قصيد رقم واحد 1
مـن كـبّــر اذان المجد مسلم منارهسيفه ذبح نحر الحكَمْ قصر الاماره
وين .. الضحّه دم
وين .. اللي حكَم
قصر الاماره
•••
التاريخ خلي انشوفه
ونعرف احداث الكوفه .. وما مرهه من مظالم
وابنَ زياد وظُلمه
وقصر الاماره وحكمه .. العلذبح والدم قائم
مهما الظُلم يتجبّر
نلگه النحر دم كبّر .. مظلوم قاتَل حاكم
مسلم تشيع اخباره
شلون اعتله بأصراره ..شلون انتصر عالظالم
دوُر السفاره بدنيته ابرز علامه
مظلوم وبصبره دوه جرح الأمامه
باب .. للطف صفه
باب .. للمصطفى
واضح شعاره
•••
باب الطفوف امصابه
ومن سِجَد في محرابه ..نقضت الناس البيعه
بعد الصلاه ما كملت
والگوم عنّه اتخلّت .. الگالت الأمر اتطيعه
واحد تأسّه بواحد
وللكوفه ليل الشاهد .. شلون الضمير اتبيعه
آلاف گالت إقدِم
تالي ابن عروه ومسلم .. لحسين ظلوا شيعه
والعاهدوا والكاتبوا ابن الزچيه
كل واحد اتحوّل سهم بالغاضريه
صار .. بالطف سهم
صار .. جرح وألم
ما تطفه ناره
•••
مسلم سفير العصمه
ومنهج حسين ايرسمه .. وللناس وضّح فكره
ولمن وضح موضوعه
تالي الكتُب بس طوعه .. قدمت ليه النصره
ما صِدگَت الرسايل
مسلم وحيد ايقاتل .. بجروحه بلّغ امره
وينادي مسلم اسمي
للدين ناذر دمي .. ويحسين لاخر قطره
ديني الحُسين وآنه اله ناذرهه روحي
وفوگ الأرض ترسم نصر غيرة جروحي
روح .. رسمت نصر
روح .. صارت نذر
لجل الغيارى
•••
مسلم وفه عنوانه
و سِر النصر ايمانه .. بأيمانه نال الرفعه
والجِثِته جريحه
كعبه صفه ضريحه .. واتطوف بيهه الدمعه
والما شِهَد بس الدم
قصر الاماره اتهدّم .. واتسمّه قصر البُدعه
و الطِغه وچان ايحكمه
اللعنه ظلت لاسمه .. والعار ظل ايتبعه
مسلم سمه ونحره يشع شمس المعارف
انزوره ويفوح ابحضرته عطر المواقف
ثار .. ثورة شرع
ثار .. غيّر وضع
واضح قراره
•••
وين الخسرهه اسنينه
وين اللي بايع دينه .. ابدنيه غيرَه وهمّه
بفعاله يرضه اسياده
وعنده الظلم عباده .. يرضي الطغاة بظلمه
ووين اللي طيب ذاته
وعمره ابتده بمماته .. والزود صايغ اسمه
مسلم لَوَن انذكره
الدنيه تلوذ بصبره .. هدّم اعروش بدمه
وين اليبيع آخرته لعيون المناصب
وين اليضحّي بدمه لجل الدين طالب
سال .. دم منحره
سال .. فوگ الثره
ظل ايتجاره
•••
✍ سعد هادي الشمري ✍
قصيدة رقم 2
عاشقة الموعود:
نزله لمسلم بن عقيل
قصيدة مسلم بن عقيل (ع)
مسلم يمرسال العشك احسين بعدك مختنك
غدروك غدرة حيدره بالكوفه معدوم الصدك
غريب يا رسول حسينك
*
دورتك بعيني شكثر وبكل دمع صافي
يابويه معقوله الترف فوك الترب غافي
ازغيره ومشيبه الرمش ومهدله اجتافي
وادريبك تحب الوفه وما تعرف تجافي
لمن يمر اول ليل مابيه بعدك كل حيل
غدروك غدرة حيدره واهدوب عيني مطشره
غريب يا رسول حسينك
*
يابويه من سار الظعن كلبي شكثر امن
شمدريني ماترجع بعد واجروحي يلتمن
اتمنى اشوفك بالحلم وعيوني ما يغفن !!
وعيوني لعيونك ترى تدري شكثر يحجن
ارجعلي خل احجيلك كلشي وصدك ابجيلك
يل منشمر من القصر ترضاها بنتك تنسطر
غريب يا رسول حسينك
*
كالولي طايح مسلمج علجثه محد صله
الماتارك بعمره فرض تصليله املاك الله
والفركه صعدت للدمع فكتلي بابه بغفله
واجفوفي ركضت لا تنز مابيه اكول اسم الله
لا لا تنز تانيني فرهد الليل سنيني
الهوى بريتي انحبس من فركتك يالنفس
غريب يا رسول حسينك
*
ظلمه ليلي بفركتك ما بقى بعيني ضوه
يمته ترجعلي واشبكك شبكت الفاكد هوه
بنتك انه وحلوه كلش بويه لو نكعد سوه
الجرح دامي بغيابك حكه يالوجهك دوه
ما توقعتك تطيح والدمع صاير شحيح
طولت بالفركه هاي ياهواي المو هواي
غريب با رسول حسينك .
*
انه حميده بنيتك من حكي اودعنك
هب ليه لو نسمة هوى مشتاكه اشهكنك
ما شهكك بشهكة فكد حتى ما اجرحنك
شمروك من عالي القصر يدرون احبنك
يدرون احب الغالي والجفن بعدك خالي
يابويه لمن طحت لوتدري بيه شصحت
غريب يا رسول حسينك
**
سيد احمد الميالي
تم بحمد الله وتوفيقه
قصيدة رقم3
والنعم يامسلم
للحرب متحزم
------------
والنعم منك يمسلم يا سفير احسينك
اشهر البتار واصرخ غيره تجدح عينك
صيح بجيوش الاعادي يالوفيت الدينك
اعالراس الشيعه تاج وللوفه موصفينك
الكاع بيهم تهدم
والنعم يا مسلم
-------------
يلي تشبه عزم حيدر عاش زود ايمينك
اسحك ابجدمك يمسلم روس المعادينك
مبدء الغيره وشرفها اعرف امسمينك
انته حيد وبالكلافه مجرب وناخينك
حيل بيهم اعدم
والنعم يا مسلم
--------------
اروي سيفك من دماهم ذوله جهلو امرك
و انته للباري ونبيه ادري بايع عمرك
خلي للعباس منهم فدوه صبرك صبرك
يجي يمك من تنادي بسيفه هوه ينصرك
وكوف منك نقسم
والنعم يا مسلم
---------------
خلهم يصحون خيبر مسلم اللي عاده
عاد صولات الصميده وثورته اومجاده
بالركاب سيفك يطيب كون انظره كلاده
يعني ميفر منهم احد اله سيفك صاده
بروسهم ظل ثلم
والنعم يا مسلم
---------------
وبقصرهم شب جهنم واحرك انته ابكيفك
نار عدك نعرف انته حطب اصبح ضيفك
منهم ابهاليوم رايد حيل تاخذ حيفك
تعيش يا مسلم يهيبه شرب دمهم سيفك
عالطريده مخيم
والنعم يا مسلم
---------------
تمت بعون اسد الله الغالب
الشاعر علي الكعبي
قصيدة رقم4
طِـلَـعْ مُـسْـلِـمْ لِلْـحَـرُبْ بِيمِينَه سيفَه
سِبْحَه بِچْفُوفَه الوغَه ايفُرْهَا اعْلَه كيفَه
صَاحْ مَحَّدْ يِدْنَه كِتْرِيْ
صَاحْ يَاطوعَه إبِـشْـرِيْ
ــــــــــــــــــــــــــــــــــــــــــــــــــــــــــــــــــ
مِنْ طِلَعْ مُسْلِمْ خِطَبْ
دَمْدَمِ اِوْ زَمْجَرْ غَضَبْ
مِـنَّـه يَـازِلْـمَـه اِقْتِرَبْ مَيِّتْ يِرِدَّه
غَطَّتِ الرُّوسِ الزِلِمْ
هَالزِّلِمْ بَسْ بِالإسِـمْ
وَحْدَه مُسْلِمْ لِلْعِلِمْ وِ اهْوَايَه ضِدَّه
نِزَلْ وِ اتْوَسَّطْ هِتَفْ وِ ابْرُوحَه هِمَّه
الزِّلْمَه خَلْ يِدْنَه إلِيْ لو هُوَّه زِلْمَه
صَاحْ خَلْ يِدْرِيْ المَيدْرِيْ
صَاحْ يَاطوعَه إبِـشْـرِيْ
ــــــــــــــــــــــــــــــــــــــــــــــــــــــــــــــــــ
هَاشِمِيْ عِرْگه اِوْ زِعَلْ
يَعْنِيْ موت الله نِـزَلْ
بِالحَرُبْ مُسْلِمْ جَبَلْ يِمْشِيْ اِوْ يِزَلْزِلْ
وِالـفَـوَارِسْ مَـا تِـهِـدْ
كِلْ مَنِ المُسْلِمْ يِصِدْ
ايْـدِزِّ الـبْصَفَّه اِوْ يِرِدْ بِالحومَه يِخْتِلْ
شَمَّرِ اذْرَاعَه اِوْ حِمَلْ وِ ابْدَمَّه غِيرَه
رُفَـعْ وَالله ابْصولِتَه رَاسِ العَشِيرَه
صَاحْ كِلِّ الحومَه بَامْرِيْ
صَاحْ يَاطوعَه إبِـشْـرِيْ
ــــــــــــــــــــــــــــــــــــــــــــــــــــــــــــــــــ
مَا صِعَدْ مُهْرَه اِوْ هِجَمْ
مَا حِمَلْ دِرْگه اِوْ عَلَمْ
يَمْشِيْ رَاجِلْ عَالجِدَمْ بَرْضِ المَعَارَه
يِمْشِيْ ابَدْ مَا يِنْكِسِر
وِ الجَمَاجِمْ تِنْتِثِرْ
خَلَّه دَمِّ ابْكِلْ شِبِرْ دَايرْ مَدَارَه
أخَذْ شَمْرَةْ حَيْدَرَه ايْسَوِّيْ اليگُولَه
بَعَدْ يِفْنِيْ اليضْرُبَه بِالضَّرْبَه الاولَه
صَاحْ تَارِسْ عَزْمِيْ صَدْرِيْ
صَاحْ يَاطوعَه إبِـشْـرِيْ
ــــــــــــــــــــــــــــــــــــــــــــــــــــــــــــــــــ
ارْتِكَزْ بِالسَّاحَه أسَدْ
اِوْ خَصْمَه مِتْحَيِّرْ گِعَدْ
الحَصَّلِ الشَّرْدَه شِرَدْ وِالبَاقِيْ مِهْتَمْ
حَـاوِلَـوا لَاكِـنْ عَـبَـثْ
هِجْمَوا اِوْ رِجْعَوا جُثَثْ
اشْگدْ كِتَلْ سيفَه اِوْ بِعَثْ بِيهَا الجَهَنَّمْ
هَدْ وِگفْ بِالمَعْرَكَه اِوْ خَصْمَه ايْتِخَتَّلْ
وَاحِـدِ الـوَاحِـدْ يِگِلْ رُوح انْـتَـه أوَّلْ
صَاحْ آنَه ابْزودِيْ نَصْرِيْ
صَاحْ يَاطوعَه إبِـشْـرِيْ
ــــــــــــــــــــــــــــــــــــــــــــــــــــــــــــــــــ
مَا رِجَفْ گلْبَه العَدَدْ
لَاكِنِ ابْغَدْرَه بَعَدْ
وِگعْ بِالشِّبْچَه الأسَدْ حفْرولَه حُفْرَه
وِ ابْحَبِلْ خَصْمَه انْچِتَفْ
وِ الوَكِتْ بِيهِ اِخْتِلَفْ
العَمَّه حيدَرْ يَاوِسَفْ كافِرْ يِأسْرَه
لَاكِنِ ابْعَزْمَه دِخَلْ قَصْرِ الإمَارَه
نَادَه إنِّيْ مُسْلِمْ اِوْ إبْنِ الغَيَارَه
صَاحْ لِلعِزْ أفْدِيْ نَحْرِيْ
صَاحْ يَاطوعَه إبِـشْـرِيْ
ــــــــــــــــــــــــــــــــــــــــــــــــــــــــــــــــــ
٢٥ / ٩ / ٢٠١٧ الإثنين
البصرة / المشراق
كرَّار حيدر الخفاجي
قصيدة رقم5
(( مسلم وطوعه ))
يامسلم بالكوفه صوﻻتك معروفه
اصــرار وفـــخر مِــنْ فارس مُضر
**
ها يمسلم انه طوعه وعيني تنظر صولتك
أسد باسل ما تثنـي وحــده تنزل ضربتك
حاله صعبه وحدك انته والله ينظـر حالتك
ما تصــافح للمــذله ويمنة العز يمـــنتك
تشهدلك عدوانك من حيدر عنوانك
انتــه المُـــختصر مِـــنْ فارس مُضر
******
بيك أشاهد من تقاتل سيف يصنع ملحمه
كُل جهادك بالعساكــر درس انتـــه اتقدمه
هذا عزمك بالكلافــه مثل حمّاي الحمه
بكُل شجاعه وكل اراده الصنم انته تهدمه
ايمانك واصرارك يظــهرهن بتارك
يالعــزمك كــــثر مِـــنْ فارس مُضر
*****
مسلم انته شِبه حيدر من تصول اعله الكفُر
ما يهــمك كل غدرها من تجيك أهل الغدر
بيــــك اصــرار وأراده وبــيك أيمان وصـــبر
واللي مــثلك من يقاتــل عاﻷعادي ينـتصر
مِنْ مثلك يامسلم بالحومه من تقدِم
تـــترك چـــم أثــر مِـــنْ فارس مُـضر
***
بدر عادت كل نَصره وعــوِدت خيـبر بـعد
أُحد ردّت وأنه أشاهد أبد ما هــمّك عدد
لن اشوفك بيه مسلم چن علي راعي الشدد
عزم حــيدر كُـل ثباته بيك بالكوفه انوجد
صرخاتك بالحومه من حيدر وعلومه
كــل هــاي الصور مِـــنْ فارس مُـضر
*****
بالحرايب جـيش غادر حاط شخصك ياوسـف
والمُخادع مـن قدومك صار واضـح وانكشف
الكوفه بسمك ظل صداها والأبه بيك انعرف
بيك تفخر يامــجدها وزادت بأســمك شرف
يالأسمك خلاها بيك اتظل تتباها
انته أمرك صدر مِـــنْ فارس مُـضر
وزن النص ( هجري)
خادم أهل البيت ع
الشاعر زيد الكاظمي
قصيدة رقم6
مو دائمن كثرة عدد تغلب شجاعه
مسلم وكف. وسط القصر صفاهه ساعه
...............................................
عد الهواشم ميزه حيدريه
عدهم عدد واحد والف سويه
ميزة علي يحملهه ابن اخيه
مسلم طرحهه بساحة ال اميه
ماتختلف عن عمه ابد شمرة ذراعه
مسلم وكف وسط القصر صفاهه ساعه
.............................................
ماتنوظع بس للاسد مكيده
يعني ابن اخو حيدر اسد اكيده
ياشبجه تكدر مسلم التصيده
قوّة ابو فاظل ببو حميده
مسلم وأبو فاظل اظن نفس الرظاعه
مسلم وكف وسط القصر صفاهه ساعه
...............................................
دك ظهره عالحايط عرف مصيره
لازم يخلي بصمته الاخيره
مابين اديه سيفه اخذ يديره
وكعت جثثهم قبله بالحفيره
حته الشرد واكف بقه يعاين صراعه
مسلم وكف وسط القصر صفاهه ساعه
..............................................
مسلم يعاين عالجثث حسبهه
بيهن يرد لطوعه كل تعبهه
متشبع اسم المرتظى بكلبهه
شد حيله مسلم من سمع عتبهه
تدري بعلي يوم الحشر واسع شراعه
مسلم وكف وسط القصر صفاهه ساعه
...................................................
ماتشتم الوادم غدت هواهه
خلاهه كلهه استنشقت دماهه
ذب سيفه معركته بشرف نهاهه
زيارة حبيبه عالسطح قراهه
جفه ارتفع ياكربله قبلي وداعه
مسلم وكف وسط القصر صفاهه ساعه
.................................................
كل اليريده حصّله وزياده
بالدنيه فاز بقوة الاراده
راح انتقل للاخره بشهاده
مظرب مثل مسلم صبح جهاده
قدم لجل حيدر علي اجمل اطاعه
مسلم وكف وسط القصر صفاهه ساعه
.................................................
عباس الموّاشي
قصيدة رقم7
يشبه الكفيل ... هذا ابن عقيل
شافته طوعه وتنادي ... ورفعت الادين
طلع البدر علينا ... براية الحسين
هذا ابن عقيل
....
1
من دخل للكوفه سألوا ليش جو الكوفه نار
جاوبتهم طوعه صاحت هو مسلم راسه حار
هذا المبجيها ... والشرب صافيها ... بيوم اليقاتل
لو غضب يمحيها ... والزلم يكظيها ... جنه ابو فاظل
طبعه جي غيور
دمه ضل يفور
بغيرته وزوده وحميته ... يشبه اللجين
طلع البدر علينا ... براية الحسين
هذا ابن عقيل
........
2
صاح ماريدن حبيب بوكت المزامط يغيب
كون واحدكم اريده مثل ابن ظاهر حبيب
هذا نص مرسالي ... من الحسين الغالي ... وهذا تكليفي
والاحطه ابالي ... لا يظل اكبالي ... من اسل سيفي
ولو قتالي صار
سيفي ذو القرار
الكوفه متردني زلمها ... جيبوا كوفتين
طلع البدر علينا ... براية الحسين
هذا ابن عقيل
.........
3
بيهم يصلي جماعه وغدرته اصحاب الحقد
صلى ( صلى الله عليه ) لحدما صارت فرد
تستغل سجداته ... وتشرد بركعاته ... وثنية اكتاره
ويه تسبيحاته ... شما تقل خرزاته ... قلت انصاره
غدرته الحشود
بساعة السجود
عافته الوحده يصلي ... وهنه ( ركعتين )
طلع البدر علينا ... براية الحسين
هذا ابن عقيل
........
4
غيم اعله الكوفه مسلم مطر اعليها العذاب
للرجاب الدم سمعنه وخله دمهم للركاب
الجان بيهم صامد ... هو اول شارد ... من غضب عينه
لابد بسد لابد ... وقائد اخبر قائد ... حلفه بحسينه
حلفه بالكتاب
يخفف العذاب
من ابو طاهر وسيفه ... كلي امشي وين
طلع البدر علينا ... براية الحسين
هذا ابن عقيل
...........
5
الكوم دفعوا باب طوعه وطالبوا دم السفير
يجوز هم كسروا ضلعها من خذوا مسلم اسير
العبره بالوفايه ... من تشيل الرايه ... تبقه مرفوعه
قله موش اهوايه ... التنلزم بحجايه ... وتشبه الطوعه
طوعه بالفعال
تنعد برجال
والغِدر لو شاف طوعه ... ما تضلله عين
طلع البدر علينا ... براية الحسين
هذا ابن عقيل
.................
6
مسلم اسمه ودينه مسلم وحده وهواي الكفر
طيحة جفوف ابو فاظل طاح من فوك القصر
وفه مسلم دينه ... وما رفع جفينه ... بس لبن عمه
الكربله صد عينه ... وسلم اعله حسينه ... ورد ابو اليمه
كَله يا همام
الرحمه والسلام
فكدك وداعت حميده ... يشيب الجنين
طلع البدر علينا ... براية الحسين
هذا ابن عقيل
............
قصيدة رقم8
قصيده نزله لمسلم ابن عقيل
بقلم ام حيدر الحمزه الطائيه
🕌🕌🕌🕌🕌🕌🕌🕌🕌🕌🕌
ما دريتوا انجتل مسلم ياهله
ليش محد راح يمه وغسله
◼◼◼◼◼◼◼◼◼◼◼
وين اخوته اليوم ويحضرونه
مسلم الكفار وكفوا دونه
طلعوا من طوعه تجري اعيونه
خل يجي احسين ايحضر هالمعضله
◼◼◼◼◼◼◼◼◼◼◼
ابد ما عدهم رحم كلهم كفر
حفورا المسلم حفيره چالنهر
هذا كله ومسلم اعليهم صبر
چيه غريب وماكو واحد من هله
◼◼◼◼◼◼◼◼◼◼◼
ليش مسلم مادروا لسا اخوته
خل يجون ويشيعون اجنازته
ليش هالكفره تمثل جثته
وين عنه حسين خل يحضر اله
◼◼◼◼◼◼◼◼◼◼◼
حسين ما يدري ابمسلم چان اجا
مادره اشعنده ولا يدري اشورا
بالحفيره ميت ومحد لفا
والعده اتريد الجنازه اماسره
◼◼◼◼◼◼◼◼◼◼◼
حسين يبجي من سمع مسلم غريب
والاعادي تولته وماله مجيب
وين عنك راح ابو اليمه الحبيب
گوم بيدك نعش مسلم حمله
◼◼◼◼◼◼◼◼◼◼◼
قصيدة رقم9
بسم الله الرحمن الرحيم
قصيدة ندبه وتوسل بمسلم ابن عقيل عليه السلام
تقرا بعدة الحان واطوار
ما إيقصر مسلم إويه احبابه
حاشه ابوطاهر يرد طلّابه
.......................................................
يالعليك إهموم گوم انخه البطل
يفضها والعباس مسلم بالعجل
يابو طاهر صيح ودموعك تهل
تلگه مصراعين فاتح بابه
.......................................................
مايقصر إي وحگ حيدر علي
ادللي إيگلچ يحره ادللي
إنتم احبابي إوبعدكم چا شلي
إلچ چم اطلابه افض واطلابه
.......................................................
ياسفير إحسين منك والنعم
جيتك اوگلبي ذليل اومنهظم
والله ملينه وبعد ماظل عزم
والوكت ويانه شد احرابه
.......................................................
إمحزمه الدنيا عليه امسننه
والهظم بنيان عالشيعي بنه
صار يومه إمن القهر ينعد سنه
والگلب كلساع بيه عطابه
.......................................................
إمدولبات ارواحنه وعدنه عتب
انعاتب المهيوب والمدمع يصب
ليش يامولاي ناسينه اشعجب
والمحب يشري اليحبه اعتابه
.......................................................
الليلة يامسلم حوايجنه اشكثر
والدمع ينزل مطر مثل الجمر
ماانعذرك ياشهم لاتعتذر
ابجاه الحسين الثجيل امصابه
.......................................................
*تمت*
العمل مهدى الى مقام حضرة صاحب الزمان عج
#ام علي رضا الشريفي الحسيني
قصيدة رقم10
ياباب الحوائج يامسلم ابن عقيل😭😭😭
شوط كربلائي ...
قصيدة ( يمسلم )
💠💠الليلة الخامسة 💠💠
بحق مسلم بن عقيل (ع)
يمسلم ماسمعت احسين ... من ناداك هالليلة
رد سالم ينور العين .. فكدك ما ألي حيلة
..........................
يمسلم رد علي ارجوك ...ترة آنة اتنطر أخبارك
اريدك ياسفير الروح ...نامت بالضلع نارك
عليك اعيالك اينشدون ... يمتة اتعود لديارك
منك أيّسو ياحيد
وبُعدك خوية حيل ايريد
ماريدك تموت ابعيد
ولاريدن يخوية اهناك .. جسمك غربة لتشيلة
.............................
يمسلم ظهري ألك محتاج ...يحزام الظهر وينك
جفي وداعت الكرار ... محتام اعلة جفينك
ليوين التفت وانساك .... يماليني بنياشينك
جنت ابكل مكان اوياي
ياخوية ونظر عيناي
اسمك بالشفايف ماي
واندب حيدرالكرار ... كون ايردك أدخيلة
...................................
حس كلبي ابلهيب اوداع ... جنك ماترد ثاني
وثوبي الصبر يامسلم ... حركت طارفة احزاني
ناديتك ابصوت احباب .... واسمك تعب الساني
اناطرعالدرب ظليت
ولن طب الخبر للبيت
مسلم مات وانجنيت
أمس ريحت غدر شميت.... وبين موتك الليلة
...................................
اشوف اطفالك ايونون ... ونهم وين تالية
وحميدة اتكلي ياعمي ... صدك راح وكطع بية
واجاوبها بدمع محتار ... ماينكطع جارية
عمي اشبيدي عالغدروه
موش ابن النبي ايعرفوه
من فوك القصر ذبوه
كالت عمي فدوة احسين .. خلنة انروح نمشيلة
...................................
يمسلم فركتك نيران .... بس جيتك تطفيها
يمسلم والدموع ادموم .... فوك الوجنة نبجيها
تبجي المرجلة وتنعاك .. حكها اتريد راعيها
واخوتك جلبوا بالنوح
نادوك بكلبي مجروح
مسلم خوية وين اتروح
لايمنة ونحنضة ابشوك ... ونبجيلة وننعيلة
.............................................
يمسلم كلشي بينة ايصيح ...وينك فدوة رد ألنة
ظلينة ابسبب فركاك ... نتسابك على الونة
سلملنة اعلة اهلنة اهناك ... من اتفوت للجنة
كل للزهرة لاتبجين
جم يوم ويجينة احسين
وعباس ابلا جفين
كلهم مايعيش الدين ... لوبس مانضحيلة
..................................................
ونسألكم الدعاء
لخادم أهل البيت ع
الشاعر مصطفى الطيبعاشقة الموعود:
تعليقات
إرسال تعليق