مسلم سفير الــتوحيد لمصـابه نجري العبره
*
شاهد اعله مـصابك يمسلم طوعه
اونّت ونين الثاكـــــــله المفجـوعه
بدمعتهه تروي النايبه ابكــل لوعه
ذكره المصيبه امن تحين بدمعتهه نحيِّ الذكره
*
مغدور مسلم مات بارض الكـوفه
قصة عذابه ومحنته معــــــروفه
خط الوفاء ابدمه وزود اݘفوفه
مسلم شبيه العباس صوب مصابه الزهره
*
بالموت لـــــــجل حسين لامــيبالي
قــــــدم حياته الــــــغاليه للـــغـالي
مرفوع راسه العالي وظل للــتالي
بي صوبو ﮔلب حسين بمـــصابه كسرو ظهره
*
مسلم سفيرحســـــين مسلم روحــــه
اول جرح صار ابكـــتـــاب اجروحـه
ابخد السمه اعليه دمعـــته مسفوحه
من عنده موهينه يروح ضلع انكسر من صدره
*
لوباقي ويه حســـين ݘــان ايعــينه
ويبذل يساره الاجله وينطي ايمينه
عــــــــباس ثاني وتنــــﮔطع ݘفينه
ايحضره الحُسين امن يطيح ومن يحضر ايشم نحره
*
وتحــــضر حمـيده تنتحب يم جسمه
ويسمع يــــبويه منهه آخــر ݘلـمه
ويشمـــــهه مره ومره هيه تشمه
تتوادع اوياه بدمـــــوع ابنظرة يــــــــتيمه اتنظره
***
تمت بعون الله تعالى وفضله وإحسانه والحمدلله رب العالمين وصلى الله على محمدٍواله الطيبين الطاهرين وعَجلَ الله فرجهم اللهم صل على محمدوال محمد
حيدركريم جارالله
قصيدة رقم 2
مسلم صناديد الحرب جندلها
وبصارمـه آيات العزم رتلـها
****
مسلم شبل هاشــــم برز بالكـــــوفه
والناصر الله وصارمه واجفـــــوفه
هاج العزم كل الأعادي اتشــــــوفه
وكل ميله مســــــلم بالحرب يعدلها
*
كل ما تجيله وتعتنيلــــــــه الجيمات
صاح وصرخ للذله أبــــــداً هيهات
المات ابطريق حســــين لالامامات
هذا شعار وبالمجـــــــــــد خط ألها
*
هذا شعار وخطـــــه فوك اجبينـــه
نار وغضب بركان تجـــــدح عينه
وينه أمير الكوفـــــه يطلــــــع وينه
الحومه هذي والزلــــــــــــم تندلها
****
الحومه هذي ايصيح وينه اليكَــرب
وينه الي باع المرتضى وراد الضب
باجر ســـــــــعير النار لازم يشرب
وكل رايه بخــت المرتضى اينزلها
*
كل رايه ماوالت أمــــــيري الكرار
لازم تضوك الذلـــــه من كَبل النار
واليوم أراويها التضدنـــي الماصار
تتراجف الكَوم امن اهد و وصــلها
*
تتراجف الكَوم وجثث خلاهــــــــا
شَمر الغـــيره والجيم طراهــــــــا
سرفن أزنوده اعمامته ذباهـــــــــا
سواها يازات ولكــــــــــــد جندلها
يازه اعله يازه مسلم ايشـــــــمرها
وميه اعله ميه ايذبها من ينـــحرها
عطشان سيفه ومشتهي ايـــــوذرها
ظوكَها كل مُـر اشـــــربت حنظلها
*
ظوكَها مُر اورد ســــــكَاها الذله
ايطشها ويلمها لو فـــــزع بالحمله
فوك الشوارب يسحك وتســـجدله
وكل المراجل مســــــــــلم اتخيلها
**
الشاعر ابو علي الركابي
قصيدة رقم 3
ما طـــخ راســـــي لا مـــــا ذلــــــــه
يالجبتونـــي شو خنتــونـــي .. آنــي مُسلــم واتعرفونـــــي
عمــي حيـدر لا تنسونــــــي .. كلكــم عنــدي جرت كحلـــه
جيـت الكوفــه ابصافي النيـه .. ضدي صرتوا الف وميـــــه
كلكــم صرتـوا شو سحليـــــه .. بعتــوا الشرف يبخـس ملـه
ﮁــم شـــارب ﮁـم شيخ ابجالـي .. ﮔـال أويـاك آني يالوالـــي
تاليـهه بس طوعــه اﮔبـــــالــي .. خالفتونـي والله فشلـــــــه
اليــوم الكوفـــه ابسيفي احرﮔهه .. وين الزلمـه البيكم ﮔـدهـه
بس نسـوان اﮔبـالي اعـدهــــــــــه .. ويـن الزلمـه كون اندلــــــه
يضحـك عليكــــم الفاســـــــــــــق .. أبــن ازيـــاد اكبــر منافــــق
كاذب وايظـــل لا مو صــــــادق .. والقاتلنــي من ايقتلـــــــــــه
كلكـم كلتو هلا بضيفــــــــــــــي .. جيت الكوفــه لا مو كيفــــــي
ما فكــرت الــزم سيفــــــــــــــي .. بس شفت الوادم منختلـــــــه
لو بــس عبــاس آنـي ابصفــي .. واهس عالي ايصير ابسيفـــــي
وﮁـا يتأخــر رئســن حتفــــــي .. بجفوف الكافــــل اتحلـــــــــــــه
لخادم اهل البيت: كرار الحسينات الكربلائي
13/7/2017/ الخميس/ كربلاءالمقدسة
قصيدة رقم 4
يمسلم هذا يومك .. صوت طوعه
تراويهم عزومك .. صوت طوعه
يا شبل الرساله
يالبسيفك رساله
قضية حسين سيفك
يمسلم .. يمسلم ٣
————————————
رجفت كلب المعسكر .. وهو اجه ماله عدد
طالع بهيبة محمد .. صحت بس ذوله وبعد
وهمه صاحو هذا حمزه .. لا علي هذا ارتعد
خطوه قدم جدمه ليهم .. ورجع هاي الخطوه رد
بچه وكفكف دموعه .. وصاح يحسين
تئذنلي ابارز .. صاح يحسين
الك امري امتثاله
يا شبل الرساله
يمسلم .. يمسلم
————————————
"قل اعوذُ" عليك طالع .. صوت طوعه وي الدمع
يبن هاشم شفت حيدر .. مره بارزله جمع
اي وحگك هيجي شفته .. اي نفس هذا الطبع
گال لا حوله وتسرفن .. همه ذابو جن شمع
نفس صوتك تكبر .. بين الجموع
حيرها وتحِيِر .. بين الجموع
ضرباته وفعاله
يا شبل الرساله
يمسلم .. يمسلم
————————————
ليل سويت المدينه .. وطالع عليهم شمس
مو بضربه ترد جمعهم .. هيج تلمسهم لمس
نار صرت عليهم انت .. وبيك صار الهم درس
عالشجاعه اعله البطوله .. واعله تهذيب النفس
درس من حيدر انت .. بكل صفاتك
بكلماته وضربته .. بكل صفاتك
وبهيبة دلاله
يا شبل الرساله
يمسلم .. يمسلم
————————————
سرفن ذراعك يغالي .. واقره "قل يا ايها"
"الكافرون" اليوم بيكم .. طير ابابيل ابرهه
سيفي اخلي صور ينفخ .. صيح اصير الواقعه
كالجراد يصير منك .. چن فزعهم فاجعه
القيامه تصير منك .. يبن الاكرام
وكلشي تحت طوعك .. يبن الاكرام
ما تبقى استحاله
يا شبل الرساله
يمسلم .. يمسلم
————————————
ذَكر السيف وقبضته .. بهاشم علوم الزلم
اشطر بضربتك بيهم .. مثل حمزه ياشهم
حير الدنيا واهلها .. واقعك شنهو الحلم
الينظر لطولك براعه .. راسك بعلو النجم
الكمر حار بعيونك .. والكواكب
تمنت فوگ متنك .. والكواكب
اتعيش بجماله
يا شبل الرساله
————————————
حيدر عيسى البديري
قصيدة رقم5
ليله. مسلم
حي الله من طباهه. مسلم يمسلم
نجوم الظهر راواهه. مسلم يمسلم
----------------------
جنه. صولة حيدر. البتار. يحله بيده
من علي ماخذ شمرته والحرايب عيده
الجيش مسلم. حيراه وناوي كله يبيده
محد وصل لحدوده. مسلم يمسلم
ترف رايته المشهوده. مسلم يمسلم
-----------------------
شافو انجوم الظهر. من نزل بصفوفهم
كامو يرجفون. منه. وبان بيهم. خوفهم
عيونه. تجدح غيظ مسلم. صاح لاماعوفهم
خشوم الزلم لواهه. مسلم يمسلم
مثل الغنم سواهه مسلم. يمسلم
------------------------
همه. ماكدرو عليه ورادو. يغدرونه
والكتايب. كله حارت فنهم يوصلونه
لقناهم درس والله. تحيرو بفنونه
فن. الحرب راواهم. مسلم يمسلم
طب. الهم وبجاهم. مسلم يمسلم
-----------------------
صاح يااهل. الخيانه هاي هيه اطباعكم
هذا. سيفي اليوم. بيدي اله حز اركابكم
يظل تاريخج يكوفه. يحجي دوم بعاركم
بعمه علي ذكرهم مسلم يمسلم
مثل الاسد حيرهم. مسلم يمسلم
------------------------
ليش انقضتو البيعه. ونتو انطيتو عهد
بمسجد الكوفه. اجتمعتو صار الاف العدد
انه. ماهاب المنيه الموت احله منل شهد
لحسين منذور العمر. مسلم يمسلم
وبهل الشهاده افتخر. مسلم يمسلم
----------------------
اله اخلي الدنيه. كله تظل تسولف عني
وين فرسانج يكوفه خل تجي تكابلني
من اهز سيفي بيميني الكاع ماتحملني
روس الزلم ذراهه. مسلم يمسلم
بس الجثث خلاهه. مسلم يمسلم
-----------------------
لشاعر. رحيم الصالحي
قصيدة رقم6
بسم الله الرحمن الرحيم
--------------------------------
رفرفت بلكوفه. رايته المعروفه
مسلم. يمسلم
--------------------------
طلعت الكوفان كلهه ازغار وكبار
هله بقدومك يمسلم كلنه. انصار
احنه عل ظالم نصير بوجهه بتار
يضحي لجل حسينه. يريد ينشر دينه
مسلم يمسلم
----------------------------------
مسلم وحيد وحاير بمسجد الكوفه
عل حسين. وعيلته المظلوم خوفه
وخاف اعيون الغدر لمن. تشوفه
وحده ظل بحيره. مايعرف الديره
مسلم. يمسلم
--------------------------------
كصد طوعه والكلب صاير جمره
شلون يخبرهه ويسولف الها امره
من غدرهم والمصايب نفذ صبره
شافته يم بابه. يريد ماي احسبه
مسلم. يمسلم
---------------------------------
انه مسلم جيت اخبرج حالتي
ولج ياطوعه اسولف محنتي
وردت منج تقبلين. اضيافتي
من نزل ابـداره. حجه عن اخباره
مسلم. يمسلم
---------------------------------
تنادي كوم انهض يبن فحل الفحول
حاطو الدار ابعساجر. والخيول
تكله شنهو الراي وشعندك تكول
كوم حد بتارك. وطفي جمرة نارك
مسلم. يمسلم
-------------------------------
لشاعر. رحيم. الصالحي
قصيدة رقم7
مسلم حيهم صاحو منه
.....
خله علوم الجيش ركام
خوف حتى جيوش الشام
ما يبقه الشاف الصمصام
يعني اللاحه يصير احلام
مايلهم وبكيفه اتهنه
مسلم حيهم صاحو منه
.....
ضربت فقار وخزراته
وحسين وهيبة كلماته
وعباس شلون بحملاته
وحمزه عله الباطل صولاته
وعله اعداهم سيفه اتغنه
مسلم حيهم صاحو منه
.......
كبر وبترتيل انفاسه
وحده وشامخ رافع راسه
الجيش الواحد يم مقياسه
وهو الينعد جمع بناسه
بس الرايد موته اتدنه
مسلم حيهم صاحو منه
.....
يصول يجول عليها بكيفه
رگعت كلها لضربة سيفه
ما يفرح حتى اليعيفه
يموت برعبه وكثر الخيفه
بالسيف وبخياله اتعنه
مسلم حيهم صاحو منه
......
من هاشم باين بعيونه
يشطر ما يضرب يدرونه
معلم ضرباته يعرفونه
مثل الكرار يذكرونه
نفس التاريخ الي سنه
مسلم حيهم صاحو منه
.......
حيدر عيسى البديري
قصيدة رقم8
هذا ابن عم حسين راواهم انجوم الظهر ..
🔸🔸🔸🔸🔸🔸🔸🔸🔸🔸
طبهه متنومس عليهه الكوفه كال امحيهه..
اباب كوفتكم اعلك راس هم راعيهه..
الضيف هيج ايعاملونه وهسه راح احجيهه.
ادلالكم موسود هنه اليوم الا اجفيهه..
وانه بن عم عباس خدودكم تشبع صطر..
🔸🔸🔸🔸🔸🔸🔸🔸🔸🔸🔸
طبهه غاضب بيده هوة ميه ميه ايطك طبك..
صاحو العباس هذا لو لا مسلم لا صدك..
انتم تغدرون بيه اليوم احركم حرك..
نهر دم بلكوفه سوه وحته خيرهم شهك..
جاب عزريل وصاح الجيش يمك وانت سر..
🔸🔸🔸🔸🔸🔸🔸🔸🔸🔸🔸🔸
عاصفه وبيده شمرهه ونزل بيهم هم حصد..
الجيش يركض صاح اشرود جانه ابوفاضل بعد .
هوه بس مسلم عليهم بس يشوفونه عدد..
الجيش كله ابصوت واحد صاح يا مسلم مدد..
وكالهم لا والله اليوم اشبعكم قهر..
🔸🔸🔸🔸🔸🔸🔸🔸🔸🔸🔸🔸
شفت وادم يمي توه وهسه لف روحه بعباء.
استحه سيفي من المعارج مو زلم ذوله نساء.
شلون زلم الكوفة ذوله تخاف من طاري الدماء.
وكتي ضيعته عليكم كون هسه بكربلاء.
بخدودكم جم نيشان جفوفي سونهن حمر..
🔸🔸🔸🔸🔸🔸🔸🔸🔸🔸🔸🔸
الكوفه جنت اسمع عليهه بيهه زلم وشجعان.
الكوفه بيهه ازلام كلفه ومن هذول العربان.
بعد ما سليت سيفي كلهه صارت نسوان.
عرفوا الكرار عمي واحنه شيمت عدنان.
منين اجيبن عباس يضحك عليهم هالبشر..
🔸🔸🔸🔸🔸🔸🔸🔸🔸🔸🔸🔸
عباس اديب المالكي...
قصيدة رقم9
ما يكابر ➖جرحه ساهر➖أبو طاهر➖عمه أبو الحسنين
بيده رايه➖وعنده غايه➖أمن البدايه➖إينفذ أمر حسين
حياه ➖حياه ➖ حي الله سبع الليل
⌒⌒⌒⌒⌒⌒⌒⌒⌒⌒⌒⌒⌒⌒⌒⌒⌒⌒⌒⌒
تحله بچفوفه القياده➖روحه عزمت عالشهاده➖يعرگ أجبين السياده➖چنه زمزم
الفادي عمره وفادي روحه➖تنزف الغيره بجروحه
➖صاحب الروح السموحه➖وحله أبن عم
الكوفه تشهد➖بيهه من هد➖مسلم أرعد➖چنه زلزله
من يقاتل➖سيفه عادل➖ما يجامل➖عرفو أفعاله
حياه➖حياه➖بالظلمه نجم سهيل
حياه ➖حياه ➖ حي الله سبع الليل
⌒⌒⌒⌒⌒⌒⌒⌒⌒⌒⌒⌒⌒⌒⌒⌒⌒⌒⌒⌒
أشر بصبعه ولواها➖الحومه بيمينه خذاها➖الساحه بسمه ومانساها➖أشمحله عزمه
سير أعليهم يسامر➖ما ترك واحد لباجر➖هذا كسار الخواطر➖مسلم إسمه
فدوه لسمه➖الطگه يعمه➖والله زلمه➖أمعدل وهيبه
دمه غالي➖خشمه عالي➖ما يبالي➖أشمحله ترتيبه
حياه➖حياه➖ يالاوي ظهر الخيل
حياه ➖حياه ➖ حي الله سبع الليل
⌒⌒⌒⌒⌒⌒⌒⌒⌒⌒⌒⌒⌒⌒⌒⌒⌒⌒⌒⌒
طوعه تشهد يابو طلبه➖الفارس أبچفك تصلبه➖بالرمح تخمشله گلبه➖هي تشهد
گالت أبعيني أشوفه➖وحده هو وماكو كوفه➖عزل الجيش وصفوفه➖أبسيفه من هد
هايه ذمه➖أحچيهه يمه➖چنه عمه➖حيدر الكرار
ظل يطشر➖ظل يبعثر➖سيفه يكسر➖چنه حامي الجار➖
حياه حياه➖وبرمحه روس إيشيل
حياه ➖حياه ➖ حي الله سبع الليل
⌒⌒⌒⌒⌒⌒⌒⌒⌒⌒⌒⌒⌒⌒⌒⌒⌒⌒⌒⌒
أتصدر أخبار الملاحم➖هاشمي أووارث هواشم➖هذا خريج الصوارم➖ما يجامل
أمدربه عمه الشفيه➖عالشجاعه الحيدريه➖أموصى بس الآل أميه➖من يقاتل
إيشد عليهه➖إيچفي بيهه➖گص أديهه➖الطلعت أتشوفه
ياندمهم➖ضاع أسمهم➖خله دمهم➖يترس الكوفه
حياه➖حياه➖خلاها مثل السيل
حياه ➖حياه ➖ حي الله سبع الليل
⌒⌒⌒⌒⌒⌒⌒⌒⌒⌒⌒⌒⌒⌒⌒⌒⌒⌒⌒⌒
إيشد بالكحيله ويجرها➖بالحرب فرصه عمرها➖معتلي الحب أبظهرها ➖ ياغرامه
أمعدله وتندل خصيمه➖هو گمره وهيه غيمه➖بين إديه تصبح يتيمه➖ ياهيامه
ياذلوله ➖أمنيله لوله➖بيهه سوله➖أتقبل إيده
وهو فارس ➖ماهو حارس➖حته عابس➖من عبيده
حياه➖حياه➖من يصعد أعله الخيل
حياه ➖حياه ➖ حي الله سبع الليل
⌒⌒⌒⌒⌒⌒⌒⌒⌒⌒⌒⌒⌒⌒⌒⌒⌒⌒⌒⌒
ماتو الكلهم أجوله➖تاهت وما مش رجوله➖أستسلموله وصفگوله➖وما نساهم
گص أدين أوگص مناحر➖ميت أو واحد يشاخر➖الكوفه صارت بس مقابر ➖من فناهم
الكوفه تبچي➖منه تشجي➖عنه تحجي➖الهسه خلاها
أشتنسه منه➖تروي عنه➖حربه فنه➖أبصيته تتباها
حياه➖حياه➖گوه الله هذا الحيل
حياه ➖حياه ➖ حي الله سبع الليل
⌒⌒⌒⌒⌒⌒⌒⌒⌒⌒⌒⌒⌒⌒
⌒⌒⌒⌒⌒⌒
حسين باهض الحلفي
قصيدة رقم10
والنعم يامسلم
للحرب متحزم
------------
والنعم منك يمسلم يا سفير احسينك
اشهر البتار واصرخ غيره تجدح عينك
صيح بجيوش الاعادي يالوفيت الدينك
اعالراس الشيعه تاج وللوفه موصفينك
الكاع بيهم تهدم
والنعم يا مسلم
-------------
يلي تشبه عزم حيدر عاش زود ايمينك
اسحك ابجدمك يمسلم روس المعادينك
مبدء الغيره وشرفها اعرف امسمينك
انته حيد وبالكلافه مجرب وناخينك
حيل بيهم اعدم
والنعم يا مسلم
--------------
اروي سيفك من دماهم ذوله جهلو امرك
و انته للباري ونبيه ادري بايع عمرك
خلي للعباس منهم فدوه صبرك صبرك
يجي يمك من تنادي بسيفه هوه ينصرك
وكوف منك نقسم
والنعم يا مسلم
---------------
خلهم يصحون خيبر مسلم اللي عاده
عاد صولات الصميده وثورته اومجاده
بالركاب سيفك يطيب كون انظره كلاده
يعني ميفر منهم احد اله سيفك صاده
بروسهم ظل ثلم
والنعم يا مسلم
---------------
وبقصرهم شب جهنم واحرك انته ابكيفك
نار عدك نعرف انته حطب اصبح ضيفك
منهم ابهاليوم رايد حيل تاخذ حيفك
تعيش يا مسلم يهيبه شرب دمهم سيفك
عالطريده مخيم
والنعم يا مسلم
---------------
تمت بعون اسد الله الغالب
الشاعر علي الكعبي
حلو استمر💜💋
ردحذف