قصيدة رقم1
العباس
يالطايح اعله الشريعة. يابوالجفوف الگطيعة
عطشانه ظلت سكينه. وحسين ذبحو رضيعه
----------------------1---------------------
ظلت الخيمة وحشة بغيبتك. الخيمة ليل وگمرهه طلعتك
ارجع ارجع يكافل عيلتك. هاي زينب اخيتك فگدتك
انكسر ظهر الغريب اوحده اخوك يقاتل
گوم الزمله ظهره وياك يابو فاضل
ظامي ذبحو طفله. من سگوه بالنبله.
ماتجي و تحمله .حسين ظهره اتعدله.
بسمك تصيح العطاشة بالخيمة اسمك نذيعه
عطشانه ظلت سكينه. وحسين ذبحو رضيعه
------------------------2-----------------------
زينب تنادي وينك ياگمر اشلع العين واجيلك للنهر
امچان عينك احط عيني نظر. تشوف بيهه الخيام بياخطر
عيني اخذهه يخويه ودير وجهك للخيم.
الخيل وصلتنه گامت تسحگ اطفال وحرم
خوية افزع ليه. كطعو الترچية.
من اذن رقية . دمهه سال اعليه.
چم طفله كطعوا اذنهه. وگطعو تراچي. الفجيعة
عطشانه ظلت سكينه. وحسين ذبحو رضيعه
--------------------------3--------------------------
وگع عالگاع احس گلبي انگطع. شفت چفك لزم گلبي الوگع
صعد يم وجهي چفك وارتفع مسح دمعي وليم جسمك رجع
ومن أجيتك عباتي النار تلهب بيهه
.برايتك گبعتني وگتلي خدرچ ليهه
گبعتني براية. بدمك محناية.
گتلي زينب هايه. فوگ راسچ اية.
احترگت خيامك يكافل. ظلت چثثكم صريعة
عطشانه ظلت سكينه. وحسين ذبحو رضيعه
------------------------4--------------------------
أسمحلي اتچيلك اشويه انتهض . وياي أنظر اذا عندك نبض
ذاك الحسين وگع فوگ الأرض. وذيچ الخيول بدت صدره ترض
أمشي لحسين يكافل تقبل امشي بوحدي
گوم وياي يخوية الخيل رضت چبدي
.
گوم ياعباسه انلحگ اعله انفاسه.
ماي نروي احساسه. گبل گطعت راسه
عباس خوية انسبينه. هاي المصيبة المريعة
عطشانه ظلت سكينه. وحسين ذبحو رضيعه
------------------------5------------------------
الزمت جودك بدية وبي نبع. بجودك الگيت سوالف من دمع
و صورة امي وصور باب وضلع وذكريات اني وانت التنطبع
انطبعت بجودك انظر ذكريات أمالي
ماتبدت يخوية هلصور من بالي
شلت جودك دامي ايكمله دمعي الظامي
بمايه اطفي خيامي لو اشرب ايتامي
شيطفي نار المصايب حركو كتاب الشريعة
عطشانه ظلت سكينه. وحسين ذبحو رضيعه
الشاعر حيدر موسى الرميثي
(كروب مؤسسة منبريون)
https://t.me/joinchat/Dw92Dj9pmspPx7OpNRYqtA
قصيدة رقم2
نزله للعباس
بعيوني يازينب حاضر لكل مطلب
كولي اشتردين ها يخت الحسين
------1-----------------------
رايه انتي بيميني عباس تدريني ماهدهه للموت
اختي وتعرفيني بالشدة تلكيني اسرع من الصوت
كربله اقسمهه وبسيفي اعلمهه هآ يخت الحسين
كولي اشتردين كولي شتردين
*2*********
افتح نهر سايل من دمهم النازل أسكي الجداول
يدروني ابو فاضل ماأرضه بالباطل سيفي المراجل
لحسين اسلمهم بكيفج مناحرهم انتي التأمرين
كولي اشتردين كولي شتردين
***************3****************
المشرعه احتلهه فنه الي يوصلهه بزودي انه عباس
كل كربله اقفلهه وبيدي يظل حلهه ماخلي ابدراس
أعليهم اصب الويل بس الركب عالخيل بذراعي اليمين
كولي اشتردين كولي شتردين
*****4************
لاتغرج الكثره هالجيش وبكبره ولو فوكه ثلثين
بيدي مثل شعره اكطعهه منتظره بس يأمر حسين
ارسم على كصصهم خانو عقيدتهم بعينج تشوفين
كولي اشتردين كولي شتردين
*********5***********
تردين اسرهم تردين اعدمهم انتي التأمرين
تردين اسبيهم من الارض افنيهم ولورردتي تعفين
من جابهم حظهم وياي ورطهم بيهم تسمعين
كولي اشتردين كولي شتردين
&&&&&&&&&&&&
حيدر موسى الرميثي
(كروب مؤسسة منبريون)
https://t.me/joinchat/Dw92Dj9pmspPx7OpNRYqtA
قصيدة رقم3
كــوم ياعباس وتـلـكاهــا
تحوم زينب والطفال اوياها
&&
انته راعــي الزود لــولايــت عـلي
ونــته بــيـك احسيــن كـلــي ادللي
كــافــلج موجـود ياريحــت هـلـي
حركو اخيمها وتريد الواها
&&
يابــو فاظــل زيــنـب ادور عـليـك
ياكـمـر عــدنان انهض مــن تجيك
صعبه زينب من تشوف الـي بديك
لا تشـوفـك عالثره تعـناهـا
&&
ارد اسئــلك ياســبع كــل كـنطــره
دون جـفيـنك هـويــت اعله الـثره
ياعـزيــز اخـتـك بــقيـت محيره
والرماح اشلون تتـلكاهـا
&&
كــوم ياعبـاس حركـو خيـمتي
بس حرم وطـفال تصعب قصتي
ريـــت امـوت اولا اظــل ابعـلتي
وندفـن كـون ابكبـر كبـل اخوتي
بعـد اخوي الدنيه ما اهوها
&&
اعــذرنـي ياخـويه منوجهلك عتاب
مـن اشوف اجسادكم فـوك التراب
لكبـر اوجـسام وعـتـاب الـربـاب
تـنعـه بين اطـفال والكلهـم شباب
والحرم تبجي وتنوح اوياها
&&
خادم خدام اهل البيت الشاعر الحسيني جاسم حميد الاسدي 0770317420---------2018
(كروب مؤسسة منبريون)
https://t.me/joinchat/Dw92Dj9pmspPx7OpNRYqtA
قصيدة رقم4
كصدك وين خــــويه بهـــالمسيه
بعــدك ياهـــو الـــي ويحن عليــه
&&
لجـــلج يابعد روحــــي وحياتــــي
افنــــــي الكـــــوم كلها وبصفاتــي
انـــه العبــــاس يازينـــب ونـــادي
وحـــــك المرتضــــى ولهـــاشمية
&&
كصــــد للمـــاي وتعنـــة الحرايب
صفه المشــرعه وكـــل المصايب
دار عنـــانهه بصوت المحـــاريب
هـــــاي الغـاضريه وهــــل وصيه
&&
تعنـــه للحـــرب وصــاح ياحسين
زينب بالخــــيم وتنــــــادي لاويـن
اجيـــب المـــاي الهــــا ونيـــاشين
غضـــب عبـــــاس وتعـــنه المنيه
&&
لجـــل الـــدين اجــــينه والحــراير
نثبـــت بالــــوصيه والنحــايـــــــر
نكـــــر اركــــابها وكـــل شرايـــر
اشلــــون تروح ياحـــــامي الحميه
&&
هـــــذ المـــاي ياخـــويه شتــكولين
جــــبدك بالحرب عطشان وحسيـن
اخــــاف منل قـــدر لــوكطع جفيـن
امـــوت ولايمـــر شـــامت عليـــــه
&&
بعــــدك يالــــخو اشــــلون ننــهاب
نخـــاف منل سبـــي وبـديرة اجناب
نضـــل بين الغــرب بهضمة الغياب
نمـــوت ويــاك احنه بــــــهالمسيه
&&
خادم خدام اهل البيت الشاعر الحسيني جاسم حميد الاسدي 0770317420---------2018
(كروب مؤسسة منبريون)
https://t.me/joinchat/Dw92Dj9pmspPx7OpNRYqtA
قصيدة رقم5
ان كان للخوة نبي فالعباس نبيها اليكم مني هذه القصيدة المتواضعة
.........................................................
اعله مود الحره زينب الله سواك
نبي للخوه ربنه ورحمه وداك
يابو فاضل – يابو فاضل
,,,,,,,,,,,,,,,,,,,,,,,,,,,,,,,,1
قرآنك يبو فاضل كفاله
يرتل بيه ابو اليمة وعياله
حديث الجربه متواتر مقاله
يكول الكمر ما تلكه بجماله
من طين الزجية الله صاغاك
نبي للخوه ربنه ورحمه وداك
يابو فاضل – يابو فاضل
,,,,,,,,,,,,,,,,,,,,,,,,,,,,,,,2
النبي معجزته تثبتله نقاشه
ومعجزتك صرت ساقي العطاشة
هيهات الضوه اتعوفه الفراشه
وحاشه تعوف زينب صحنه حاشة
اخو زينب بسمهه الباري سماك
نبي للخوه ربنه ورحمه وداك
يابو فاضل – يابو فاضل
,,,,,,,,,,,,,,,,,,,,,,,,,,,,,,,3
اول سوره تقره نزلت اعليك
ايات الاخوه وتحجي بس بيك
بلغ يابو فاضل ضل يناديك
ربك بالطفوف اصبح يناجيك
بلغت الرسالة وكمل معناك
نبي للخوه ربنه ورحمه وداك
يابو فاضل – يابو فاضل
,,,,,,,,,,,,,,,,,,,,,,,,,,,,,,4
ماعندك علي بفراشك ينام
ليثرب جانت الهجره من الاصنام
وايتامك تهاجر ليش للشام
المدينة استقبلت طه بالاسلام
وضعنك بالشتم تستقبله اعداك
نبي للخوه ربنه ورحمه وداك
يابو فاضل – يابو فاضل
,,,,,,,,,,,,,,,,,,,,,,,,,,,,,,,5
النبي عنده غدير او وصه ندري
وعندك مشرعة لليوم تجري
حديث الباب لسه اخباره تروي
وحديث الخيمة بس نيران تسري
عليك الوحي بالطف ينزل هناك
نبي للخوه ربنه ورحمه وداك
يابو فاضل – يابو فاضل
,,,,,,,,,,,,,,,,,,,,,,,,,,,,,,,,,,,,6
رفع جفه النبي البيعت اخيه
وجفك ينكطع لجل الوصية
ردت تكتب وصيتك بالمنية
والقرطاس رمل الغاظرية
وصيتك باليتامة اتخطهه بدماك
نبي للغيره ربنه ورحمه وداك
يابو فاضل – يابو فاضل
,,,,,,,,,,,,,,,,,,,,,,,,,,,,,,,
الخادم حيدرموسى الرميثي
(كروب مؤسسة منبريون)
https://t.me/joinchat/Dw92Dj9pmspPx7OpNRYqtA
قصيدة رقم6
ا بن حيدرنه الكرار
____________________________
يا بن حيدرنه الكرار * للموت احنه وياك انصار
*****
محسودين اليوم انصارك
مدفــونين بجنه جوارك
ويمر بينه كلمـــن زارك
وعلينه يكتبــــون اشعار
***
موقف عابس بالطف لوحه
يوم الهـــــــــد وجرد روحه
يفدي حســـــين بدم جروحه
طشــــــــــــــــر بيمينه الكفار
***
طلگلك دنياه بن مظـــاهر
ضحى بعمره بيوم العاشر
خادم بيت حســـين الطاهر
جنــــــدي من اجنود الكرار
***
شوذب هذا ونحفظ اســمه
مات وفوگ شفافه البسمه
رايد بالطف كون القســـمه
ويمــــــــوت الاجل الاطهار
***
ابن القيـــــــن الودع اهله
كعبه حسين لديــني وقبله
مر الموت وبالطف يحـلى
جنه وبي عصمه من النار
***
جون الاصبح مسك بعطره
خادم لحســــين بن الزهره
ناذر روحــــــه ووفه بنذره
سجل اسمـــــه وي الاحرار
***
والحر بن ريـــــــــاح ينادي
يا رب ادعي انطيني مرادي
وبذل روحــــي لبيت الهادي
بالدم اغســــــــل موقف عار
***
سل سيفه جناده الانصاري
اطفي براس الضــدك ناري
خــــــــــادم ليك انه وبتاري
افــــــــــدي اهلي زغار كبار
***
جــــــدي بن عمير الهمداني
خادم بالســـــــــيف وبلساني
لو تجهل شخصـــي وعنواني
ابن المنعــــــــم واسمي سوار
***
جنــــــدب وينادوني الكندي
يم امــــــــج يا زينب شهدي
اكطع راسه اليوگــــف ضدي
مثل المـــــوت اخطف لاعمار
***
مسلم عوســـــج هز الحومه
چنها جنـــــــاح ترف هدومه
نســـــــر يصيد بسيفه البومه
يرهـــــــــــب كل الجو لو طار
***
عبد الله العبدي بن البصره
يوم الطف يضحــــي بعمره
يهنف خــــــادم بيت الزهره
خــــــادم خــــــــــادم للابرار
***
محمــد المــالكي
(كروب مؤسسة منبريون)
https://t.me/joinchat/Dw92Dj9pmspPx7OpNRYqtA
قصيدة رقم7
من يعطش طفل شده ... كطرة ماي ما عنده
..................
حيل اغتاض ابو النوماس
عطاشى تصيح هاي الناس
زينب تنتخي بعباس.
رضيع حسين شيهيده ... كطرة ماي ما عنده
..................
ابو الغيره عدل لو مات
شسولف خايفه الشمات
بنات حسين عطشانات
طاح الجود وتبده ... كطرة ماي ما عنده
..................
رقيه تحشم بعمها
سهله وصار علمها
اخوها ينوح المها
عمي الراح شيرده ... كطرة ماي ما عنده
..................
سبع الكنطره وينه
خل يشلع سهم عينه
اخونه وحيل ياذينه
نشف ذاك الترف خده ... كطرة ماي ما عنده
..................
ما انشد واكولن وين
اخافن لو سمع لحسين
يطيح دمعه من العين
عبد الله شكبر وده ... كطرة ماي ما عنده
..................
خايب. يلفرات شبيك
هذا الصوت ما ياذيك
زينب بت علي تحاجيك
جزرك ما طفح مده ... كطرة ماي ما عنده
..................
روحي اليوم محتركه
ثوبه بالمهد شكه
ما تمطر سمه الزركه
بي غيرة علي جده ... كطرة ماي ما عنده
..................
سكته تصيح يا عمي
اخوي ولحمي ودمي
لو تدري شكبر همي
مثل يعكوب وتعده. ... كطرة ماي ما عنده
..................
اخافن يستمع شكواي
اسولف للكمر بهداي
طفل ويريد منك ماي
يبس من العطش جلده ... كطرة ماي ما عنده
..................
ناطر يمته عمه يعود
هز الرايه شال الجود
ال عمه الكمر محسود
حكها الوادم تحسده
... كطرة ماي ما عنده
..................
هاي ام الطفل تنشد
عمك راح يمته يرد
اخاف من العطش تكعد
باب النوح شيسده ... كطرة ماي ما عنده
..................
زينب سولفت للرب
طاحت عالنهر لركب
ما شوفه بعد من طب
جاب الماي لو بعده ... كطرة ماي ما عنده
..................
خادمكم محمد المالكي
(كروب مؤسسة منبريون)
https://t.me/joinchat/Dw92Dj9pmspPx7OpNRYqtA
قصيدة رقم8
القصيدة السادسة والعشرون
بين الحوراء زينب واخيها ابا الفضل عليهما السلام
اشتاكيتلك
والسجه بس عيون وسيوف
اتعنيتلك
وابكلبي لهفه تسابك الخوف
//////////
لمن اجيت وعيني سألت عنك اشلونك
اتبسمتلي وانته نابت سهم بعيونك
ادري الحوافر غيرت يابا الفضل لونك
وتدير وجهك خاف اشوف امكسره سنونك
حنيتلك
مثل ام فصيل النوك للنوك
ونيتلك
والونه بس لمثالك تلوك
/////////
ماهمني كلشي وانتظر منك تحاجيني
يل عاليه ابعلو النجم طبعك امخليني
شنهي العطش من غيرتك كوثر امرويني
لوبيدي اموت اعله النهر وافديك بسنيني
بعيوني
تمنيت خويه اتصير السهام
يضربوني
ابذاك العمود اليفطر الهام
//////////
اردن اسولفلك سوالف تنكط امروه
الدنيا من دونك يروحي كلشي ماتسوه
عباس يا وجه الامان وجلمة الحلوه
ابكربله فراكك يخويه بلوة البلوه
ياروحي
تمنيت كبلك حاضره الموت
وجروحي
لجروح جسمك خويه تابوت
خويه عباس
انكطعت جفوفك يغالي وعينك الجودك
الجربه حاضنها يكافل خدري بزنودك
خايف ابوجه اليتامه اتكصر وعودك ؟
انكسر ظهري عليك ابكد كسر عودك
يا راوي
كلبي بجبين وعين وجفوف
ومداوي
كل جرح بيه ابطيب معروف
يا اخو مثلك يكافل وافه للخوه
شال ماي النهر بيده وما رضه يروه
رغم ذاك العطش كله شيمته النخوه
ماشرب وايتام تنطر جيته والنسوه
خليتني
امشي يخويه ورافعه الراس
وافيتني
ب اجمل وفه معروف للناس
احمد عيسى البديري
(كروب مؤسسة منبريون)
https://t.me/joinchat/Dw92Dj9pmspPx7OpNRYqtA
قصيدة رقم9
للعباس ع...
عباس عباس جاب الفرات ابجوده
عباس عباس شل الجيوش ابزوده
*
سيفه شاطر .. والعســـــــاكر .. كلهه تعلـــم
حين يغضب .. ماكو مهـــرب .. يطفح الـدم
ابزود سيـفه .. ايجيب حيفه .. ومنهو يسلم
عينه مرصـد .. وألي يگصــد .. يمه يهــــزم
جيش العدو اليوم نكس رگاب احيوده
عباس عباس شل الجيــــوش ابزوده
*
چنه حيــدر .. گام يزئــــر .. مــن وصلهم
موت أحمــر .. يوم زمجـر .. كر رگبـــــهم
سيفه يجدح .. گــام يذبح .. مارحمـــــهم
الجــيش كله .. ايهاب ظله.. وشل عزمهم
متحيره اعـداه محـــد وصل لحدوده
عباس عباس شل الجيـــوش ابزوده
**
الحرب عيده .. وحان ويده .. عالجحافل
الماي جـــابه .. الكل تهـــابه .. مــن يقاتل
ذره صـــــاير .. للحـــــــراير .. ابوفاضـــل
هال بـــــدره .. وداگ صدره .. لخته كافل
وبكربله اليوم وفه ابجميع اعهوده
عباس عباس شل الجيوش ابزوده
***
كله همـــــــه .. وحدر جـدمه .. الگــاع ترجف
دوت نـــــاره .. وبالمعــــــاره .. رايتــــه اترف
مــــن اطبكم .. اله اذلكـــــــم .. گـام يهتـــــف
المـاي اخزره .. وبس أمـــــره ..ايخاف ويجف
والعكسر انهار فـرت جميع اجنوده
عباس عباس شل الجيوش ابزوده
****
حسين ديني .. ونور عيني .. وكل حياتي
كعبه اشـوفه .. وما اعـوفه .. الحد مماتي
انطيته جفي .. وما اوفــي .. ابتضحياتي
جروحي سهله .. اتهون لجله .. ونايبـاتي
هيج الگمر صاح لمن انطـاه ازنوده
عباس عباس شل الجيوش ابزوده
****
الخادم
كامل السعيدي 2017
(كروب مؤسسة منبريون)
https://t.me/joinchat/Dw92Dj9pmspPx7OpNRYqtA
قصيدة رقم10
الامام العباس ع....
وسفه ياعبــاس غايب غايب غايب
وزينب الـــدلال ذايـب ذايـب ذايـب
اشلون نايم عالثره -- والچفوف امبتره
وسفه ياعباس غايب غايب غايب
***
جسمك امـدد على الرمضه ونظرته
امگطعه اوصـــاله وبلا چفين شفته
حيلي بـاد اوجهي لمصـــابك لطمته
اشلون ضعنك بالغرب ياخويه عفته
صعبه منك انحرم - خاف بعدك ننظلم
ونته للعدوان راهب راهب راهب
*
امدللـه اويـــاك ويسموني الامــــــيره
وهسه ياعبــــــــاس اتسمه الاســـيره
خويه طحت ابناس ابد ماعدهه غيره
وجهــي بعـــدك يابوفاضل وين اديره
گوم رد بيه الهلي - يا اسد حيدر علي
وانه اعرفك ليث غالب غالب غالب
**
اوياك ياعباس اجيت اوراسي عالي
وماكو واحـــد يگدر ايشاهد خيالي
خويه كل الصار ماچــــان اعله بالي
ضعني منكم ياضخرنه ايعـود خالي
الصار بالطف موسهل - اشلون ارد ابلا اهل
راسي من الفرگه شايب شايب شايب
***
مايسر حال اليتامه اخــلاف عينك
كلهه تصــرخ عمنه ياعبــاس وينك
يمته ترجع شايل الجـــود ابيمينك
ونعرف ايهزك على اطفالك حنينك
كل مخيمنه استعد - الك يالتوفي الوعد
ابجودك اشكم نهر جايب جايب جايب
***
بيش نتستر والخيـــــام احرگوهه
والتراچي امن الفواطـــم سلبوهه
اشلون حال البلغرب تفگد اخوهه
مـــــن تعيش ابينهم يستضعفوهه
تعيش مكسورة جنح - بيهه جم حسره وجرح
ابينهم ماألهه صاحب صاحب صاحب
****
الخادم
كامل السعيدي 2017
(كروب مؤسسة منبريون)
https://t.me/joinchat/Dw92Dj9pmspPx7OpNRYqtA
لطميات
ردحذف