثگيل الباب والبسمار
بصدر ام الحسن والحايط أتبسمر
لذا يا باب احركها
جفى بهده لو دگها
اخاف اعلبج يطبگها. يزهراء
بعد ياباب الانظره انتي بعيوني
لهالسبب ساكن الصحره انتي بعيوني
اذكرج بمه وأتمرمر لأمر الباري اتنطر
ماسكنت ابدار
.................
من اذكر حالج يمه
بدمج والتراب اعليج باب انذب
ومحسن طايح ابدمه
وباب العتبه صار ابدمج امخضب
واليذكر الزهره امه
بوسادت حجر وابنومته امترب
الزهره بگاع تتمدد
ومن الضلع تتنهد
صرت عالشوك اتوسد يزهراء
لو ذكرت الزهره امي اتوسد اني احجار
وعالرمال اينام جسمي واتوسد اني احجار
واحس بضلوعي تتكسر
لأمر الباري اتنطر
ماسكنت ابدار
.............
انا بسم وقتل اهلي
وبيوتات النبي بنيران يحترگن
شلون اني استقر وادري
عماتي سبايا ومالهن مسكن
اروح ابكل خرابه انحب
حتى قبورنا بكل غربه اكو مدفن
ييمه هواي تانيتي
اجي لثارج تمنيتيي
واني غربتي بيتي يزهراء
هالجبال وهالبوادي هنه صارن دار
وونتي وحرقة فؤادي هنه صارن دار
عگب اهلي سكنت البر
لأمر الباري اتنطر
ماسكنت ابدار
...........
يأم احسينه احسينج
اغص بالموت من اذكر عظم أمره
خيل اعليه من غارت
ماخلت عظم سالم اكو بصدره
ركلوها اضنغش ركله
وفرو من گفاه ويلي انگطع نحره
وگلبه من العطش يلهب
يشوف العيله تتسلب
حگه المهدي من ينحب يزهراء
وصار رأس الرمح مسكن
لراسه يالزهراء
والعصي جابو يضربن
لراسه يالزهراء
اموت من اذكر المنظر
لأمر الباري اتنطر
ماسكنت ابدار
.............
الشاعر كريم التميمي
ــــــــــــــــــــــــــــــــــــــــــــــــــــــــ
يوليدي يمتة تاخذ الثار
_
ارجع ييمة طال الغياب
ضلعي يمهدي بعدة ماطاب
بس بضهورك تنطفي الباب
اضهر وطفي النار بالنار
_
منتضرة ابقة وضلعي مهشوم
دمعي يسألك ثاري يايوم
يلي بضهورك انسة الهموم
لليوم كبري ابلاية زوار
عمري كضيتة ابيت الاحزان
موكافي ابجي وكلبي لهفان
عذبني يبني فلان وفلان
تشهد عليهم عتبة الدار
_
عن حزني شحجي وابتدي منين
يالمهدي توجع سطرت العين
ضلعي انكسر وضلوع الحسين
تلكة اعلة بابي لكربلة اثار
_
تقبل يغايب امك تنوح
ارجعلي بلكي انسة الجروح
مو تدري بالطف عندي مذبوح
ابجي اعلة جرحة وكلبي محتار
قصة ضلوعي تهدم الحيل
حيدر دفني يبني بليل
حيهم دنادي واسرج الخيل
والشيعة كلهم الك انصار
لمن تنادي وحيهم تصيح
زلم الروافض لجلك تطيح
سيد معتز الحسيني
ــــــــــــــــــــــــــــــــــــــــــــــــــــــــ
راحت امنه..
وخلفت ويّانه آهات و جروح..
راحت امنه..
و من گبل ما أمنه مظلومة تروح
ابعين حمرة..
حِسبت حساب المصايب والعذاب
علّمتنه ابأربعين ايام بالحسرة ننوح..
راحت امنه..
وعافت المسمار روحه امروّعه..
راحت امنه..
ابخدها چان آثار اصابع أربعه!
راحت وعافت خشب
مصبوغ بدموم الصدر
راحت امنه..
وعافت اعيون الحبايب دامعه
راحنت امنه..
والگلوب اعله الهضم ذابت شمع..
وطلگ اعيون السعد نوم الهنه......
چانت الها امْنية..
ابويه ما يمس بيده الضلع..
لا تروح ايامه خلها اعليه تروح امأمّنه
راحت وجذع النخل..
ما خله شهگه ابريِّتي
بس غصص أتنفس....
وبالباب اشوف امصيبتي
مرة بفراش امي انام..ومرة اشم عطر العذاب
ومرة خلف الباب أوگف..بلچت الحگ زهرتي..
بلچت الحگ زهرتي..
خادم الحسين ع يوسف صوفان
ــــــــــــــــــــــــــــــــــــــــــــــــــــــــ
مجروح وتعيش الدمع
مذبوح وتشوف الشمع
ونريد موضوع الظلع.....بالسلامه
************************
اول مره اشوفك ياعلي مخنوك
اشحال الفاگد الدنيا بأعز معشوك
عجيبه شلون باب الجنه هم محروك
يخيط بالدمع يم اليتامه افتوك
ظليت حسره بمهجتك
بالبيت طفوا شمعتك
وهموم كلبك نادتك.....بالسلامه
***********************
اسولف بالدمع ما تخلص العبره
وتصيح الاه اسمعك ضاعت العشره
عليك اسمع تسلم فاطمه الزهره
يحيدر وشگبرها الفرگه بالذكره
ونيت بس ماتنسمع
حسرة الفاگد بالدمع
ويجرحك هوايه الظلع ...بالسلامه
***********************
جرحك من وكت خضر عله اسنينك
ودقيقه من العمر راحت علي وينك
جانت سلوتك بالكوفه وتعينك
اشوف الدار ظلمه بكل روازينك
والشيب بين من وكت
وجه الزجيه لو شفت
بالباب ياحيدر طحت...بالسلامه
************************
تتلفت علي ما تدري بالفرگه
وتصيح الاه منك تطلع بحرگه
يحيدر وشعجب شو طاحت الورگه
تشوف الدار يابو الحمله محترگه
بيا عذر ينفع بعد
جرح السقيفه مابرد
وي فاطمه ماخذ عهد.....بالسلامه
***********************
راجع منحني والدمعه بعيونك
ليش الوحدك چا وينه خي عونك
وحكك صعبه لو كلك علي اشلونك
تون ادري بحسرتك من يسألونك
دافن سمه وسط الگبر
ودموعك لهه تعتذر
وبموتهه صار الحشر....بالسلامه
************************
تهيل عالگبر بدموعك احبابك
زغيره الدنيا تدري وحاسب احسابك
عرفت الطعنه ياحيدر تره اصحابك
عذابك ما خلص من الهجر صابك
تنوح ياحيدر سمه
ياويلي ماتت فاطمه
بالحسره ظلت ناقمه ....بالسلامه
************************
تمت بعون الله
خادمكم....... يوسف الفتلاوي
ــــــــــــــــــــــــــــــــــــــــــــــــــــــــ
الليالي الفاطميه....... 1441
تشييع الزهراء عليها السلام
انشيع الزهره ابمدامع جاريه
غاليه ويفجع رحيل الغاليه
يالله يا احبابها ننحب اعلى اغيابها
ـــــــــــــــــ ❁ ❁ ❁ ❁ ❁ ❁ ــــــــــــــــــ
فاطمه الزهره الوديعه لمن انشيعها
ابهيده كون الممشى خافن لا ضلع يوجعها
الزهره لا نلچم ضلعها وتهمل امدامعها
من هذيچ العصره حسره ابفاطمه اتلوعها
صوت زينب نادى يالجنازه
اخذوا عمره الماخذين اعزازها
بالدليل اصوابها ننحب اعلى اغيابها
ـــــــــــــــــ ❁ ❁ ❁ ❁ ❁ ❁ ــــــــــــــــــ
اتوضى بدموعك يگاصد هالنعش تشييعه
وجدد ويالزهره حزنك والألم والبيعه
هالخبر كل المآذن بالأذان اتذيعه
راحت اليوم الزچيه وحل مصاب الشيعه
يالله يا شيعة علي بهالليله
حيدر الفرگاها منهد حيله
بيده هل اترابها ننحب اعلى اغيابها
ـــــــــــــــــ ❁ ❁ ❁ ❁ ❁ ❁ ــــــــــــــــــ
شيعوها ابليل اظلم فاطمه المثواها
وكلمن ادموعه اعلى خده وذايب الفرگاها
علي اينادي يا محمد فاطمه اتلگاها
ليك اجت لكن ضلعها منكسر يا طه
اجتمعت اذياب السقيفه ابنارها
حرگة اعلى الزهره باب اديارها
من ضحايا ارهابها ننحب اعلى اغيابها
ـــــــــــــــــ ❁ ❁ ❁ ❁ ❁ ❁ ــــــــــــــــــ
زينب ابدمعتها صاحت امي يالشلتوها
وحشه صار البيت وحشه شمعته رجعوها
ريضوا يالشلتوا نعشها امنا لتدفنوها
منكسر ضلع الوديعه ابهيده لتلچموها
كل مسا اعلى امي تسيل اعيوني
واندب حسين حسن عينوني
جمره يبقى امصابها ننحب اعلى اغيابها
ـــــــــــــــــ ❁ ❁ ❁ ❁ ❁ ❁ ــــــــــــــــــ
كل سنه انشيّع نعشها وننحب احنا اعليها
انواسي بدموع المصيبه المنتظر مهديها
الشيعتك رد بسلامه وبالگبر دليها
هالسنه ابحضرتها كون التعزيه انسويها
عجل إلنه ابطلعتك يالغالي
ما بقى للشيعه غيرك والي
حاوطتها اذيابها ننحب اعلى اغيابها
ـــــــــــــــــ ❁ ❁ ❁ ❁ ❁ ❁ ــــــــــــــــــ
الخادم المقصر فراس موحان الساعدي
ــــــــــــــــــــــــــــــــــــــــــــــــــــــــ
(الزهراء والرسول)
هاي الوديعه بالكــبر راح اتوســــــد آيا محمد
جتك حزينه فاطــمه مسطورة الخد آيا محمد
****
هاي الوديعه بهالمســـــه جتك تـــون مهمــومه
ردتلك بحزن وألـــــــــم من هالزمن مظلـــومه
هالليله وســـــط المكبره نزلت تحــن ملجـــومه
ماطولت يالمصطفـــــى بعدك يبو المالــــــومه
خلصت سنين الفاجعه بجبده اتمـــرد آيامحمد
جتك حزينــــه فاطمه مسطورة الخد آيامحمد
****
جاباهه راعي الموزمه محني الظــــهر كرارهه
يدفنهه بالليل وخفــــى بسر ودفــــــــــن آثارهه
ياوسفه هاي ام الحسن محد عـــــرف اسرارهه
غدروهه بنتك يالنبــي شالت غصب عن دارهه
ظلموهه عباد الصنم والباري يشهد آيامحمد
جتك حزينه فاطــمه مسطورة الخد آيامحمد
****
اتلكَاهه ياطه النبــــــــــــي وانشدهه عن آلامهه
وأسألهه ليش بهالعــــــجل ذابت ســنين أيامهه
بثمنطعش عمـــــــر الورد واتســـلبت أحلامهه
ودامي الدمع شنهو السبب والي شغلهه وهامهه
ياهو الظلمهه واعتدى لامـــــا تردد آيامحمد
جتك حزينه فاطـــــمه مسطورة الخد آيا محمد
****
انشدهه ياسيد البشــــــــر تبجي وحــزين اونينهه
شوف المتن ازرك صبح واسود جــــرح جفينهه
وبخده اكو امبين اثـــــــر مسطوره حيف بعينهه
وبيدهه شالت هالطــــفل مذبوح عمـــر اجنينهه
وبعتبة الباب انجـــــــتل لمن تمـــــــدد آيا محمد
جتك حزينه فاطـــــــمه مسطورة الخد آيا محمد
****
محرومه من شم الهوى مطفيه ليـش اشــموعه
انظر عليهه واســــتمع حجي العتـب بدموعهه
محنيه من كثر الجرح مالومـــه من اضلوعهه
من دفعو الباب وهوت طاحت عليهه اجذوعهه
ذاك اللعين ابلارحـــم هو التعــــــمد آيا محمد
جتك حزينه فاطــــمه مسطورة الخد آيا محمد
****
أبو علي الركابي
ــــــــــــــــــــــــــــــــــــــــــــــــــــــــ
معذور الدمــع مكسور الضلع
طفولي الشمع من فاركت فاطمه
*
آه اشكَد ألـــــــم بالروح زينب ياهظــم زينـب
من زغري الدمع وياي ينزل عالوجــن يلهب
اتلوع واون باهــــــات وافرك بيـدي واتعذب
حكَي لو بجيت أحــــاه عمــــر الوالده اتسلب
ممرود الجبد من مات الورد
مدفون بلحــد ريت العيون اتعمه
أفـــــزبالليل مفجوعه واتلفت يمــــــين ايسار
وين أمي الزجيه وين مذهوله واصـــد بالدار
حضن أم المحنه شال من ظل منه بس تذكار
شيله وسبحه ومصلاه وبالباب انظر البسمار
دم دمعي همل ياحيف الأمل
وافاهه الأجــل والدنيه احس مظلمه
**
أكَومن وانتحب وحــــدي ييمه ليـــــش عفتيني
يم وجهه الينكَط خـــــــير نار الفركَـــــه تاذيني
من رحتي ومشيتي اهناك جان اويـــاج خذتيني
خليتيني يم حســـــــــــين يتيمه بوحشه تدريني
وياج الكَلــــب مدفون بترب
والعبره تصب من عيني دمع ودمه
****
أحاجي بروحي اكَللهه بلكنه حلـــــــــــــــم ويروح
بلكنه الجرى والصــار وضلعي أمي البكَه مجروح
وأخيي المحسن الشفته بدمه من وكَـــــــــع مذبوح
طيف الشـافته اعيوني الخلاهــــــــــه تون وتنوح
اتمنى بحــلِم لالا موعلِم
وبأمي انلجِم زينب أنه اميتمه
****
راحت مابعد ترجـــــــــع وابقى مخاويــــه العبره
باجر دهــــــــري ياذيني وآنه ابعـــــازت الزهره
جفني امن العذاب ايشيب كَلبي اتلاهبهــــ الجمره
محد يجـــــــــــبر الخاطر لو عمري انكسر ظهره
لو طاح العلم تنداس الخيم
واجرع بالألم ولياني متخذمه
****
أبو علي الركابي
ــــــــــــــــــــــــــــــــــــــــــــــــــــــــ
زهراء......زهراء....مظلومه يازهراء
......................
انعمله الغيمت الدخان..فزعت لمنه من دخلو**
ذوله الناس مو خيرين..بويه امن امي ما خجلو**
بس اهيه واجوها اهواي..طاحت واشكثر ضحكو**
طاحت امي حدر الباب..وامن الدوس ما شبعو**
زهراء.......زهراء........مظلومه يا زهراء
.....................
بويه امشيت واتبعناك..ومشيي المنكسر گوه**
رد وبيده شايل سوط..ولو لايحني چان اشوه**
زلمه واحنه بس اثنين..ابمتن أمنه شني سوه**
اعلينه الناس يتفرجون..وام الحسن تتلوه**
زهراء........زهراء......مظلومه يا زهراء
...........................
انه اچفوفي حيل ازغار..وجرح امتونهه اشكبره**
مخنوگ وشفت بالعين..بخدهه اشسوت السطره**
بلون المغربيه صار..خد امي شفت حمره**
گامت وانچفت عالگاع..وصعبه عالمره العثره**
زهراء........زهراء........مظلومه يا زهراء
........................
لميت الدمه امن الگاع..لون التربه صار احمر**
الجرحه ابصدره يمشي اشلون..الجرت نفسه ما يگدر**
محنيه مشت مولاي..خطوه وخطوه تتعثر**
واتأشر عليهه الناس..باگت ورد واتطشر**
زهراء......زهراء........مظلومه يا زهراء
.......................
چانت عاده بالعربان..لو طاحت مره تفزع**
شمعنه الزهره فوگ الگاع..وترس اذني الضحك اسمع**
شبعنه امن الشماته هناك..وامن الدمعه ما نشبع**
واجروح اشكثر بالدار..شلون البيتنه ترجع**
زهراء........زهراء........مظلومه يا زهراء
........................
شفت ابعيني كلشي الصار..وگالو يالحسن انسه**
شنسه المحسن وبسمار..لو طيحتهه والرفسه**
خزن جرحي حد اليوم..شلون انسه الحرگ هسه**
زينب بويه والعطاب..وحسين اختنگ نفسه**
زهراء....... زهراء.....مظلومه يا زهراء
علاء المياحي
الفاتحه لروح والدي
ــــــــــــــــــــــــــــــــــــــــــــــــــــــــ
تَـشْييع ... جـنّه و رايِحَه لْـ جَـنّه بكَسرها
تَـشْييع ... اْنتِقلَتْ رحمة الله لـ مُسْتقَرها
__________
شــيَّع جنــازتها الضـــوه...وحشه العوالِم دِخْلَتْ
من بيت حيدر لـ العَرِش...كل رحمة الله انتِقَلَتْ
مِستَـقــبِلَـه روح النـبــي...كلها المــلائــك نزَلَـتْ
و حيدر يباوع لـ السـمه...گالوله روحك وصـلَتْ
توديـع ... و أم الورد ما ظل بس عطرها
تَـشْييع ... اْنتِقلَتْ رحمة الله لـ مُسْتقَرها
___________
حيــدر و لا چنّـه علي...الأمــلاك كلــها اتنوحه
الشايل الباب بچف فقط...بالگـوه شايل روحه
گد ما عليــها فاطــمه...سهام المصيـبه تـلوحه
شافوهِن بسـابع سِمَه...حيدر چبــيره جـروحه
معقول ... حيــدر عمـره خلّص لو عمرها
تَـشْييع ... اْنتِقلَتْ رحمة الله لـ مُسْتقَرها
___________
صوت الجرح رجِّ الارض...تشيـيع أُعـلِن عنـّـه
گالــو مِنِ الزهــره فقـط...البي من علي يتدنّه
شايل نعــش گلــبه مشه...عافيـته راحت مِنّـه
الـ چانت أميــرتها الأرض...هسـه أمـيرة جَـنّـه
بممشاه ... امبينه كَسْرت الزهره اشكبرها
تَـشْييع ... اْنتِـقلَتْ رحمة الله لـ مُسْتقَرها
___________
بالمگــبره و تَـم الدفِــنْ...و صلّو صلاة الدمــعه
و ظل حيدر بلايه ظهر...لـ البيت ياهو ايرجعه
قـــرأن يقــره بدمـعتـه...لو مــرّه يگــعد ينعــه
شما گــال آ يا فاطــمه...بالگبــر تـبچي البضعه
والروح ... دافِـنها مــع الزهـره ابـ گبـرها
تَـشْييع ... اْنتِقلَتْ رحمة الله لـ مُسْتقَرها
___________
دمـعاتي سألت حيدره...أصعب أكــو من الزهره؟
گلِّي الزچيّه اتشَــيِّعَت...بس أبني منهو ايحضره
واتچَـفِنَــتْ هــيّه وبقـه...بلا ثوب فــوگ الغـبره
هيّه انكِـسَر منــها ضلع...بس هوه داسو صدره
و هناك ... صاحَت روحه من سحگو صدرها
تَـشْييع ... اْنتِــقلَتْ رحــمة الله لـ مُسْــتقَرها
____________
سولَفلي عن طاري الخيم...چن روحه عاشت بيها
بابي انطُفَت من اللهـب...و الخـيم شيطفيها
أم الحـسن من غَسَّــلِت...شِفت الحرِگ بأيديها
چم طفله عنـدي بكربله...مشــدوده رجـــليها
چـم نـار ... تقــره بگلبي من ايشب جمرها
تَـشْيــيع ... اْنتِــقلَتْ رحمة الله لـ مُسْتقَرها
الشاعر حاتم صبري الكاظمي
ــــــــــــــــــــــــــــــــــــــــــــــــــــــــ
قال الإمام الحسن لابيه عليهما السلام دعني اتزود من وجه امي قبل ان تعقد الكفن فاني لن انظر الى وجهها منذ ان لطمت حيائا منها
###########
بآلآمه نآدآه الحسن ليه آنه مشتاك
يا بويه لتشد الجفن ليه آنه مشتاك
ليه آنه ما درت النظر
وجه امي من شفته انسطر
ليه آنه مشتاك
##########
بويه امهلني ثواني شوكي يا بويه سلاني
خل اشوفن امي آني آنه مشتاكلها حيل
لمن انسطرت شفها عيني الها ما درتها
امي محنتها عشتها ما نمت بيامي ليل
مستحي يا بويه منها حالت امي شحجي عنها
كطع بسوطه متنها من وله جار الذليل
بنت النبي من حاجته ذبآها للكاع
لمن صفعها بيمنته ذبآها للكاع
وظهري بيو الحمله انكسر
وجه امي من شفته انسطر
ليه آنه مشتاك
############
بويه من هجمو شفتهم هيه حرمه وهمه كلهم
لا رحم لا غيره عدهم جمعو اببابك حطب
شبو النار اعله بابك وانهتك بويه حجابك
يا علي شعظمه مصابك بكلبك وبابك لهب
للستر بالباب لآذت آنه بنت الهادي صاحت
من عصرها جنها ماتت بالحقد صب الغضب
يا بويه جنهم ما درو هذي ام ابوها
نار بخدرها وجرو هذي ام ابوها
بحشآيه بابك من سعر
وجه امي من شفته انسطر
ليه آنه مشتاك
##############
امي من طلعت وراهم بثرك اتبع خطاهم
من لعين الصوت اجاهم ردو سكتو هالمره
جم نذل يا ويلي جآها ردي كال وهدداها
من سمع واضح ندآها حلو عنه امقرره
واحد برمحه دفعها وثاني السياطه طبعها
والاشد ذاك الصفعها منها طاحت عالثره
اسمعها كالت ما ارد لو حيدر يعود
لو دعوه للدنيه اهد لو حيدر يعود
وانظرها محنيه الظهر
وجه امي من شفته انسطر
ليه آنه مشتاك
############
من بعد هذي الرزيه عاشت بلوعه الزجيه
لو تنادي اعلينه هيه بيها اشعر تنلجم
هدمت حيلي ابوضعها لو مشت لزمت ضلعها
لو حجت ينزل دمعها ويختلف ذاك الرسم
امي يا بويه شعظمها ومن اسم ربها اسمها
هالدهر خاين ظلمها منها رايد ينتقم
بارينه من نوره اغترف صاغ الها انوار
بيها الدني جن ما عرف صاغ الها انوار
خلاني ما اهنه الدهر
وجه امي من شفته انسطر
ليه آنه مشتاك
#############
جانت اتضمنه الصدرها يستر الدنيه خدرها
لمن اتجاهل قدرها إنهتك ذاك الستر
من قبلها ردته موتي ولا عله ينعاها صوتي
ولا شفت حالت اخوتي كل فرد يبجي ابكتر
جان الحسين شحلاته تغيرن بويه صفاته
صعبه من اول حياته كلب اخويه ينكسر
بسمآته جانت جالشهد متفارك اشفاه
آهآته صارت من بعد متفارك اشفاه
وينادي دلالي انفطر
وجه امي من شفته انسطر
ليها آنه مشتاك
#############
هذي زينب يعله همها والدموع تصبها يمها
تنتظر امها تضمها ما درت ضلع انهشم
واسمع تحاجيها زينب يمه كلبي بناره يلهب
من اشوفج حالي يصعب يمه يزداد الألم
واسمعت امي تكلها ضمي ونتج ساعه الها
لو بقيتي وتمشي كلها وحدج بذيج الخيم
لو شفتي يبنيتي بخطر قبليه الحسين
من الصدر وامن النحر قبليه الحسين
كوليله هذا الي صدر
وجه امي من شفته انسطر
ليه آنه مشتاك
############
ابو سجاد التميمي
ــــــــــــــــــــــــــــــــــــــــــــــــــــــــ
.قصيدة للتشيع الرمزي لسيدتي ومولاتي فاطمه . ونسال الله القبول
يبن الحسن .. تشييع عدنه الليله
هذا النعش ... ويانه ريت اتشيله
_________________
ياسيدي يبن الحسن تانينه
هالليله نتأمل تجي اتمر بينه
تشييع رمزي الفاطمه سوينه
اونادينه ويلي اعله الضلع نادينه
يبن الحسن .. نحمل هموم اثگيله
هذا النعش .. ويانه ريت اتشيله
_________________
ع الروس شلنه هالنعش وامشينه
كل خطوه للزهره ابحزن ونينه
بالحسره يا ابن الطاهره اتمنينه
ياريت شيال النعش مهدينه
يبن الحسن .. من دم دمعنه انسيله
هذا النعش .. ويانه ريت اتشيله
_________________
واحدنه بس ثوب الحزن يحلاله
شيعنه فاطم والدمع يتلاله
نعش الزچيه نرفعه او نقراله
لطميه . واصوات البچي تتعاله
يبن الحسن .. يا ويل گلبي اويله
هذا النعش .. ويانه ريت اتشيله
_________________
هذا النعش جددنه بي ذكراها
ابليل اضلم احبيب الگلب واراها
جناز مامش من مشت وياها
ولا چنها تفاحة عدن بت طه
يبن الحسن .. المن بعد نشكيله
هذا النعش .. ويانه ريت اتشيله
_________________
يا وسفه فاطم تندفن مهظومه
اوبيها الضلوع امصوبه اومهشومه
اعليها روحي امكدّره او ملچومه
وگلبي عليها منترس بهمومه
يبن الحسن .. المثلي بايد حيله
هذا النعش .. ويانه ريت اتشيله
_________________
ابليل اضلم امك فاطمه ايودعوها
زينب احسين اويه الحسن شيعوها
بدموع تجري سيدي غسلوها
يبچون واملاك السمه بچوها
يبن الحسن .. للصبر مامش حيله
هذا النعش .. ويانه ريت اتشيله
_________________
نادوها يمه الموت ما يحلالچ
يا شمعة البيت اونفس لعيالچ
يمه نريد انعيش يمه ابجالچ
ياريت كل احنه نموت ابدالچ
يبن الحسن .. ايعين الله حامي ادخيله
هذا النعش .. ويانه ريت اتشيله
_________________
ايعين الله حيدر من مشه او يتحسر
شايل نعشها والگلب يتفسر
كل خطوه بجدامه علي يتعثر
يحمل نعشها چن عجز ما يگدر
يبن الحسن ... ارض اوسمه تبچيله
هذا النعش ... ويانه ريت اتشيله
_________________
ابو فاطمة الطائي
ــــــــــــــــــــــــــــــــــــــــــــــــــــــــ
تراون.......
جروح الزهره للوالي تراون
أوونين الثكلى ون حيدر ترى ون
دفنت البضعه بعيونك؟ ترى وين ؟
ودفنت وياها ضحكاتك سويه!!!!!
******
جهاد البصيراوي
ــــــــــــــــــــــــــــــــــــــــــــــــــــــــ
جرحي مو مثل الجروح امشي كمت ابلايه روح
عيوني يمته بالجفن تتغطه وتنام
كمت احن للذكريات وذيج الايام
************
سافرو عني الحبايب والمصايب كبرتني
اشلون نعش العاشرتني راح اشيلنه اعله متني
من كبرج لحد الباب اموت وتعدل الذكره
كلشي ينسي يا ناس بس ما تنسي العشره
جنه بس احنه الثنين هيه دمعه وانه عين
مدري شبسرعه اختفت عن عيني الاحلام
كمت احن للذكريات وذيج الايام
**************
راحت الزهره امن اديه وراحت اوياها المحنه
ومن يدك الباب سائل نركض اعله الباب جنه
من كد ما نحب الخير نتسابك عله المسكين
اليتيم الجان رايد ثوب بثوبه اتصدقاله حسين
جنه نكعد عالحصير وناكل الخبز الشعير
بجفنه نطحن بالرحه ونطعم بالايتام
كمت احن للذكريات وذيج الايام
***********
احفر بكبر الزجيه ويرتفع كل ساع نوحي
مدري اقره الفاتحه الها مدري اقراها اعله روحي
دخيل الله العمر متعوب عكب الزهره ماريده
اول مره بالتربان علي يدفن علي بيده
كمت اشمن بالتراب ودنيتي صارت عذاب
عفيه روح اشكد صحت تتحمل آلام
كمت احن للذكريات وذيج الايام
************
كلبي ملجوم بهجرها وياهو الي حس بلجمته
تره الماتت مو الزهره هاي روحي اليمها ميته
جنت لمن ارد للبيت الهله اتخضر شجر بيها
وبس الزهره تستاهل يناس الزهره اسميها
الزهره من حبها الي الجنه سمتها علي
صحت الينوح الحبيبه ليش ينلام
كمت احن للذكريات وذيج الايام
*************
زينب ايهد حيلي كلش كل سؤال امن اسألتها
علي بويه بداعت امي كلي وين امي خذتها
عافتنه وبعدنه ازغار بويه وظلمه حجرتها
وبالدار الحسن وحسين يبجون اعله فركتها
اثر بكلبي الحجي ازغيره زينب عالبجي
الها ما تدري الزمن من نايبه اشظام
كمت احن للذكريات وذيج الايام
*********
تمت
تحسين الخفاجي
ــــــــــــــــــــــــــــــــــــــــــــــــــــــــ
صبري فاركني وصرت من كلشي اعاني
روحي راحت بعد المن عايش اني
ردت ننطم سويه .... اني والزجيه
***************ا
مشت عني العشت الهه
الجنت بعيوني شايلهه
اذا مو هيه موجوده
حياتي ما اكملهه
راحت والفرح كوض
وراهه راسي صار ابيض
مكان الزهره من يفرغ
بس بالزهره يتعوض
شما اصبر واكول اتهون ... تالي الدمعه تنفيني
من شفت الظلع مكسور ... يبس دمي بشراييني
يا صبر ينفعني ومفاركلي غالي
وبيتهه شما ينترس هم يبقه خالي
تظل وحشه وخليه ... اني والزجيه
***********ا
النهار بعيني صار اظلم
بوجهي الفركه ما تنظم
تمنيت بكبر واحد
اني وام حسن ننطم
للبيت ارجع ابحسره
وباوع يمنه لو يسره
وبلايه وعي اسئل
زينب وينهه الزهره
صرت كلما ارد للبيت ... اتناسه واصيحلهه
موبيدي تره اليشتاك ... عكدة كلبه شيفلهه
شلون كلبي انطاني لمن غسلتهه
شلون اجتني القوه وبمتني شلتهه
ادفنتهه بذني اديه ... اني والزجيه
***********ا
شما مر الوكت يكبر
جرحي وصبري ظل يزغر
من كد ما اون وانحب
دمع اعيوني صار احمر
(( واللبل اذا عسعس ))
ما يسمحلي اتنفس
جفي البي شلت خيبر
ثكيل اعلي صفه المحبس
ما ينطيني فرصه الليل ... يندل لجمة اجروحي
بعد ام الحسن كل يوم ... اقره الفاتحه الروحي
اصحه بالدمعه صرت واغفه اعله دمعه
والجفن لو صب بعد ياهو اليمنعه
محنتي المغربيه .... اني والزجيه
***************ا
النار ابكلبي مشتعله
من عله الى عله
اذا احسبهه وي ناري
جهنم تعتبر سهله
فكد الزهره دوهني
كبرني قبل سني
خلاني صديق البير
بس هوه يعرف وني
اكابر بس اليه حدود ... اذا بيه الهظم يلتم
صح واكف لجن ياناس ... من الداخل امهدم
ياهو منكم صارت بكدي جروحه
وعايش وجوه الترب مدفونه روحه
عشت هاي الاذيه .... اني والزجيه
************ا
مسيل ادموعي يجاره
الباب بكلبي بسماره
طفى كلشي بحياتي بساع
وكلبي ما طفت ناره
الحايط بي رسم بهظم
طفل ما شاف حضن الام
باب الزهره من اجذوع
والتمو علي كلهم
طاحت واليطيح ايكوم ... بس الزهره ما كامت
مثل طيح المطر عل الكاع ... هيج ام الحسن طاحت
بابهه المايندفع دفعو عليهه
ومن وره الباب انكسر ظلع ام ابيها
اهنا متنه سويه .... اني والزجيه
**************ا
الشاعر
مصطفى البديري
ــــــــــــــــــــــــــــــــــــــــــــــــــــــــ
لسان حال السيدة زينب(ع):
أمي راحت من إديه....من مصيبة هالمسيه
********************
أمي راحت والحزن بعيونها
أمي راحت وهي حمره عيونها
أمي وصية نبي و يدرونها
ويدري بيهم بعده يعصرونها
وصية الباري ونبيه....من مصيبة هالمسيه
************
إنكسر عرش الله لو ضلع إنكسر
إقتربت الساعة وإنشق القمر
(قتربت الساعة ونشق القمر)
صاحت الاكوان يارب البشر
طاحت بأعتابها إحدى الكبر
ياعلي غيث الزچيه....من مصيبة هالمسيه
************
ماتت وماكملت كل الحچي
بس علي وموصى إلمن تشتچي
أمي محتاره عليمن تنتچي
ولذلك كل و صيتها بچي
تگلي وصلتني المنيه..من مصيبة هالمسيه
************
أمي لو بطلت بچي تبقى تون
ليلها وينهارها تخلصه تحن
ولأن حمرة عين مغموضة جفن
ما تميّز ألحسين من الحسن
تگله يمه كض إديه.....من مصيبة هالمسيه
****************
أمي بآخر لحظه كالت گربي
ياحبيبة أمچ وبنت النبي
يمه هاي اول علامه للسبي
يمه من هالساعه حضريلچ عبي
كل التسوي أميه.....من مصيبة هالمسيه
****************
وصيتي لحسين لازم توصله
مني گليله الامانه مرسله
يوم عاشر قبليه بكربله
وين ما چان النبي يقبله
شمي نحره يالأبيه.....من مصيبة هالمسيه
****************
جهاد البصيراوي
يسألكم الدعاء
٠٧٧٠٨٠٨٥١٧٨
ــــــــــــــــــــــــــــــــــــــــــــــــــــــــ
احنه خدام ونضل ننصب عزيه
كل سنه نحيي أليالي الفاطميه
عالعهد باقــــين والله يم حسين
كل سنه نحي اليالي الفاطميه
«»،«»،«»،«»
احنــــه احبـــــــابچ يزهــــره تعرفينه
ابدفتر الخــــــــــدام عــــدچ سجلينه
بيــــــــــدچ الجـــــــنة محمد دخلينه
لووصل يوم الحســــــــــاب اتذكرينه
ونتي ماتنسين .... ويانه لتقصرين
ابحيـــــره لتخلينه يالكلچ حميه
«»،«»،«»،«»
بينه لهفه اعله المجــــــــــالس والمنابر
ابكل عزه حساسچ يزهره اويانه حاظر
عدنه چن ليلة مصــــــــابچ يوم عـاشر
كل محـب وي حيرتچ هاليله حــــــاير
شيعتچ يبچون .... ألـــونچ أيونون
عذبانه اصواب ظلعچ يالزچيه
«»،«»،«»،«»
الون الاســــــود صار لايگ بس علينه
يالزجيــــــــه غيـــــره ابـــد ما بدلينه
الان كل ايـــــــامنه خــــــلافچ حزينه
اشگد نعينه اشگد لطمنه اشگد بچينه
والگلب مجروح .... والـدليل اينوح
نبچي دم يافاطمه ابهاي الرزيه
«»،«»،«»،«»
فاطمه ابكســرت ظلــــوعچ صــوبونه
ابطيحت المحسن جنينـــــــچ عذبونه
هسه نفس الزمــــــره ردو حـــــاربونه
الحقــــد مالي اعيــــــونهم لمن اجونه
اليدعون اصحاب ... وحرگـولچ باب
ردو اليوم ابفعل نفس القضيه
«»،«»،«»،«»
نقســــــــم ابدمعت بنينـــچ يالحنونه
عـــن اقامـــــــــة مأتمـــچ مايمنعونه
احنــــــــه مجنونين بسمــچ يعرفونه
وكل محب ضل عدنه يتباهه ابجنونه
كل وكت ننعاچ .... واللـه ماننساچ
نلطم ونقره نضل حد المنيه
«»،«»،«»،«»
الخادم
كامل السعيدي
ــــــــــــــــــــــــــــــــــــــــــــــــــــــــ
ياليتنا يم الحسن
وياچ ويعود الزمن
ظلعچ ابد ماينعصر
الأيد التضدچ تنكسر
.........1
شيعتچ اصبح عددنه بالملايين
وصرنه كل احنه خدم عد ابنچ حسين
الدفع بابچ نكسر ايده ونحرس العين
ال وأن يصرخ نگطع السانه والايدين
ابابچ نسوي والنبي ..
مخيم وتل زينبي
ترفعين رايات النصر
.............2
يازمن رجعنه نركض نحرس الدار
النار لو بالباب شبت نطفي النار
فاطمة گالوا صدرهه صابه بسمار
ضلت الزهره تحشم وين الأنصار
انموت اعلبابچ بالدمع
لوشفنه مكسور الظلع
ياويلهم اهل الغدر
..............3
ظلعچ ايكسرونه من اجل المناصب
وطحتي يالزهره بدين اكبر نواصب
ماكو عندچ شيعه تفزعلچ تحارب
والمدينة شعجب مابيها حبايب
لو احنه نتواجد قبل
محسن ابد ما ينقتل
البسمار مايوصل صدر
...............4
لون محسن عدل يحظر سيفه الطفوف
يحمي عباس وابد ماتطيح الچفوف
ومايخلي الگلب زينب يوصل الخوف
ونحر اخوه حسين ما توصله السيوف
لو شيعه موجوده وعلي
ما تنچتف ايد الولي
يالزعرة نفديچ العمر
............ ....5
ثارچ بذمتنه باچر يرجع الراح
لمن ناخذ ثار ظلعچ اله نرتاح
يطلع المهدي ونضحيله بالارواح
والحرگ دارچ يحرگه وهمنه ينزاح
ياليتنا تبح صدگ
وبيت اليكرهچ يحترگ
ومايبقى بالعالم شمر
.........................
حيدر موسى الرميثي
ــــــــــــــــــــــــــــــــــــــــــــــــــــــــ
حتى احصلچ مهر بعّت الدرع
شرد أبيع اليوم و اجبرلچ ضلع
انطي عمري الكامل
راضي و الله و قابل
يا فاطمة يا فاطمة
###################. ــــــــــــ
الدنيا و الما بيها
طولچ امحــــليها
و الله و ابلياچ ما تســــوه التراب
انتي زرعـــي الاثمَر
و انتي نصفي الاخَر
و انه من دونچ اصيرن كالسراب
انذرلچ. كل عمري بس ترجع. ضحكاتچ
يام بيتي. بعيونچ تجرحني دمعــاتچ
حمرة عينچ من عسى اعيوني عمَن
انتي مو زوجة انــتي چنتيـــلي وطن
لعظمي كسرچ واصل
راضـــي و الله و قابل
يا فاطمة يا فاطمة
#################
الله يدري و عالم
بالهضم يا فاطم
البيچ بيَّه و الوجَع نفس الوجَع
گلبي فارگ نبــــــضه
و هم صحت يا فضة
سَنِديني حيلي وي محسن وگَع
انظرلچ. مكسورة. و يذبحني هالمنظَر.
كل حيدر. فدواتچ. لو ضلعچ يتـــــجَّبَر
و حتى ما يبقى اثر للصــــــطرة
علي بايع روحه هـــاي الـــــمرة
و السعر بالنــــــازل
راضي و الله و قابل
يا فاطمة يا فاطمة
######################
يا رفـــيقة دربي
و يا عـــزيزة گلبي
ذكرياتچ تاخذ بجــــــرحي و تجيب
هسه اذكر گاعد
من رحت للوالد
و اطلبت ايدچ امن إيدين الحبيب
بالسكتة و البسمة وافقتي خجلانة
يا وردة. احلامي. ماريدچ . ذبـــلانة
بينج و بيــــــــــني و لا مــر الزعل
شنهو صار و عني رحتي بالعــجل
ابقي و اني الراحل
راضي و الله و قابل
يا فاطمة يا فاطمة
#################
يالوداعچ يكـــــــــلف
راح اذكرّچ مــــــوقف
ربنا باول طفل مــــــــن اعلينا مَن
حرنّه ذيــــــــچ الليلة
يا اســــــــم نهـــديله
و بوكتها جده ســــــــماه بالحسَن
فرحتنا. ساعتها. ما چانت تتوَصَّف
لهالفرحة. من بعدچ راح ابقى. اتحَسَّف
وياچ يتـــــــــــوضى الحسن معتادة
و چان بيــــــــــده ايمدلچ السجادة
و هسه شوفيَ ذابل
راضي و الله و قابل
يا فاطمة يا فاطمة
#####################
بصدري نارچ تلـــهب
وياچ اسولف و انحب
لذيچة ايامچ اخذ بيـــــــدي الحنين
ربنا زاد إحـــــسانه
و طفل ثاني انطانه
يا سعادة الما حوتنا ابجيت احسين
قاصدها عالمنحر. من باسه. مُحمد
معناها. بالعاشر طـــــــبراته. ما تنعد
لو جرح سهلة نخيطله الجرح
من گفاه يالزهره ابنــچ ينذبح
و الله ما يــستاهل
راضي و الله وقابل
يا فاطمة يا فاطمة
###################
هواية دمچ نازف
و انه جداً اســف
يمكن ابچلــــــــماتي زيدّت الجروح
عندي ظلت چلمة
حچاية اليا يــُــــمة
لو حچتها يمي زينـــــــب وين اروح
يا ويلي. لو گالت. يا بـــــــوية وين اُمـــي
لحظتها چان احسن لو ينشف . كل دمــــي
جنة للـحـوراء خَــــيـر أمٍ وَأبْ
شماتعبنه وياها منحس بتعب
لخاطر اخت الكافل
راضي و الله و قابل
يا فاطمة. يا فاطمة
######################
الحمدلله
علي حسين الكناني
ــــــــــــــــــــــــــــــــــــــــــــــــــــــــ
انـطـي اعـلـه بـابــي...يـا عــلـي
ابــنـــي وشــبــابـــي...يـا عــلـي
وارضى الـﮔﻪ احـلامـي..وكـل أيـامـي..امطـشره ابـسـمـار
بـس كــونــك ســـالــــم..لاجلـك فاطـم..فــــدوه يـالكــــرار
ابــنـــي وشــبــابـــي...يـا عــلـي
ـــــــــــــــــــــــــــــــــــــــــــــــــــــــــــــــــــــــــــــــــــــــــ
كسـرو ضلـع نَـزلَّـو دمـع..يضـوي لمْـن يبـﭽـﻲ الشمـع..اللـيـالـي
واضـوي وأظلَـن شمعـتك..واطـفه من اشوفـن دمعـتـك..تــلالــي
آه ودمــــــوع...لـيَّـه لوحـدي خليهـن..فـدوه ادموعـك اخفـيهـن
وريت يا ريت...كل ضلوعي كسـروها..ولا ﭽـفـك يـﭽـتفـوهـا
وصار إي صار...عمري امفارﮔ الراحه..من ﭽـفك حبل لاحه
يحـيــدر
وشـفــت المـنـيـــه...اويـه الحـبـل
الـتـفــت عـلــيــــه...اويـه الحـبـل
ورَحـبـت بــمــوتــي..بـدمـعـي وصوتـي..وانـت رد للـدار
بـس كــونــك ســـالــــم..لاجلـك فاطـم..فــــدوه يـالكــــرار
ابــنـــي وشــبــابـــي...يـا عــلـي
ــــــــــــــــــــــــــــــــــــــــــــ1ـــــــــــــــــــــــــــــــــــــــــــــ
اثـنـيـن الوِلِـد لكـن بعـد..اتمـنـيـت انـه بـثالــث ولَــد..أفـرحــك
بـس الإجـه محزم حقـد..ثـاري ودفـع بـابـي بقـصـد..يجـرحـك
باب هالـبــاب..صحـتلهـم يعـوفـونه..واهـمه اكثر يدفعـونه
مات مو مات..ابني واسمع الضحكه..الا ومـيـت انـتـركـه
ليش ﭽـﺎ ليش.. ﮔﺎلـو خل يجي ويانه..ﮔـتـلـهـم فــداك انـه
يحـيــدر
انـــه وحــيــــاتــــي...وفــدوه الـــك
وهـــاي امـنيـاتــــي...وفــدوه الـــك
تـفـــداك الــزهــــره...وهـاي السطــره...اشكيها للمـخـتـار
بـس كــونــك ســـالــــم..لاجلـك فاطـم..فــــدوه يـالكــــرار
ابــنـــي وشــبــابـــي...يـا عــلـي
ـــــــــــــــــــــــــــــــــــــــــــ2ــــــــــــــــــــــــــــــــــــــــــــــ
مـن تشـتـرك أي مـعـركــه..ﭽـن انـه بيـهـا امـشـاركـه..ودلـيـلـه
وين انت جسـمـك منـجـرح..جسـمـي تشاهد بي جــرح..مثـيــلـه
وليـش ضمـيت..ضلعـك يا عـلي ﮔـلي..صاير بـي كـسر مثلي
وهاي بس هاي..خل تبقى إلي لوحدي..لتـشـارك جرح خـدي
خاف لا خــاف..شامت يفـرح بهايه..وشـمـات التجي هـوايـه
يـحـيــــدر
بـجــرح المـشـاعــر...يـا عــلــي
تـﮔــدر تــكـــــابـــر...يـا عــلــي
وافــديـك بروحـي..وذنــي جــروحــي..مــرقــد وتـنـــزار
بـس كــونــك ســـالــــم..لاجلـك فاطـم..فــــدوه يـالكــــرار
ابــنـــي وشــبــابـــي...يـا عــلـي
ــــــــــــــــــــــــــــــــــــــــــــــ3ـــــــــــــــــــــــــــــــــــــــــــ
بجـنــازتَّــي مـن تـعـتـنـي..مـروتـك عـلـي لا تـنحـنـي..بمصـابــي
انـت اذا تـحـنــي الظــهـر..يـسـتـفـــرد اولادي قــهــر..غـــيــابـي
مـوت وشـلــون..مـن يعثر قهـر ابني..اﮔـدر آخـذه بحضـنـي
وآه بــحـســيــن..لـمَّـن يعـثـر ﮔـبـالـي..شوف شيصبح بحالي
هـنــا تــلـــﮔـاه..ﮔـلـبي اتدوره تشـوفه..لازملـه تره اﭽـفـوفـه
يحـيـــدر
يـكـفــي اليـنـظـره...بـكـربــلــه
هـنــاك واحضـره...بـكـربــلــه
وكـلـكــم افـديـكــم..روحـي انطـيـكــم..ولمـمـاتـي اخـتـــار
بـس كــونــك ســـالــــم..لاجلـك فاطـم..فــــدوه يـالكــــرار
ابــنـــي وشــبــابـــي...يـا عــلـي
ـــــــــــــــــــــــــــــــــــــــــــــ4ــــــــــــــــــــــــــــــــــــــــــــ
تـدفـنـي انـت يـا عـلــي..وزينب تِحَضْر افــراش الـي..وتـتـانـي
وارجـع أجـيـهـا اتخيلَت..وكل ساعه تركـض عَـدلَــت..مـكــانـي
لـيـل واللـيـل..بالـله الوالــد تـعــذره..يـفـتـر طبـعـه عالفـقــره
بـآه وتـﮔــول..تـأخـير امي ما اعرفه..وانـه لوحـدي ما اغـفـه
نوح وتـنـوح..نـوح الـما ينـوحـه احد..إرجـع إلـهـــا لا تـبـرد
يـحـيــدر
الحــره الحـبـيـبــه...امـيـتـمــه
وبـاﭽــر غـريـبــه...امـيـتـمــه
بـثـوبــي وغـطـيـهــا..وإي حاﭽـيهـا..بمـوتـي هـالاســـرار
بـس كــونــك ســـالــــم..لاجلـك فاطـم..فــــدوه يـالكــــرار
ابــنـــي وشــبــابـــي...يـا عــلـي
ــــــــــــــــــــــــــــــــــــــــــــ5ـــــــــــــــــــــــــــــــــــــــــــــ
احمد البصراوي العبادي
ــــــــــــــــــــــــــــــــــــــــــــــــــــــــ
يتيمه روحي شلون العشك عنه افترك و اتركه
يتيمه روحي حمل الجفه للبيه وفه يهلكه
و انسلبت عافيتي
من راحت ام بيتي
يتيمه روحي
*
شسولف و البلكلب ما ينحجي
اعله طولي ما اوكف اله انتجي
هضيمه بالبير افرغ كل بجي
اني اول بشر يبجي بس ما تطلع دموعه
عوض عن الدمع تطلع روحه بكضت ضلوعه
اطب للدار و اتحسر ذيج اللهفه ما هيه
الجنت بيها اشد الحيل راحت تركت اللوعه
هضيمه والله البيهه انتعش هسه بنعِش شلتها
هضيمه والله ام الصبر هسه بكبر عفتها
انرض نفسي بنص ريتي
من راحت ام بيتي
يتيمه روحي
*****
حنيني يفز ويه اسم كل فاطمه
و احسن بضلوعي كلها مهشمه
عليها حسراتي حيل محزمه
انه البجفوفه رجفه تصير لا و الرجفه بعضامه
الحزن تارسني لم حسين من جدامي للهامه
الصبر ما ينفع بهالحال التنفع حسره حراكه
المن عنده انسلب حلمه يضل الليل مينامه
زماني بيها كل حلمي هد هسه انمرد دليلي
زماني بيها باك الورد ضمه بلحد يويلي
و اتحسر تاليتي
من راحت ام بيتي
يتيمه روحي
*
شيحمله ليلي و انه بكلشي اختنك
و اباوع كدامي مكسور العشك
و الاعظم زينب بعد ما تنشبك
راحت و الكلب شب نار زينب فكدت الزهره
تكضي الليل حسره و نوح بكلبها ثمنطعش عصره
زغيره و منها امها تروح جا شيحمله هذا الليل
و باجر بالخرابه هناك الها تعاود الذكره
غريبه زينب تكضي العمر نار و يسر عكبها
غريبه زينب يحمل الم باب و خيم كلبها
ايعين الله ابنيتي
من راحت ام بيتي
عذابي كلب ابني الحسين انكسر
ونينينه فوك القهر زاد القهر
اشوفه كلساعه يلمس بالنحر
جنه يكلي بويه تشوف باجر نحري يتكطع
و عله صدري التشبكه امي شمر يا بويه يتربع
و انه بحسراتي ارد اعليه اكله يبني لا تهتم
باجر انه و امك غاد يمك بالذبح نرجع
ونينه يعله يمه تجي تشبع بجي العقيله
ونينه يعله تحجي بهظم دهري يضم هزيله
بدمعي اترس خاجيتي
من راحت ام بيتي
يتيمه روحي
*
النهايه كل حيلي لازم ينجفي
الوديعه لازم ينوحلها الوفي
دموعي بس هيه بيهه اني اكتفي
انه الما قدرالي الله ارد و اخذ بثاري
و بقه بغمده فلا مسلول كاسر ظهري فقاري
لجن لابد يرد اليوم واحد ينشر احكامه
و هو الي يسل السيف بيده و تنطفي ناري
اتاني يومه ذاك الامل ادعي العجل يظهره
اتاني يومه راعي الزمن ابن الحسن ينصره
بيه اختم تعزيتي
من راحت ام بيتي
يتيمه روحي
حسام العيساوي
ــــــــــــــــــــــــــــــــــــــــــــــــــــــــ
مكسورة الضلعين الله اجتباهه
يغضب لها المعبود ويرضه لرضاهه
حرگوا عليها الدار الحگها يا كرار
الله اجتباهه الله اجتباهه
@@@
سجل يتاريخ ابفخر و انقل خبرها
واحچي بصراحه بلا خجل عَلْي ظلمها
هاي الزچيه ام الحسن ظالم سطرها
ابكل صلافه بلا رحم جاها عصرها
بيت الاله شلون احد يحرگه
وجه الجلاله كيف يگدر يطگه
بيها العقل يحتار الحگها يا كرار
الله اجتباهه الله اجتباهه
@@@
نبتت بسامير ابضلع هاي الزجيه
اجاها عالباب ورفس زاد الاذيه
ابخسه يحچي هالرجس عالهاشميه
وسگط محسنها بعد اعله الوطيه
ابجرة الانفاس يتألم صدرها
يعني الهوه ياناس زيد ألمها
ابهجمة الفجار الحگها ياكرار
الله اجتباهه الله اجتباهه
@@@
اعليه هالگوم اهجموا وش هالتعدي
اجاني من عدهم رجس گابلني وحدي
ضربني ابسوطه النذل الم لي زندي
وبچفه هالملعون سطرلي خدي
وبچعب سيفه بعد گام وضربني
گمت ابگوه وضرب للگاع ردني
خزانة الاسرار الحگها يا كرار
الله اجتباهه الله اجتباهه
@@@
ابعجل يا فضه اگربي تعالي ابساع
سنديلي ظهري بالعجل مكسورة اضلاع
محسن بالعصره سگط واگع على الگاع
الحگني ياحيدر علي اگليبي ملتاع
صاحت يابوالحسنين و الضلع مكسور
يعني مع الكلمات دماها بتفور
والدمه كالمدرار الحگها يا كرار
الله اجتباهه الله اجتباهه
@@@
قال سليم هالخبر و الخبر معروف
ابفزعة المولى علي فروا من الخوف
طارح عالگاع الرجس والعالم يشوف
ما همه كثره ولا عدد ولا هالسيوف
لولا الوصيه اليوم راسك اگطعه
وبچفي انا يصير والله اخلعه
بنت النبي المختار الحگها يا كرار
الله اجتباهه الله اجتباهه
@@@
خادمكم / فاضل عبدالسلام
الله يعطيك العافيه
ردحذفالله يعينك يا علي مكتوبه
ردحذفبارك الله فيك
ردحذف