10 قصائد للهلال مكتوبه اول ايام محرم

قصيد رقم 1

هلال محرم ( النزلة ) عمار هليل الواسطي

يهلال النوايب ... يهلال النوايب ... مهموم كلمن طالعك ... يهلال النوايب
*******************************
من تهل وتلبس أسود هالسمــــه
تفجع الهادي البشير وفاطمــــــه
وينكسر كَلب الولي حامي الحمه
وهاي ما تحتاج أصلاً ترجمـــه
عالطف ومصابه ... عالطف ومصابه... مهموم كلمن طالعك ... يهلال النوايب

*******************************
الأنس والجان مفجوعه بحزن
شما عليهه بالقهر ليلك يجـــن
الكربله ولحسين واعياله تحن
هيجي موقف يفجع الدنيا شتظن
ويصيح واحسيناه ... ويصيح واحسيناه ... مهموم كلمن طالعك ... يهلال النوايب

*******************************
ريت لا هليت لا صار الكــــــدر
جم كَلب جم خاطر الليله إنكسر
هالسواد اللبسته هاي البشــــر
صوره عالأحزان من بين الصور
وبهاي المواقف ... وبهاي المواقف ... مهموم كلمن طالعك ... يهلال النوايب

*******************************
اليوم واحد من محرم من بــده
مهّد لأحزانهه بكل المـــــــــده
ويوم عاشر هذا تعرف موعده
منه يا ضيم وقهر بيهه إبتـــده
بشيعتنه الحزينه ... بشيعتنه الحزينه ... مهموم كلمن طالعك ... يهلال النوايب

*******************************
والله يهلال السمه كونك تشـــــوف
شلون مزدحمه المجالس بالصفوف
ريت ويه الي لطم قوسك يطـــوف
لكل جرح ينزف يريتك لو تروف
وبمجلس عزانه ... وبمجلس عزانه ... مهموم كلمن طالعك ... يهلال النوايب

*******************************
نحسب الأيام من نتنطـــــــرك
بالحزن والفاجعه نتذكـــــرك
ربنه بالأحزان لينه كَـــــدّرك
بيا امل يهلال لو نتصــورك
ماظلت أماني ... ما ظلت أماني ... مهموم كلمن طالعك ... يهلال النوايب

*******************************
من يمر عاشور يحتار الدليــل
يساعد الله كَلب زينب والعلــيل
من يشوفونك جرح عالي تميل
لكن بحكمه ودرايه امن الجليل
والهذا ننادي ... والهذا ننادي ... مهموم كلمن طالعك ... يهلال النوايب

 قصيد رقم 2

هلال محرم
————
هل الدمع هل الحزن هل الالم هل هلال
باجر صبح وييا مشي وييا دمه وبي اهوال
باجر سبي
وحرگ العبي
باجر محرم

هل الدمع هل الحزن هل الالم هل اهلال
.....
باجر نروح عله الدرب نمشي بمسير وهيبه
نمشي الخدر يعني الخدر مثل الملك ترتيبه
منا فحل منا بطل ووجوه تنگط طيبه
الكل مبتسم الا انه اون وانضر بعين الغيبه

من تحترگ بينه الخيم نفزع نلم بلاطفال
وننضر اقمار عله الثره وعيون مدمعهن سال

يا ال النبي
وحرگ العبي
باجر محرم
هل الدمع هل الحزن هل الالم هل اهلال
....
نفتر مثل فر الرحه خوف ومدامع واحزان
نگصد مصارع كربله برواح ممليه اشجان
اقمار غطتها الترب فوگ الترب ليها اجفان
بنوار من تحت الكفن اشموس فوگ الميدان

جن حومرت منها السمه دم تنزف بعيني تشوف
لكل هالمناضر استعد كل ما يهل ليه تعود

دمعة صبي
وحرگ العبي
باجر محرم
هل الدمع هل الحزن هل الالم هل اهلال
....
باجر خيم من تشتعل تشعل عبي وياها
تگطر جمر بي نستتر عن النضر نلفاها
لون الحرگ فوگ الجسد مثل العبي غطاها
لا هاشمي يداوي الجرح والعيله الي لماها

وحدي صرت بين الخيم للنار اطفي ويانار
نار العبي لو بالخيم لو نار البكلبي احتار

الكل واجبي
وحرگ العبي
باجر محرم
هل الدمع هل الحزن هل الالم هل اهلال
...
زجر ونياگ بهلتك يهلال اشوفاً بالعين
وانضر جسد فوگ السهم فوگ الطعن بي رمحين
وانضر المحبس ينسلب والخيل داست بحسين
وانضر على الشاطي عمد بالهامه يم الجفين

ذاگ الكمر فوگ النهر والرايه يمه موسد
اي كافلي بعده انسبي فوگ الهزل من ابعد

هل مغربي
وحرگ العبي
باجر محرم
هل الدمع هل الحزن هل الالم هل اهلال
...
ادخل مجالس تنعقد بس للزلم جابوني
انه واطفالي والنسه وسجاد نور عيوني
وراح احجي وصوتي يصد يم الغرب تدروني
انه الجنت لهل الخدر ام الخدر تدعوني

هذا الخبر وي هلتك راح استعد للهزل
يهلال اروح بلا اهل لدروب ما بيها اندل

وي اجنبي
وحرگ العبي
باجر محرم
هل الدمع هل الحزن هل الالم هل اهلال
...
باجر اصد صوب الطشت وانضر عيون اطفالك
انضر رقيه عله النحر خلت جرح تدنالك
جنها تگلك والدي ابرالي من ابرالك
انضر الاذني والدمه اشبه يبويه بحالك

نفس الدمه بس يختلف دم منحرك واذاني
انت بمنيتك وسدك بس اني بويه اذاني

يم سالبي
وحرك العبي
باجر محرم

هل الدمع هل الحزن هل الالم هل اهلال
...
حيدر عيسى البديري

قصيدة رقم 3
للهلال
........
كلشي مات كلشي مات
من لطم وجه الصبح وجه الحياة
هل محرم بالدماء
هلاله ما خله حياء
تسبه بي اركان ايات الصلاة
....
مات حتى الفجر والشمس بجراح
طلعت وما هل نفس ذاك الصباح
الطير ما غرد ولا صوت بصياح
والورد اسود فتح وبلونه لاح

بالسواد بالسواد
مكدر بلون الحزن شافه العباد
جن ينادي للسماء
هل محرم بالدماء
تسبه بي اركان ايات الصلاة
....
هل محرم وابتده وياي العزاء
لازم البس اسود ودمعي دماء
وبالمواكب الطم وكلي وفاء
للدماء السالت بكرب وبلاء

بالعزاء بالعزاء
نقتدي بجون ونلبي بالفداء
نركض بارض البلاء
هل محرم بالدماء
تسبه بي اركان ايات الصلاة
....
صبح باجر لاتجي تكشف الطفوف
تذبح بشمسك تراتيل وحروف
تذبح العتره وتگطعلهم كفوف
وتهدم الكوثر ولا تترك جروف

والكتاب والكتاب
تدمع حروفه وترتل بالعتاب
ويصدح بصوته نداء
هل محرم بالدماء
تسبه بي اركان ايات الصلاة
.....
بيك زينب تنسبي فوگ الهزل
الجان من خيالها كل ضي يزل
كام فوگ متونها اليضرب يمل
سوده خلاها مثل لون الكحل

ومن تنوح من تنوح
يشتموها ويلجمو بيها الجروح
وينه حمال اللواء
هل محرم بالدماء
تسبه بي اركان ايات الصلاة
....
يا هلال وعن رقيه اكتب كتاب
بيك هم تنضر يتم تنضر عذاب
طفله هايه شلون جانت شباب
سلبو منها التراجي شهالمصاب

من بعيد من بعيد
گلي وانطيك التراجي لو تريد
ادري ما ينفع رجاء
هل محرم بالدماء
تسبه بي اركان ايات الصلاة

.....
حيدر عيسى البديري

قصيد رقم 4
قصيدة اول ليله لمحرم 1438

استقبال شهر محرم

هل محرم والعرش اعلن عزاء
ونادى جبريل بحزن يا كربلاء
تبجي ودموعك دمه
وتندب أمك فاطمه. يابوصالح

شهر آهات وحزن
بي سياط وبي متن. بالغاضرية
بي بواجي وبي دمع
چنه محسن والضلع. وحال الزجيه
والعريس وشمعته
والدموم الحنته. وسهم المنية
وبي تراجي اسلبن
وطفله حزنانه وتون. آه يارقيه

وانت تذكرها المصايب والبلا
وتبجي حال ايتام ظلت بالفله
وتدعي يارب السما
وتندب أمك فاطمة. يابوصالح

طف بواجي وفاجعه
والكفل والمشرعه. تكول الرواية
جربه بالطف ونهر
وعم يسمونه الكمر. وجفوفه آيه
والعقيله تيسرت
عالجمر يوم المشت. وية السبايا
يامصايب هالدرب
كعبه عثرت عالترب. احتركت عباية

عالكفل صاحت عقيلة حيدرة
شفت خدر الله احتركت فوك الثرى
حال عمتك تفهمه
وتندب امك فاطمة. يابوصالح

ام تنوح ويالمهد
تنادي يايمة الوالد. هالدر حليبي
صورتك يبني البقت
دمعه بعيوني العمت. شهكة نحيبي
يادللولك حزن
جمرة ظلت بالجفن. ناري ولهيبي
كلبي مايحمل الم
وردة يذبحها السهم. نحرك حبيبي

يمه ابوك حسين من رد للخيم
وانته بيده ونابت بنحرك سهم
طفل مات من الضما
وتندب أمك فاطمة. يابوصالح


سكنه ظلت عالوعد
راحت تحاجي العمد. وين الكفلني
من جرحته بهامته
وسفه صاحت جربته. جي ماروتني
راح اروح المصرعه
وابجي يم المشرعة. واشكيله حزني
ارد اكله مروتك
خدري نار بغيبتك. جمر وحركني

وركضت عطشانه والنار بكفاي
من التفت الكه الشمر يركض وراي
وحته حيدر شتمه
وتندب أمك فاطمة. يابوصالح


شلون حال اخت الولي
الفاركت غيرة علي. وآية خدرها
من بعد خدر الكفل
عمر يكضي عالهزل. آه ياصبرها
بعده وسفه تيسرت
وهي عالناكه وبجت. بس ماحضرها
بعد ماتحمل صبر
وهي تمشي عالجمر. آخر عمرها

والعمر فوك الهزل يخلص عجيبة
واسمي جان ام الخدر صرت الغريبة
وليلي ابد مانايمة
وتندب أمك فاطمة. يابوصالح

علي طعمه البطاط

قصيد رقم 5

هلال محرم
————
هل الدمع هل الحزن هل الالم هل هلال
باجر صبح وييا مشي وييا دمه وبي اهوال
باجر سبي
وحرگ العبي
باجر محرم

هل الدمع هل الحزن هل الالم هل اهلال
.....
باجر نروح عله الدرب نمشي بمسير وهيبه
نمشي الخدر يعني الخدر مثل الملك ترتيبه
منا فحل منا بطل ووجوه تنگط طيبه
الكل مبتسم الا انه اون وانضر بعين الغيبه

من تحترگ بينه الخيم نفزع نلم بلاطفال
وننضر اقمار عله الثره وعيون مدمعهن سال

يا ال النبي
وحرگ العبي
باجر محرم
هل الدمع هل الحزن هل الالم هل اهلال
....
نفتر مثل فر الرحه خوف ومدامع واحزان
نگصد مصارع كربله برواح ممليه اشجان
اقمار غطتها الترب فوگ الترب ليها اجفان
بنوار من تحت الكفن اشموس فوگ الميدان

جن حومرت منها السمه دم تنزف بعيني تشوف
لكل هالمناضر استعد كل ما يهل ليه تعود

دمعة صبي
وحرگ العبي
باجر محرم
هل الدمع هل الحزن هل الالم هل اهلال
....
باجر خيم من تشتعل تشعل عبي وياها
تگطر جمر بي نستتر عن النضر نلفاها
لون الحرگ فوگ الجسد مثل العبي غطاها
لا هاشمي يداوي الجرح والعيله الي لماها

وحدي صرت بين الخيم للنار اطفي ويانار
نار العبي لو بالخيم لو نار البكلبي احتار

الكل واجبي
وحرگ العبي
باجر محرم
هل الدمع هل الحزن هل الالم هل اهلال
...
زجر ونياگ بهلتك يهلال اشوفاً بالعين
وانضر جسد فوگ السهم فوگ الطعن بي رمحين
وانضر المحبس ينسلب والخيل داست بحسين
وانضر على الشاطي عمد بالهامه يم الجفين

ذاگ الكمر فوگ النهر والرايه يمه موسد
اي كافلي بعده انسبي فوگ الهزل من ابعد

هل مغربي
وحرگ العبي
باجر محرم
هل الدمع هل الحزن هل الالم هل اهلال
...
ادخل مجالس تنعقد بس للزلم جابوني
انه واطفالي والنسه وسجاد نور عيوني
وراح احجي وصوتي يصد يم الغرب تدروني
انه الجنت لهل الخدر ام الخدر تدعوني

هذا الخبر وي هلتك راح استعد للهزل
يهلال اروح بلا اهل لدروب ما بيها اندل

وي اجنبي
وحرگ العبي
باجر محرم
هل الدمع هل الحزن هل الالم هل اهلال
...
باجر اصد صوب الطشت وانضر عيون اطفالك
انضر رقيه عله النحر خلت جرح تدنالك
جنها تگلك والدي ابرالي من ابرالك
انضر الاذني والدمه اشبه يبويه بحالك

نفس الدمه بس يختلف دم منحرك واذاني
انت بمنيتك وسدك بس اني بويه اذاني

يم سالبي
وحرك العبي
باجر محرم

هل الدمع هل الحزن هل الالم هل اهلال
...
حيدر عيسى البديري

قصيد رقم 6
للهلال
........
كلشي مات كلشي مات
من لطم وجه الصبح وجه الحياة
هل محرم بالدماء
هلاله ما خله حياء
تسبه بي اركان ايات الصلاة
....
مات حتى الفجر والشمس بجراح
طلعت وما هل نفس ذاك الصباح
الطير ما غرد ولا صوت بصياح
والورد اسود فتح وبلونه لاح

بالسواد بالسواد
مكدر بلون الحزن شافه العباد
جن ينادي للسماء
هل محرم بالدماء
تسبه بي اركان ايات الصلاة
....
هل محرم وابتده وياي العزاء
لازم البس اسود ودمعي دماء
وبالمواكب الطم وكلي وفاء
للدماء السالت بكرب وبلاء

بالعزاء بالعزاء
نقتدي بجون ونلبي بالفداء
نركض بارض البلاء
هل محرم بالدماء
تسبه بي اركان ايات الصلاة
....
صبح باجر لاتجي تكشف الطفوف
تذبح بشمسك تراتيل وحروف
تذبح العتره وتگطعلهم كفوف
وتهدم الكوثر ولا تترك جروف

والكتاب والكتاب
تدمع حروفه وترتل بالعتاب
ويصدح بصوته نداء
هل محرم بالدماء
تسبه بي اركان ايات الصلاة
.....
بيك زينب تنسبي فوگ الهزل
الجان من خيالها كل ضي يزل
كام فوگ متونها اليضرب يمل
سوده خلاها مثل لون الكحل

ومن تنوح من تنوح
يشتموها ويلجمو بيها الجروح
وينه حمال اللواء
هل محرم بالدماء
تسبه بي اركان ايات الصلاة
....
يا هلال وعن رقيه اكتب كتاب
بيك هم تنضر يتم تنضر عذاب
طفله هايه شلون جانت شباب
سلبو منها التراجي شهالمصاب

من بعيد من بعيد
گلي وانطيك التراجي لو تريد
ادري ما ينفع رجاء
هل محرم بالدماء
تسبه بي اركان ايات الصلاة

.....
حيدر عيسى البديري

قصيدة رقم 7
بالمصايب والنوايــب جيـت ياشهر الكــدر
اشگد شهور اتمر عليه وماشفت مثلك شهر
والأحـبهم ...... غيبـتهم
ــــــــــــــــــــــــــــــــــــــــــــــــــ ــــــــــــــــــــــ
زينب انــه ام الحــزن \\ وليك عندي مسأله
ياشهــر هــذا الــظــهر \\ اهلال فگد العايله
انچان بــيه هم وكــدر \\ لاهلــه بيـه لاهــله
اسمعت من اهلي خبر \\ احنـه هسه ابكربله
ارد اسئلك يامحرم وانته تدري ابمطلبي
صح هلي تبقه ضحايه وانه عنهم انسبي
ماهبتهم ........ غيبتهم
ــــــــــــــــــــــــــــــــــــــــــــــــــ ـــــــــــــ
من سمعتك اقبلت \\ الدمع من عيني همل
يامحرم ما گلت \\ اشلون وحدي اني اظل
لاخيم عندي اتركت \\ لاحــمايه اولا اهـل
حرمه مابيــن العـده \\ وعالنـهر طاح الكفل
الوالي وينه انه اريده صحت عباس الگمر
ماسمعني ابــعيد عني اظــن نايم عالنــهر
باعدتهم ........ غيبتهم
ــــــــــــــــــــــــــــــــــــــــــــــــــ ـــــــــــــ
شفت چم لوعه وحــزن \\ وبيك ماشــفت الهـنه
ردت منـــــك اســــئلك \\ تخــتلف عن كل سنه
بحزن وجــهك منرسـم \\ الحزن صاير موطنه
اسمعت بيك انته تجي \\ اوياك كل همـي اعتنه
انته خليني اويه اخوتي ولاتفرق هالجمع
والله مابيه عــليهم تهــمل اعيـــوني دمع
ليش ضدهم ........ غيبتهم
ــــــــــــــــــــــــــــــــــــــــــــــــــ ـــــــــــــ
اتريد تاخذ كل هلي \\ احساب ما حاسب الي
وحدي ابقه امحيره \\ انه زينــب بت عــلي
طلب عندي چان الك \\ وماگـــلتلي اتــدللي
ليش ياشـــهر الـــكدر \\ صحت بيــهم ابتلي
ماكسر گــلبك دليلي وانكسر گلب الصخر
ليش تفجعني باخوتي تدري ما احمل قهر
والاودهم ........ غيبتهم
ــــــــــــــــــــــــــــــــــــــــــــــــــ ـــــــــــــ
الخطر دگت ساعته \\ وانته ما همك أمر
من هلالك شــافته \\ النسه حست بالخطر
مو فقــط انه خفت \\ گــلوبنه شبت جـمر
بالله لينه وشجبت \\ گول ماظـل لي صبر
تدري مانحمل مصايب وانته جايب بلوتك
هالنساء الي شفتهه شعجب شو ما بچتك
افجعتهم ........ غيبتهم
ــــــــــــــــــــــــــــــــــــــــــــــــــ ـــــــــــــ
ترضه زينب تنسبي \\ وتمشي لديار الغرب
مايظل لــي طالــبي \\ ايطفي نيراني التشب
من الشماته احتمي \\ لمـــن للمجلس اطــب
بالله ارحم مهـجتي \\ انـه عندي چــم گــلب
گلب عندي وراح اتركه يم ابو اليمه الولي
حتى مو كل لحظه انه انجرح من ســائلي
شو خذتهم ........ غيبتهم
ـــــــــــــــــــــــــــــــــــــ
خادم الحسين حيدر تركي الكربلائي

قصيد رقم 8

هِــل علينه ... يهـلال بدمــــوع الشجَـن
هِـــل علينه ... كثـــرت مُضــــلات الفِتن
هِـــل علينه ... يهــــــلال هـذا آخر زمن
1
هذي يهلال الحزن صرختنـه مـن عُمـق المَشاعِر
طلعت ابصـورة دمـع أحمــــــــر نِبَع مِن المَحاجر
هذي يهلال الحزن عَبــرات ترسمهــــــه الضماير
كل حرف ثورة ألـم و الغايــــه تحريــــــر السراير
هـذا بركان العقايد و احنـه اصحـــــــــاب البصاير
ندري بالدين انمسخ لو ما صـــــــــراحة هلشعاير
و العباره ... باطـل او حگ ما ينجمع
و العباره ... هلصـــــــوت لازم ينسمع
و العبارة ... ثورة دمــه و ثورة دمــع
هِل عَلــَينه
2
يا هلال ابجيِّتــك تتجــــــــدّد الــــــــــــــروح الأبية
و ابطلِعتـك تِتّضح مُجمَــل تضــــــــــاريس القضية
اويـاك نعلِــــــــــن إنتمــاء المدرستنــــه الغاضرية
و ابكرامة و عنفـوان انصيـح شيعيـــــــــة الهوية
و بيك يهلال الحــزن نتذكـر ادمــــــــــــوع الزچيه
من بچت لجل الي خلصَــوا ذبح بسيـوف آل امية
فاطمية ... هــذي المــدامع لو جرت
فاطمية ... جمـرات لـــوعه اتوجّرت
فاطمية ... أشـــلاء نــــــور اتناثرت
هِل عَلــَينه
3
يا هلال الإنتفاضة بگلــــب كـل شيعــــــــي و يقينه
تضوي شُعلتهـا كرامــــة ابطاقـــــة الدمعة الحزينه
من طلع ضعن الحُسَيـــــن و فـارگ احـدود المدينه
و أعلن ابكل عنفوانــــه الثــورة ضد الخــــان دينه
طلع ويَّــــــاه النصـــر مكتــــــوب و النـور ابجبينه
طلع وياه الحِـــزن مَحفـــــوف بآهـــــــات الضعينه
زينبية ... دمعـــــــه جـِهـاد ابكربله
زينبية ... صَــرخة رفض متواصله
زينبية ... تمّمَــت مَغــــــزى القافله
هِل علينه
4
مدد دين الباري صـــــاح و صـاح لبيـك ابو فاضل
آنه يا دين الله أصــــلاً مِـنـــــــولـــــــد لجلك مُقاتِل
و الشمايل حيدريــة و سيفـــــــي يا دين الله عادل
لو قِسَم حظ الغضب بيــــن الجَمـــــاجــم و الهَياكل
آنه سبع الگنطرة وحامـــــي الضعينه و ما أجامل
آنه للتاريخ صـارن صِــــوَر حَمــــــــــلاتي فواصل
جودي ... تشهــــــد عليه الملحمه
جودي ... نبــراس يــــوم الموزمه
جودي ... مـــن صار روّاي الضمه
هِل علينه
5
يا هلال الدنية ظلمــــه و غاصت اببحر الضلاله
و انتهت آخر فصـــــول الديــــــن و آثار العداله
من يزيد اعلن فســـــوقه و رفع رايــات الجهاله
و انته يهلال الأمــــل ردّيــت للديـــــــن الأصاله
و الذي ينشدنه عنــــك لازم انجـــــــاوب سؤاله
انگله عاشــــور المَجـــد جـدَّد مفاهيـــم الرساله
واضِـح ... منهاج سبــــط المصطفه
واضح ... اشعاع نـــــوره مـــا طفه
واضح ... بجروحه ديــن الله شفــه
هِل علينه
زكي الياسري النجفي

قصيد رقم 9

هلال محرم (ع) عمار هليل الواسطي
أشوفن بيك كل حزني ... عذابي ولوعتي وني
عسه يهلال يا هليت ... اليه امن اخوتي شخليت
عذابي ولوعتي وحزني
********************************************
اطالع والكَلب حيران ... من تهل علـــيّ يهلال
تردني الكربله وهمهه ... والمنهه عذابي طال
يهلال الكدر إلمن ... أتانيــــــــــك بدمع همال
لوما فاجع الروحي ... لوما كَاطع الآمــــــــال
غريبه وروحي محتاره ... وصولك لاحت أخباره
كَلت لو ما تهل يا ريت ... اليه امن اخوتي شخليت
عذابي ولوعتي وحزني
********************************************
أعيش بذكريات النوح ... محرم من تجيبه إويـــاك
أتصبر واكَول أنسه ... ويكَلك كَلبي ما أنســــــــــاك
شلون أنسه الجره بعاشور ... يذكرني جرح بسماك
ويساير جرحي بمصابه ... ويكَله اتركني أترجــــاك
أنا أم الحزن زينب ... المثل جرحي كلف يصعب
دريت بحالتي شسويت ... اليه امن اخوتي شخليت
عذابي ولوعتي وحزني
********************************************
اشوفن قوسك إمن اتهل ... محني ومثله ظل ضلعي
وأشوف حسين كَدامي ... اجاني ينشف الدمعــــــــي
احس يكَلي يا زينب ... وضعج يفتهــــــــــــم وضعي
ويكَلي الصبر يا خيتي ... وآنه الصابره وانعــــــــي
شصبّر علتي يحسين ... يخويه والصبر لي وين
لجرح فكَدك يخي ناديت ... اليه امن اخوتي شخليت
عذابي ولوعتي وحزني
********************************************
وبعد أصعب على روحي ... تذكرهه بجرحهه النـــــاس
ومنهو الكَال ناسيته ... وهوه إمساير الأحســـــــــــاس
شلون أنسه الكفل كَلبي ... أخويه وكافلي العبـــــــــاس
شلون أنسه علي الأكبر ... وطفل حسين أبو النوماس
القدر حزن الكَلب راسم ... فجعني بطيحة القاسم
المسه هذا عليّ رديت ... اليه امن اخوتي شخليت
عذابي ولوعتي وحزني
********************************************
مصايب والدليل يلوع ... ونيران البعد تسعــــر
لكن حكمتي وصبري ... تكَلي هذا المكَــــــــــدّر
يهلال وعلى اعيوني ... رسمت بجيتك المنظــر
رسمت اخيامي واعيالي ... مذعوره غدت بالبر
إلك جم ذكره جم فجعه ... أسيل إكَبالك الدمعه
ونه بحركَة كَلب ونيت ... اليه امن اخوتي شخليت
عذابي ولوعتي وحزني

قصيد رقم 10
بداية الاحزان
قدْ رَمَـاني الحُزْنُ سِهَامْ
مُـذْ أتى شَهْـرُ الآلام

جَاءَ شَهْرُ السّبْطِ والقَـلْبُ اكْتوَى
مِنْ لهيـبِ الحـزْنِ وازْدَادَ الجَوَى
ذَا هِـلاَلٌ بـالمـآسيْ قـدْ ذَوَى
ذَاكِـراً قَتْـلَ الحُسـيْنِ بِنَيْنَـوَى
قد ندبْنَا خَـيْرَ إمَـامْ
مُـذْ أتى شَهْـرُ الآلام

يا هـلالاً تمـْلأُ الدُّنـيا عَـزَاءْ
كَيْفَ هذا؟ واختفى منْكَ الضّياءْ
كُلُّ شَهْرٍ تزْدهِيْ منْكَ السّمَـاءْ
واكْتَسَـتْ حُـزْناً لِنعْيِ الأتْقيَاءْ
أظْلَمَتْ مِنْـكَ الأيّـام
مُـذْ أتى شَهْـرُ الآلام

مثْلَ قَوْسٍ حُـزْنُ عاشُـورٍ رمَى
سَهْـمَهُ فِيْ كلِّ قَـلْبٍ فـارْتمى
كُلُّ أرضٍ قـد أقَـامَتْ مـَأتما
بَلْ غَـدَتْ كلُّ الشهُور ِمُحرّما
قـد رفعـنَاها الأعلام
مُـذْ أتى شَهْـرُ الآلام

صَارَ شهْرُ السـبطِ للحُزنِ ابْتداء
ليْسَ شهْـراً للمبَاهِـجِ والغِنـَاء
رَغْـمَ كلِّ النّاصـبينَ لَنَا العِدَاءْ
سوْفَ نبقَى شـيعةً نُبْديْ الوَلاءْ
هكذا طبْـعُ الأكـرام
مُـذْ أتى شَهْـرُ الآلام

كيْفَ ينسى القلْبُ قَتْلَ الطّاهرينْ
مَنْ فَدوا أرْوَاحَهمْ دُونَ الحسـين
هُمْ عَلُوا قَـدْراً برَغْـمِ الظّالمين
وارْتقَوا صَـوْبَ المعـاليْ خالدين
هُـمْ جنـودٌ للإسْلام
مُـذْ أتى شَهْـرُ الآلام

كيفَ ننسى الطِّفْلَ مَنْ ذَاقَ الرّدى
مِـنْ دَعِيٍّ ظلْـمُهُ فَـاقَ المدَى
مَا رَعَى الإسْلامَ في قتْـلِ الهُدَى
ذَاكَ طفـْلٌ غَـالَهُ جَـوْرُ العِدا
ظَـامِئٌ أَرْدَاهُ حِـمَام
مُـذْ أتى شَهْـرُ الآلام

سَائلاً بالحُـزْنِ كَمْ نحـْراً جَرَى
منْ بني الهـادي فادْمى المحجـرا
قُطِّعَتْ أجْسَـادُهمْ فَـوْقَ الثّرى
وانطَفَا النُّورُ الذيْ يهْـدِي الورى
قد غَشَى الأكْوانَ ظَلام
مُـذْ أتى شَهْـرُ الآلام

قَتْلُ سِبْطِ المصطفى أَدْمَى القلُوب
فهْيَ طُولَ الدّهْـرِ والدنيا تذُوب
لوبصُرْنا الدَّرْبَ من ثقْلِ الخطوب
لا نرَى إلاّ المـآسِي في الدروب
مِنْ لَظَانا لاحَ خِـتامْ
مُـذْ أتى شَهْـرُ الآلام
**
ـــــــــــ
لخادم الامام الحسين (ع) الحاج: ناصر الوسمي