ياشايل علمنه آاااه
لعيونك عطشنه
ياعباس .. ياعباس
______________
معقوله طحت كلك يعباس
ياهو اليقنع من بنگله طايح
طايح مارضه يگلنه الحسین
بس من كض صفحته صار واضح
بكثر ما فزعت من انوله حسین
یاعباس صوت حسين رايح
رد ماينعرف من عندك حسين
ابوجه حسین ماظلت ملامح
حسين من رد ماعرفته
ایگوم ويطيح انه شفته
ياعباس .. ياعباس
____________
حسین ابیا وگت ما تگدر اتگوم
گتله وگال راح الحيل مني
خويه اوداعتچ تيهت الخيام
يطيحني الهوه ظل من يطگني
اسم الله گتله اعليك ياخوي
بعد اختك تره گلبي وجعني
گلي اشيوجعك يوجعني عباس
زینب حظنة اموادع حظني
آااااه . یا زینب کفیلچ
اليوم . اللهم شدي حيلچ
ياعباس .. ياعباس
_______________
گتله طاح يعني وگال اي طاح
في راسچ يزينب راح گلي
طيحة خيمتك مدري السمه حسین
ياعباس يجتافات حملي
رحت انته وبعد ساعات الحسین
هم يروح ياهو يردني لهلي
علي لحگن صحت یالهاشميات
اخوتي من ايدي راحوا ياهو ظلي
اشلون لو هدوا علينه
انلوذ یاخويه ابعبينه
ياعباس .. ياعباس
________________
يزينب خلي عينچ عالنساوين
اذا صارت على شفتيها لمه
ابنصهم راح اطيح اوعینچ اتشوف
زلمه ایهد علي والماهو زلمه
بعبيهن خل يلوذن من تجي الخيل
هذوله اگلوبهم مابيها رحمه
اذا ظليتي وحدچ صيري عباس
عسه عيون التصدلچ کون تعمه
الليل . لو چلچل علیچن
خیام . سونهن عبیچن
یاعباس .. ياعباس
________________
خويه عذري اخوتچ من تجي النوگ
ویگلالچ خواتچ رچبينه
واحنه ابلیه روس انگوم وانطيح
إذا مروچ یازینب علينه
إذا شفتي الرماح اینگطن ماي
منچ يعني يا أم عون استحينه
يم النهر لومريتي يم عون
نزلي اعله ابوفاضل مسحي عينه
اخيچ وياچ . راسه يروح
اعليه. خاف احد يسألچ
____________
كلمات واداء : مرتضی
مهضومات
ردحذف