قصيدة رقم 1
نزلة لمسلم بن عقيل ع 2020عن مسلم اسأل ديرة الكوفه
ذل آل اميه سيفه وچفوفه
...........
اول مقاتل من بني هاشم
مسلم تحدّه الحاكم الظالم
گالوله بايع وترك حسينك
ارضه بيزيد القائد الحاكم
جاوبهم بسيفه. من يكدر يخيفه
خادم لبوالأكبر. لا والله ماعيفه
جيش ال اميه خربط صفوفه
ذل آل اميه سيفه وچفوفه
.............
من حيدر الكرار تربيته
صيت بوفاضل بالحرب صيته
خلّاها خيل دّوس خيّاله
زلمه اليخلّص يدخل لبيته
لمن غضب مسلم. خلّاها تمطر دم
فوگ الجثث صاعد. وبسيفه يتكلّم
وجوه الزلم من سيفه مخطوفه
ذل آل اميه سيفه وچفوفه
............
خل يسمع ابن زياد خل يفهم
مسلم حُسيني ومايذل مسلم
لو يترس الكوفه زلم كلها
من سيفي ماواحد ابد يسلم
خيبر اسوّيها. وجيوشك افنيها
ماعوف ابواليمه. لو روحي افديها
والهاشمي وگفاته معروفه
ذل آل اميه سيفه وچفوفه
.................
كلمن يجيله ينشطر راسه
وبسيفه ياخذ مسلم انفاسه
مثل الجبل بالمعركه واگف
ما يهتز شما ينثلم ساسه
يشبه بطل خيبر. مثل الاسد يزئر
وبصارمه القاطع. يحصد رگاب الشر
تتراجف العدوان من خوفه
ذل آل اميه سيفه وچفوفه
.................
گاللهم ابن زياد ياوسفه
انتم ألوف وذلكم بچفه
گالوله هذا الهاشمي مسلم
من يگدر يرد سيفه ويچتفه
من حيدر افعـــــــالـه. ياهو اللي يدناله
مايخطي من يضرب. ضرباته چتّاله
يشبه علي من يهجم انشوفه
ذل آل اميه سيفه وچفوفه
.................
سجل مواقف والزمن يشهد
ضحّه بحياته الغالي وستشهد
لحسين ابوالأكبر وفه بعهده
لهذا السبب للآخرة تخلّد
ينصر ابن طه مسلم تمنّاها
فاز ونصر دينه وبنصره يتباها
من دم وريده خطهن حروفه
ذل آل اميه سيفه وچفوفه
سيد زيد الفحام
_____________________
قصيدة رقم 2
نزلة لمسلم بن عقيل ع 2020
عن مسلم اسأل ديرة الكوفه
ذل آل اميه سيفه وچفوفه
...........
اول مقاتل من بني هاشم
مسلم تحدّه الحاكم الظالم
گالوله بايع وترك حسينك
ارضه بيزيد القائد الحاكم
جاوبهم بسيفه. من يكدر يخيفه
خادم لبوالأكبر. لا والله ماعيفه
جيش ال اميه خربط صفوفه
ذل آل اميه سيفه وچفوفه
.............
من حيدر الكرار تربيته
صيت بوفاضل بالحرب صيته
خلّاها خيل دّوس خيّاله
زلمه اليخلّص يدخل لبيته
لمن غضب مسلم. خلّاها تمطر دم
فوگ الجثث صاعد. وبسيفه يتكلّم
وجوه الزلم من سيفه مخطوفه
ذل آل اميه سيفه وچفوفه
............
خل يسمع ابن زياد خل يفهم
مسلم حُسيني ومايذل مسلم
لو يترس الكوفه زلم كلها
من سيفي ماواحد ابد يسلم
خيبر اسوّيها. وجيوشك افنيها
ماعوف ابواليمه. لو روحي افديها
والهاشمي وگفاته معروفه
ذل آل اميه سيفه وچفوفه
.................
كلمن يجيله ينشطر راسه
وبسيفه ياخذ مسلم انفاسه
مثل الجبل بالمعركه واگف
ما يهتز شما ينثلم ساسه
يشبه بطل خيبر. مثل الاسد يزئر
وبصارمه القاطع. يحصد رگاب الشر
تتراجف العدوان من خوفه
ذل آل اميه سيفه وچفوفه
.................
گاللهم ابن زياد ياوسفه
انتم ألوف وذلكم بچفه
گالوله هذا الهاشمي مسلم
من يگدر يرد سيفه ويچتفه
من حيدر افعـــــــالـه. ياهو اللي يدناله
مايخطي من يضرب. ضرباته چتّاله
يشبه علي من يهجم انشوفه
ذل آل اميه سيفه وچفوفه
.................
سجل مواقف والزمن يشهد
ضحّه بحياته الغالي وستشهد
لحسين ابوالأكبر وفه بعهده
لهذا السبب للآخرة تخلّد
ينصر ابن طه مسلم تمنّاها
فاز ونصر دينه وبنصره يتباها
من دم وريده خطهن حروفه
ذل آل اميه سيفه وچفوفه
سيد زيد الفحام
_____________________
قصيدة رقم3
مسلم من هجم عالكوم زلزل بيهم الكوفه
نسخه من علي الكرار عزمه وهيبت جفوفه
####################
دخل للكوفه متعني بعزم وبنخوه وبهمه
تحزم بالكمر عباس وماخذ غيره من عمه
تعنه وشايل بصدره رساله من ابو اليمه
مضمون الرساله يكول
تبين صحة المرسول
لحسين الغده مكتول
بغدرهم وألزمن شاهد وهاي افعال معروف
####################
تلكت طوعه مسلمه تكله والدمع همال
دكوم وراوي هالعسكر عليك بهل وكت ينهال
يمسلم خلي بالتاريخ صوره لهل اثر تنكال
صورة تضحيه وعبره
تخلد بيها هالثوره
وطريقك لابد اتنوره
ابيت الهادي والقران الخطت للهدى احروفه
####################
اشوفنك يبعد الروح جدمك ينگل ابحيره
ماتدري لوين تروح ووجهك المن أديره
تعال وادخل ابعيني وأصيرلك انه انصيره
تكله ماالك صحبان
وبعيده عنك الخوان
غدرو بيك هالعدوان
هذوله الغدرو بعمك نفسهم همه بالكوفه
#####################
توضه وصله فرض الموت وهده لحسين ركعاته
تحضر للقتال يريد يصول بذيج صولاته
والجيش برعب يحسب لحظه بلحظه ساعاته
ضَل يلمها ويطشر
ورأس برأس ضَل يشمر
اليقره بسيفك ويبحر
يشوف الموت بيد الموت يشك والدنيا متروفه
####################
من هد مسلم اعله الكوم صال وزمجر وكبر
خزرت عينه تجدح موت وسلة سيفه موت احمر
عليمن مرتفع هالصوت ولمن لمة العسكر
جن البرز حامي الجار
وصال ابصولة الأحرار
ودخل كل اميه إنذار
كلها تصيح جن حيدر مو مسلم تره نشوفه
##################
من طب مسلم الكوفه ضلت حايره هالناس
ضنت حيدر الجاهم وخافت ما تدير الراس
وناس اتكول مو مسلم هذا البرز جن عباس
ناس اتخيلت حيدر
وناس من الرعب تعثر
تعال وشاهد المنظر
تطاير غدة هالروس وجثث عالكاع مكشوفه
#####################
سيد_محسن_الجابري
قصيدة رقم 4
محرم 1442
نزله لمسلم ابن عقيل عليه السلام
من اخياله من اخياله
تتراجف كل الخياله
**************************************
من سمعو مسلم بالكوفه
ما واحد يهدأ من خوفه
يتراوله بحلمه يشوفه
حتى بحلمه ظل يبراله
**************************************
صارت بيهم خوفه ورهبه
واحدهم ما يندل دربه
شورطهم وتحدو حربه
ما عرفو مسلم وافعاله
**************************************
هاجم مسلم هجمة حيدر
بس روس يشاهد تتطشر
خله العسكر يردم عسكر
واعليهم ذب كل زلزاله
**************************************
فارس معروف من احروبه
صولاته يحس كلها اعذوبه
متهمه الدنيا ومطلوبه
يبقى حسين بنص اعياله
**************************************
ليث وتجدح نار عيونه
من نظرة عينه يهابونه
يا وسفه بحفره يغدرونه
واعليه تندار العياله
**************************************
حد موته وليهم ما يخضع
دنيا الخلت مسلم يوكع
لو يمه العباس ويسمع
منهو اليتعده ويدناله
**************************************
جعفر عطيه البزوني
قصيدة رقم 5
مسلم الكوفه اصبحت ميدانه
والجهات الاربعة عدوانه
لانصير ولا أهل٠٠٠لبن اخو خير العمل
************************
وين أبويه بياهي ديره بياوضع
روحي تسأل وانه اجاوبها بدمع
خايفة من أحساسي بي أن ينسمع
گلبي ذاب من الحزن شريانــــــــه
لرجعته ماضل أمل٠٠٠لبن اخو خير العمل
************************
عيوني سهـرانه واحس گلبي غفـه
گمره بس فجأه الگمر نوره انطفـه
گلبي فز ينادي عالدنيا العفــــه
سالته جاوب غدرته كوفانــــه
بلا وعي دمعي همل٠٠٠لبن اخو خير العمل
************************
سمعت عمي ينادي زينب عمتي
صـارت الطفله حميده طفلتـــــي
مات ابويه؟ وصرخت يمصيبتــي
بويه جنت لشوفتك لهفانـــــــــــه
مادريت ألي حصل.......لبن اخو خير العمل
************************
عمي گول ارجوك لا تخفي يعم
عـــمي اشوف ابشفتك چلمة الم
عـمي واحساسي يشم ريحة يتم
والمسح فوك الطفل عنوانـــــه
فدوه وصلني بعجل.....لبن اخو خير العمل
************************
بچه من أبعيد والدمعه همل
گلي يبنيتي تعاليلي بعجل
راح اخويه والمفضل بالاهل
ياحميده ووالدج صرت آنه
حيلي ياعمي نحل....لبن اخوخير العمل
************************
گتله عمي ماتقصر بس لـــچن
حضن ابويه ما اظن مثله حضن
راح ابويه الجنت بفيايه استچن
مات وبشمس اليتم خلانـــــــه
حسبت طارش وصل...لبن اخو خير العمل
************************
جهاد البصيراوي
قصيدة رقم6
اشهد يسيف الموت انا مسلم انا
راح افني هذا الجيش انا مسلم انا
1
رايد اتفنن يسيف الموت انا بهل حرب
مثل ملك الموت بين الجيش ياسيفي اطب
الكوفه راح ادبچ عليها اله اگلبها گلب
انا الوصي حيدر ... وعليه من يگدر
هل يوم اعيدن خيبر انا مسلم انا
2
اليوم يوم الاخره بطولي اريد اتمثله
سورة التوبه يسيفي انا دون البسمله
يا علي راح انا اصيحن ونته اقره الزلزله
ارد اخذ بحيفي ... اشهدلي ياسيفي
كلها بخزرتي تموت انا مسلم انا
3
اخطف ارواح الزلم ياسيف اريد ابيمنتي
احضه بيهم انا وحدي هذي چانت منيتي
ارد اصفنهم سوه وارسم عليهم ضحكتي
انا انفرد بيهم ... ونته انزل اعليهم
وتالي بنزولك صيح انا مسلم انا
4
الكوفه ما تكفيني كون الكوفه گد هاي الارض
بكيفي اتبختر اريدن اشطر بطول وعرض
حرورة العباس بيه براسي مو گلبي النبظ
والغيره لبراسي ... تصرخ يعباسي
انا الگمر عباس انا مسلم انا
5
هل عدد كلش قليل وما يكفيني عدد
بالغمد يا سيف اظمك بلكي يلفوني بعد
من شهرتك صف الاول باخر العسكر لبد
موت الحمر اني ... منهو اللي يدناني
محد گدر يجبلني انا مسلم انا
6
كله خرست وانا مهري لسه بعده ما صهل
اليوم اهد قصر الاماره والامير انا اجل
ما اتوبن من ذبحهم لا وحگ عمي الفحل
افني القصر وحدي ... عزم الوصي عندي
بسمي تصير الكوفه انا مسلم انا
الشاعر اياد الديراوي
قصيدة رقم 7
الليله السادسه
مسلم بن عقيل
القصيده الثانيه وهذي القصيده اخترنا أن يكون موضوعها مختلف نوعا ما .
لان اغلب خدمة الحسين عليه السلام يتحدثون عن شجاعة مسلم .عن غربة مسلم . عن المواقف الصعبة التي عاشها . ولا نرى من يتحدث عن جوده وكرمه وأنه باب من أبواب الله تعالى سيما وهو سليل الدوحة الهاشميه
..............................................
رحمه وابهيئة بشر ..اسمه بالكون انتشر
هذا ابو حميده
اليدگ بابه ابعسر .. لاهله يرجع باليسر
هذا ابو حميده
________
سيدي اليوم اعتنيتك والدمع يتلاله
ارد اواسيك اواعزّي السبط واعياله
گلبي ودّاني الحضرتك والحزن مرساله
گلّي يم مسلم تلاگلي كل محمد وآله
تلگه فاطم وي علي ..الحزن بيهم جلي
شاحب الصميده
والذي اعليهم يمر ..لاهله يرجع باليسر
هذا ابو حميده
________
أن بعد العسرِ يسرٱ بالصحن اقراها
وادري باليسرٱ يمسلم يمنتك معناها
اشلون مامد ايدي واعرف انت تتلگاها
ه‍يچ انت ايدك كريمه جل من سواها
انت وحده امن النعم... الله بيك اعلينه عم
چا شنو النريده
ماترد ابأي عذر ..لاهله يرجع باليسر
هذا ابو حميده
________
ياغريب الكوفه اجيتك معتني بهمومي
الحاجه يم غيرك احسها توگف ابّلعومي
ما امد الغيرك ايدي لو ابيع اهدومي
يلي تشبه جود حيدر عاين اعله ارسومي
گاضي عمري بالدمع ..لابن عمك والضلع
والبقت وحيده
والمشت فوگ الجمر ..لاهله يرجع باليسر
هذا ابو حميده
________
سيدي ابدمعة حميده هالبقت ملهوفه
لاتشوف اوياها ابوها ولا حسين اتشوفه
ولا ابو فاضل شبگها امگطعات اچفوفه
امحلفك لخاطر جفنها واشكثر بي خوفه
كون تتوسط الي ..يم الحسين الولي
ايعدني من عبيده
گله يرجوك اشكثر..لاهله يرجع باليسر
هذا ابو حميده
________
ياسفير احزاني كلّش هالامر شاغلني
الليل يشهدلي السهرته واستمع كل وني
آنه غير حسين شملك ياهو اليعرفني
خاف اموت وماهو راضي عني وامزاعلني
مسلم ابدمعة هظم ..اطلب الموته ابلطم
هذا ما أريده
ابمجلسه اشمحله العمر ..لاهله يرجع باليسر
هذا ابو حميده
________
خل اعيش اسنيني خادم والملك ماريده
بس اريدن يمه أصبح محبس ابچف ايده
مسلم وهذا رجائي والطلب مازيده
وانت گضّاي الكلايف هذي ماهي اجديده
سيدي وكلّي امل ..عني يرضه وانقبل ..
گلبي هذا عيده
وبعد لا عيد انتظر..لاهله يرجع باليسر
هذا ابو حميده
________
ابو فاطمة الطائي
قصيدة رقم 8
مسلم زعل ..زعلة علي خير العمل ..مسلم زعل
بالكوفه صوته ناده ... حي على الشهاده
من ارتجل ...من ارتجل
******************
حي على خير العمل صاح وبرز
لا فارس ولا سيف منه ما عجز
حتى الهوى البالكون من صوته احتجز
قصر الامارة اهتز لمن صال ورجز
لمن حمل... رد حيدره ذاك الفحل ...لمن حمل
صولة علي وجهاده ...حي على الشهاده
من ارتجل ...من ارتجل
****************
يشبه زعل عمه الصميده من يهد
شايل حجر سجيل سيفه ومستعد
نازل اعله اهل الفيل بالحومه يشد
بسم الله والكرار كر روس الحشد
ما ينحمل ...بالكوفه لو جدمه نزل ... ماينحمل
بالهمه والاراده ... حي على الشهاده
من ارتجل ... من ارتجل
****************
سورة براءة من نزل للمعركه
بلا بسملة والسيف صار يحركه
يتنكة بس شجعان روس المشركه
ما قبل ملج الموت لمن شاركه
لا ما قبل ... عزريل من يمه انعزل ... لا ما قبل
بأيد نطه القياده ... حي على الشهاده
من ارتجل .. من ارتجل
*******************
هذا سفير حسين ابن سيد العرب
لحسين ابن عمه ولجل دينه غضب
چانت رسالة سیده وبیها خطب
قد جِأتَكُم بِالوَعدِ يا أهلَ الكُتب
ياهل الجهل .. مرسول ابن عمه الوصل ..ياهل الجهل
قد جاء بالسعاده ... حي على الشهاده
من ارتجل .. من ارتجل
********************
خنتوا وعدکم والکتب صاح السفیر
امن زمان ما عدکم وفه وماکو ضمیر
بعتوا الضماير من علي چان الأمير
وهاي الخيانه مو جديده امن الغدير
سر الحصل .. يوم الغدير اهوه الاصل ..سر الحصل
وهاي الخيانه عاده ... حي على الشهاده
من ارتجل .. من ارتجل
*******************
لوما غدرهم بيه مسلم ما وگع
وهاي الخيانه ابدمهم وصارت طبع
چا خله قصر الکوفه بدماهم شبع
رغم الغدر ما گصر وبیهم صنع
صار الأجل .. وسفه یچتفوه بحبل .. صار الأجل
لكن حصل مراده ... حي على الشهاده
من ارتجل .. من ارتجل
*******************
يا باب الحوائج مولاي مسلم ابن عقيل عليك وعلى ابيك والك السلام ..
خادمك المقصر
علاء الجابري
قصيدة رقم 9
من على قصر الأماره سلم بصوت الغياره
السلام عليك ياحبيبي ياحسين
.........................................
شال أيده وصاح مسلم والدمع صوت الحنين
السلام ياأمامي ياحبيبي ياحسين
أدري راح اترد سلامي وتسمع أصوات الأنين
واعرف اتشاهد مقامي وتسمع جروح الحزين
رافع اجفوفي بسلامي أوفيت ياأمامي
السلام عليك ياحبيبي ياحسين
.......................
ياصلاة ادموعي أنته ودعوتي بصوت النحيب
فدوه عمري لدمعه منك ياامام لكل غريب
سيدي صاحت جروحي مالي غيرك يالحبيب
كون اشوفك كبل موتي وكلبي يهده من اللهيب
راح اروح ويه المنيه فدوه الك يبن الزجيه
السلام عليك ياحبيبي ياحسين
.........................
راح اقدملك حياتي ولك من عندي السلام
سيدي كل ذكرياتي بحضرتك يبن الكرام
انه عندي حسين واحد ليه محبوب او أمام
شنهو طعم السيف هين للمشه بدرب الغرام
لوطحت والدم خضيبي أبتسملك ياحبيبي
السلام عليك ياحبيبي ياحسين
........................
رتلت بحروف أسمك وانه بالغربه اوجريح
وانه قرآني حروفك أقره باسمك من اطيح
جنت أدعي وياك موتي وأستلذ لاجلك ذبيح
وجنت بالشده ارفع ايدي وباسمك الطاهر أصيح
امنيتي اطب الغاضريه ولوطحت تقره عليه
السلام عليك ياحبيبي ياحسين
...........................
امنيتي يابو سكينه أحضر يمك بيوم الطفوف
سيدي اومولاي لاجلك محله ضربات السيوف
امنيتي من كبل ابوفاضل سيدي انطيك الجفوف
وهم تدوس الخيل صدري وزينب اكبالي تشوف
وتمسح بأيدك جبيني وبيك مايهتز يقيني
السلام عليك ياحبيبي ياحسين
...........................
ما أريد اوكع واموتن رايد اصعد عالرماح
وكون اتكطع يغالي وتسرح ابجسمي الصفاح
وترسم احروفك دمائي وباسمك اتصيح الجراح
واعتذرلك ياحبيبي ومنك اترجه السماح
خلهه تاخذني السهام واحترك وسط الخيام
السلام عليك ياحبيبي ياحسين
.....................................
علي صابر السراي
نسألكم الدعاء
قصيدة رقم 10
طــوعه ... هـل حــره ماننسـاهه
طــوعه ... خالــد يظل ذكــراهه
طــوعه ... عالحق ثبت مسراهه
...............................
طوعه وكَفت ويه مسلم وكَفـت الأبطال
شافته أوحيـد وغريب وما وراه ارجال
ظلت ابغيرتــهه واللــه تضرب الامثال
شامخه الحره العفيفه جن شموخ اجبال
هيبـــــه ... عدهــه وابد منهارت
هيبـــــه ... بيهه الرجال احتارت
هيبــــه ... محــد كَــدر يدنـــاهه
..............................
الكوفه عافت مسلم وظل وحـده ومحتار
لاعمــام ولا كَـــرابه بيهـه حل خطــــار
طـــوعه صارتله عشيـره وفتحتله الـدار
سئلته وكَلهه آنه مسلم عمي حامي الجار
ناحـــت ... من شافته ابهل حيره
ناحـــت ... وعلـيه خذتهه الغيره
ناحـــت ... من حاجته وحاجاهه
........................
بالشجـــاعه والبطــــوله ثبتـت عنــــوان
صارت الكل الحـــراير مدرســــة ايمان
طوعه وكَفتهه شريفه وخيرة النســوان
نصرت حسين ورسوله اتحدت العـدوان
نـــادت .. هيهات اعوف احسيني
نـــادت .. للمـــوت اعيش ابديني
نـــادت .. مسلم ينادي اويـــــاهه
..............................
واللـه حد هاليوم ظلت تحجـي عنهه الناس
بالحشر وي الزجيه طـــوعه رفعت راس
اتسجلت وي العقيلـه وفاطمـــــه ام عباس
ثبتت موقف عظيم اوتنوصـــــــف نبراس
جـــانت... خيرة نساء الكوفه
جـــانت.. بم الكــــرم معروفه
جـــانت.. لاماتهاب اعــــداهه
..............................
واكَفه اتشجــــع ابمسلم تهتف ابهالصـــــوت
عيد ضـربات الصميده الخطف عمر الحوت
أعلنت حب الحســــين ابوجـه كل طاغــوت
بايعت مسلـــم تكَله اويـــاك حـــــــد المـوت
عاشت... بين الملا مهيــــوبه
عاشت... من الحزن مصيوبه
عاشت... متألمه المـــــولاهه
...........................
الخادم
كامل السعيدي
مبدعين موفقين ان شاء الله
ردحذف