قصيدة رقم واحد 1
مقدمهراحلين راحلين راحلين الكربله
*
جان كل ودي ورجائي انه اروح وياكم
والله مو حلوه بلساني سالفة فركاكم
خل اروح ويه الضعينه ياهلي اترجاكم
مستحيل اتمرني لحظه اغفه لو انساكم
خل اروح خل اروح حالي حال العايله
*
وين يوميه اكولن انه بين اخواني
انه وعبدالله انتناغه واحد ويه الثاني
طفله مو مالت بواجي والزمن بجاني
والاعز من روحي شفته سافر وخلاني
ياحسين ياحسين انه غير مدلله!!
*
شلون اكضي ايام عمري والمن اشكي اهاتي
سافرو عني عمامي واخوتي وعماتي
اليله ماكو جفوف يمي وتنمسح دمعاتي
بس ذكرهم باقي عندي وخلصن جلماتي
والعيون والعيون من بعدهم سايله
*
كون اروحن هسه يمهم كون اقبل الرايه
وارد اعاتبهم وكلهم عندي بس احجايه
ليش عفتوني وضعنكم بيه مكان هوايه!!
وكونها محمله الهوادج جارحت مشايه
ع الاجدام ع الاجدام امشي وي القافله
*
عمتي زينب وين هسه لياكتر منواها
من عمت عين اليالي الفاركتني وياها
ياهي سكنه! لو رقيه اكدر انه انساها
الوداع يكلي موتني هذا بس معناها
باالنحيب باالنحيب والدمع بيتي امتله
*
سعد العبودي
قصيدة رقم 2
رئيسية
روحي مختنكه واريد اشتم هوه
وحشه هاي الدار مو كلبي ستوه
طال ليل الانتظار اشتعل ليل ونهار
وحشه هاي الدار مو كلبي ستوه
ـــــــــــــــــــــــــــــــــــــــــــــــــــــــ
صعبه حيل وياي لحظات السفر
والـجـرح مـعـكود بعيون السهر
غـيمـت دنياي بس هــم وقــهـر
بويه ابشرك راح من عيني النضر
بيه ماعندك علم حلم ويفزز حلم
عيوني وجروحي تره ينزفن سوه
ـــــــــــــــــــــــــــــــــــــــــــــــــــــــــــــ
حـلـوه جـانـت عـيشتي بنـص الاهل
هــسه انــام الــيـل وبـعـيـني زعـــل
عـلـى فــراش الـمـوت يتلاوه الاجـل
بـاقي هـسه ويـاي خـيط مـن الامـل
ليل مايرضه بصبح قهر مذبوحه ذبح
بـعـد مـا يــرهـم عــلاج ولا دوه
ــــــــــــــــــــــــــــــــــــــــــــــــ
شلون كلي وياك ياليل الطويل
حــلم مايشبه حــلم لا مستحيل
فزن جروح الصبح كافي يليل
خلصن ايام العمر مـدمع يسيل
عين عطشانه دمع وعين حيرها الوضع
فـززتني احـلام مــا بيها ضوه
ــــــــــــــــــــــــــــــــــــــــــــــــــــــــــ
كافي مليت الصبر كافي يروح
يـرجـف الـدلال لــو كلبي ينوح
يـم ابــوي بـكربلاء اتمنه اروح
حتى اشوفه الصار ويشوف الجروح
يمته يابوي تجون شيبت راس الضنون
من جمر فركاك دلالي انجوه
ـــــــــــــــــــــــــــــــــــــــــــــــــــــــــــــ
هــا يكلـبي شبيك مـا تصبر بعد
هذه وعدي وياك ونشوف الوعد
شـلون بيه الـجرح لــو فـز وكعد
والـجـرح ملـجوم بيه مــن المهد
عله بيه من الزغر حيج خلصت العمر
عثر بيه المرض بفراشي التوه
ـــــــــــــــــــــــــــــــــــــــــــــــــــــــــ
الشاعرالحسيني
ابوفزع الحلفي
https://telegram.me/ahmed_alziwar
قصيدة رقم 3
قصيدة نزلة ... في رثاء فاطمة العليلة عليها السلام
ضوه العين .. رحت وين .. بويه لا تنساني
صـحــت آه .. وويـــــلاه .. والمـرض اذّاني
________
عايف گلبي مجــروح
بويه ودمعي مسفوح. وتـنـطّــر تجينـي
اسهـر ليـلي ما نـام
بويه لوجهك احتام. مر طيف عله عيني
يحسين بويه مشتاگ
گلبـي ونـار الفـــــراگ تچويني بحنيني
بالوداع .. عُمر ضاع .. والهجر بچّاني
صحت آه .. وويلاه .. والمرض اذّاني
________
طفله ودمعي سچاب
ماخـذ كل الاحبــــاب. عايفني بمكاني
عـمّـاتـي وخـواتـي
چـانـن كل حيـاتـي. ابعدهن زماني
بدارك ابقه چا ليش
بعدك تدري ما عيش. ما اصبر ثواني
ترحلـــون .. تغيبون .. ما تعاود ثاني
صحت آه .. وويلاه .. والمرض اذّاني
_________
اقره الفاتحة هواي
تسهيـل امـرك بهاي. ترجعلي بسلامه
ادعي وابچي ظلّيت
مظلم بـعـدك البيـت. كاتلني بظلامه
مارد كل خبر ليش
اصبر وقتنـع بيش ؟ ما وصلت علامه
تمنّيت .. ولا جيت .. گلّي من يرعاني
صحت آه .. وويلاه .. والمرض اذّاني
___________
خايف گلبي ملچوم
عيني عالدرب دوم. اتنـطّـر قدومك
بلكن سالم تـعـود
افرش دارك ورود. اتحضّر لَيومك
ادعي بدمعة العين
يارب رجّـع حسين. تسلم من خصومك
اتـانيـــك .. وحاچيك .. والدي شمتاني
صحت آه .. وويـــلاه .. والمرض اذّاني
____________
خوفي لكربله تروح
تـوگـع بيــها مذبوح. بسيوف آل اميّه
راسك يبقه مرفـوع
نحرك بويه مگطوع. تنزف عالوطيّـه
وزينب تمشي للشام
هـيّ وكـل الايتــــام. عالهـزّل سبيّـه
صدگ صار .. والاخبار .. ذبحتك عدواني
صـحـت آه .. وويــلاه .. والمرض اذّاني
لحن ملا عمار الكناني / الزغار والكبار
سيد زيد الفحام
______________________________________
https://telegram.me/ahmed_alziwar
قصيدة رقم 4
نزله
........
يلي نويت اعله السفر تانيني
وياك اروحن فــدوه لتخليني
ــــــــــــــــــــــــــــــــــــــــــــــــ
سهرانه لخيوط الصبح بس القهر يبرالي
احسبها اموت الوحدي بالبيت انه وحالي
صارت صدك شالو هلي وفراشهم ضل خالي
ماتن عيوني من البجي ودري الدهر للتالي
من القهر طلعتلي شيبه بعيني
وياك اروحن فــــدوه لتخليني
ـــــــــــــــــــــــــــــــــــــــــــــــــــــ
ازرع قهر وحصد قهر والجمرة بين ضلوعي
اليل لــو خلص بجي ياهو الينشف ادموعي
وين الفهمني بوحدتي وين الفهم موضوعي
حتى الحلم ناكص حلم بيده يطفي شموعي
تاخذني صفنه يمك توديني
وياك اروحن فدوه لتخليني
ـــــــــــــــــــــــــــــــــــــــــــــــــــــــ
اتغطه بجروح الزمن ينزف جرح بحلامي
طيره انه مكسوره جنح مابيه اشيل اجدامي
مشتاكتلكم ياهلي بس الصور كدامي
يتعثر بشفتي الحجي شالو هلي وعمامي
مكسور كلبي والقهر ياذيني
وياك اروحن فدوه لتخليني
ــــــــــــــــــــــــــــــــــــــــــــــــــــــــــــ
اتنفس بشهكت حزن مرسومه بين انفاسي
مختنكه من ضيم الدهر دمعه وتمر بحساسي
ياليل مو طال السفر ماضن اشوفن ناسي
ترضاهه بالله ياوكت طفله ويشيب راسي
هد حيلي بويه الضيم لو تدريني
وياك اخذني فدوه لتخليني
ــــــــــــــــــــــــــــــــــــــــــــــــــــــــــ
ابوفزع الحلفي
https://telegram.me/ahmed_alziwar
رئيسية
قصيدة رقم 5
قصيده للعليله ع سلام
شالو كل هلي ... محد ضل الي
مو مثل البنات ... عشت بهالحياة
احضر ياعلي
ــــــــــــــــــــــــــــــــــــــــــــــــــ
احلامك يليل ... صارت مستحيل ... من طال السفر
عشت الذكريات ... وايام الحياة ... بس ضيم وقهر
وين اهلج يدار ... شيخلص النهار ... واليوم بشهر
اصبر لو انوح ... لو خيط الجروح ... لو احمل سهر
هاي الصوره هاي ... وجروحي الوراي
لحسين الولي
ــــــــــــــــــــــــــــــــــــــــــــــــــــــــ
مـا اكـدر اكـوم ... كسرني الهـموم ... اصبر ياصبر
دمعـاتج يعين ... سكته بـــلا ونين ... خلصتي العمر
صار بكلبي شيب ... يحسين الحبيب ... جندوب انتظر
حيرني الزمان ... وحدي بهالمكان ... نار اعله الجمر
نار بكلبي نار ... وين اهلج يدار
والهم معتلي
ــــــــــــــــــــــــــــــــــــــــــــــــــــــــــــــ
ياطير الحمام ... وصللهم سلام ... واشرح حالتي
ايـام الصعـاب ... ياليل الـعـذاب ... هـمي ودمعتي
يحسين انته وين ... مابطل الونين ... تشهد دنيتي
مكتوبتلي هاي ... يبقى الهم وراي ... ابقه بوحدتي
شكد جرحج جبير ... دنيا بلا ضمير
مكتوبه ابتلي
ــــــــــــــــــــــــــــــــــــــــــــــــــــــــــــــــــــــ
صفـناتك يلـيل ... مابيه انـه حــيل ... غــركت الجـفـن
دمعه وبيها شيب ... متبطل النحيب ... مرسومه بحزن
محتركه وانوح ... وتلجمني الجروح ... يوميه انه اون
يحسين انته وين ... ياشوك السنين ... تـرجع ما اضن
وين الله ويجون ... ونساها الضنون
غير اهلي شئلي
ــــــــــــــــــــــــــــــــــــــــــــــــــــــــــــ
الشاعرالحسيني
ابوفزع الحلفي
https://telegram.me/ahmed_alziwar
قصيدة رقم 2
رئيسية
روحي مختنكه واريد اشتم هوه
وحشه هاي الدار مو كلبي ستوه
طال ليل الانتظار اشتعل ليل ونهار
وحشه هاي الدار مو كلبي ستوه
ـــــــــــــــــــــــــــــــــــــــــــــــــــــــ
صعبه حيل وياي لحظات السفر
والـجـرح مـعـكود بعيون السهر
غـيمـت دنياي بس هــم وقــهـر
بويه ابشرك راح من عيني النضر
بيه ماعندك علم حلم ويفزز حلم
عيوني وجروحي تره ينزفن سوه
ـــــــــــــــــــــــــــــــــــــــــــــــــــــــــــــ
حـلـوه جـانـت عـيشتي بنـص الاهل
هــسه انــام الــيـل وبـعـيـني زعـــل
عـلـى فــراش الـمـوت يتلاوه الاجـل
بـاقي هـسه ويـاي خـيط مـن الامـل
ليل مايرضه بصبح قهر مذبوحه ذبح
بـعـد مـا يــرهـم عــلاج ولا دوه
ــــــــــــــــــــــــــــــــــــــــــــــــ
شلون كلي وياك ياليل الطويل
حــلم مايشبه حــلم لا مستحيل
فزن جروح الصبح كافي يليل
خلصن ايام العمر مـدمع يسيل
عين عطشانه دمع وعين حيرها الوضع
فـززتني احـلام مــا بيها ضوه
ــــــــــــــــــــــــــــــــــــــــــــــــــــــــــ
كافي مليت الصبر كافي يروح
يـرجـف الـدلال لــو كلبي ينوح
يـم ابــوي بـكربلاء اتمنه اروح
حتى اشوفه الصار ويشوف الجروح
يمته يابوي تجون شيبت راس الضنون
من جمر فركاك دلالي انجوه
ـــــــــــــــــــــــــــــــــــــــــــــــــــــــــــــ
هــا يكلـبي شبيك مـا تصبر بعد
هذه وعدي وياك ونشوف الوعد
شـلون بيه الـجرح لــو فـز وكعد
والـجـرح ملـجوم بيه مــن المهد
عله بيه من الزغر حيج خلصت العمر
عثر بيه المرض بفراشي التوه
ـــــــــــــــــــــــــــــــــــــــــــــــــــــــــ
الشاعرالحسيني
ابوفزع الحلفي
https://telegram.me/ahmed_alziwar
قصيدة رقم 6
رئيسية
يالماخذ احلامي. ومخلّي آلامي
ياوالدي يحسين. جاوبني رايح وين
يالماحذ احلامي 2
____________
يالناوي ترحل بالاهل عايفني طفله بلا امل
ياوالدي ليش
لا عم بقه ولاظل اخو. طبع العليله بلا أبو
ما تگدر تعيش
لتگلّي صبري ياصبر. گلبي بغيابك ينفطر
اصبر بعد بيش
اصبر وداوي ياجرح. عايفني طير بلا جنح
طير بطرگ ريش
ناوي السفر وتريد. روح العليله تهيد
تسئل دموع العين. جاوبني رايح وين
يالماخذ احلامي 2
____________
يابو الحنان الماله حد ما عـوّدتنـي تبتـعـد
كل يوم اشوفك
صدري ختنگ مابي هوه. گلبي شتعل نار انچوه
ما بيّه اعوفك
ياوالــدي عيـد النظر. خلّيني امشي بهالسفر
اعرف ظروفك
لا ينشغل بالك ابد. عالسفره اگدر ونّسعد
ما داعي خوفك
ارحل يبويه وياك ما احتمل فرگاك
يالماخذ الطيبين. جاوبني رايح وين
يالماخذ احلامي 2
_____________
ويّاك اخذني مـروّتـك. معقوله تترك طفلتك
بدارك خلّيه
ماريد اعذبك والدي. منهو اليظل بعدك الي
باوع عليّه
محلاته ويّاك السفر. ما اشعر بضيم وخطر
ايدك بديّـه
آلامي تشفه بشوفتك. تنعش حياتي بسمتك
يالتدري بيّه
يابويه وعيونك. ما اصبر بدونك
دمعاتي عالخدين. جاوبني رايح وين
يالماخذ احلامي 2
_____________
ياما نخيتك ايّست. تتركني بويه قررت
عني تسافر
خلّيلي عبدالله الطفل. بلكي بوجوده انشغل
يملي المشاعر
تتركني وتسافر رحت. ياوالدي الغالي صحت
مكسوره خاطر
من بعدك ابقه بياوضع. لاشك يبويه من الدمع
تعمه النواظر
تجرحني آهاتي. وتچويني دمعاتي
تشبگني بالچفين. جاوبني رايح وين
يالماخذ احلامي 2
______________
ظعنك مشه وحيلي وگع. وعيوني غرگت بالدمع
يالفارگتني
ماخذ خواتي وكل هلي. عايفني طفله بلا ولي
عدمن عفتني
مو بيدي امنع وعترض. للهم عفتني وللمرض
ريتك شفتني
طَوّل غيابك يالغبت. سهرانه ليلي ومانمت
يالحيّـرتنـي
حس گلبي وتألّم ما ترجع اتيتّم
لتگلّي لا تبچين. جاوبني رايح وين
يالماخذ احلامي 2
سيد زيد الفحام
_______________________________
قصيدة رقم 7
نزلة
(العليله) ع
عليله اشلون بويه طال الغياب
*
عليله ونوح بويه واصـــبر اشلون
على اللجمات تذرف تبجي العيون
كتلني الضــــــــــيم بويه ماتردون
دموعـي اتفور دوم امناطره الباب
دموعي اتفور وألطم بويه عالراس
انه ابكل مغربيــــه اضيك الأنفاس
علي الاكبر نساني وعمـــي عباس
خافنكم نســــــــــــيتوني يالأحباب
*
خافنكم نسيتو التنــــــــــــعه بالدار
منتظره اعله جمره تلفــي الأخبار
وبكَلبي تشـــــــــــــب وتلتهب نار
على البيبان اكتب جلمــــة اعتاب
على البيبان دوم امســـاهره العـــــين
لساني ايصيح يلهــج بويه يحســـين
ادك عالهام واصفــج بــــس بالإدين
ذهيلة راي وانعه و دمعــــي سجاب
****
ذهيلة راي وانعه بعــــــــــبرة النوح
واتصور مواجع لجمــــــــة وجروح
جن قـرآن فوك الغــــــــبره مذبــوح
شنهو الصار مدري وشنهي الأسباب
****
شنهو الصار ليش اتكت الدمــــوع
جن عطشان جبدي وكَلبي مفجوع
ليش ابالي جن طفـــــوهه الشموع
وبنيران جن محـــــروكَه الأطناب
****
وبنيران تلهـــــــــــــب نار الخيام
واسمع آه من صـــــرخات الأيتام
اسم الله احاه ياهــــو العالرمل نام
اسم الله احاه شو حتى الكَلب ذاب
****
أبو علي الركابي
https://telegram.me/ahmed_alziwar
قصيدة رقم 8
فاطمه العليله عليها السلام
لاتخلوني وياكم اخذوني
يجرح عيوني سفركم يجرح عيوني
..............
لاتخلوني اضل بهذا حالي
لون رحتو تخيم اعليه الليالي
ويضل وسط العين بس دمعي يلالي
فاطمه انه العليله يالغوالي
امشي وياكم صعبه انساكم
بويه فركاكم اذيه يجرح عيوني
...............
اني بعيوني شفت بويه خواتي
للسفر يتحضرن واني امنياتي
وياكم امشي بغيركم شلي بحياتي
وهم مثلهن حضرت روحي وعباتي
اني متحضره وخبر منتضره
ابقه منكسره وهجركم يجرح عيوني
.................
وين اروحن من بعدكم يالحبايب
گلبي مايتحمل افراك ومصايب
يعني اذا ما امشي اضلن للنوايب
من بعدكم بويه نور البيت غايب
منهو يسمعني لوكثر وني
لاتحيرني و وداعك يجرح عيوني
...............
من يمرني الليل ما اكدر انامه
گلبي خايف ماتردون بسلامه
راح احوم بغيبتك مثل الحمامه
وهل زمن يابويه ماترحم سّهامه
يعني اضل وحدي ودمعتي بخدي
بالهضم ابدي وحزنكم يجرح عيوني
................
من بعدكم بويه مااحمل غربتي
خايفه ايطول السفر وبقه بحسرتي
روحو بويه وراح اضل اني بهضمتي
وانتضر جفك يجي اينشف دمعتي
عايشه ايامي ونته كدامي
ماتت احلامي ورحيلك يجرح عيوني
.................
كلشي ماضل عندي بالدنيه امن اهلنه
بويه تمشي وتاخذ وياك المحنه
گلبي بغيابك فلا واحد يئمنه
بعد هيهات الوكت يجمع شملنه
من تجي اخبارك انجوي بنارك
ماترد دارك وذكرك يجرح عيوني
محمد هادي العقابي
قصيدة رقم 9
نزله
عن لسان حال طفلة الحسين السيده فاطمه العليله عليها السلام
....................
طفله وشتاقت لبوها أهوايه
كبل ميصير العزا أمعزايه
.....................
أبدار وحشه أوخاليه من الأهل
تذرف الدمعات والموقف جلل
عنهه هذا اليوم والدها رحل
والحزن وسط الكلب سلايه
...................
فوك علتهه العلل لزمن سره
أوبلحزن هليوم صارت تاجره
أبراح صكت راح والمدمع جره
أوما لكت لجل الحزن شرايه
................
فاطمه الطفله العليله أبيا علي
تندب أوسيل المدامع ينتلي
اليوم يابو حسين عافوني هلي
أوراحو الديرة غرب مولايه
.................
الكربله أم البله اليوم الضعن
حمل أودلالي بلهم أمتحن
ريت ميته أوبيه مادار الزمن
أهواي مشتاقه لبوي أهوايه
.................
عيني تربي علدرب من الفجر
أفرش أمصلايتي أودمعي يدر
كلبي لازمته خفت من الشمر
أبيوم عاشورا ينفذ غايه
..................
أضغاث أحلامي علي زادن بله
اوهدمتلي الحيل سفرة كربله
خوفي كل أعزاز كلبي أمرمله
أجسادهه تصفه أوبحر دمايه
..................
أهنا كعدنه أهنا تسامرنه سوه
ذكريات البيهه دلالي أنجوه
وين الله أوكون شيال اللوا
للمدينه أترف بدينه الرايه
...................
أحساس غير أحساس ليل البارحه
ياكل أبدلالي ويظل جارحه
فاطمه أعله حسين نصبي الفاتحه
جدتج فاطم تريد أقرايه
..................
خادم أهل البيت
الشاعر : أسماعيل الجوراني
الخميس : 6/9/2018
قصيدة رقم 10
في ليلة العليلة (ع)
العليلة تخاطب أباها الحسين (ع)
يالعايف ابدار الهجر عليله
اغيابك حِسَبْته ابدمعي ليله ليله
بعدك أحِس مات الضُوه
يالماخِذ اوياك الهَوَه
& & & & &
هذا كلبي ابروحتك بويه جرحته
والفرح بسيوف هجرانك ذِبَحْته
دمعي عالخدين يجري اوما مسحته
ما خَذِتني بس عليل اوياك اَخذته
ليش العليله ابمنزلك عِفِتها ؟!
اوهذا العليل اوسكنه هم خَذِتها ؟!
جَرْح الهجر ماله دُوَه
يالماخِذ اوياك الهَوَه
& & & & &
من مشيتوا اكليبي ظل ينحب وراكم
بويه والدمعات خنكتني ابجفاكم
أركض اعله الباب منَّ اَشْتَم هواكم
الدنيه ما تسوه أعيشنها بلاكم
ازغيره اوعليه هجمت المصيبه
اولنك وطن بعدك أظل غريبه
من زغري دلالي انجُوَه
يالماخِذ اوياك الهَوَه
& & & & &
دللتني اويتّمت بيدك دَلالي
بعدك اَنذَل وآنه بنت الراسه عالي
كل فرد عن عينه غايب مثلي غالي
حكه لو بس ابدمع يكضي الليالي
الـ عنِّ النظر غاب اوبِعَد حبيبه
خِلّه يصير ابكل وَكِت نحيبه
صوت الكلب بالهم دُوه
يالماخِذ اوياك الهَوَه
& & & & &
جرحي فَزْ من نومته اوفزَّز دَمِعْتي
اهوايه مشتاكه يبويه اَسمعها (بنتي)
يا بو لكبر ليش ما ترحم غُرُبْتي ؟!
فوكـ تل من حسرتي طالت وَكُفْتي
آه اشكثر شافت هظيمه روحي
من زغري أهداني الزمن جروحي
منِّ الحزن عمري ارتُوَه
يالماخِذ اوياك الهَوَه
& & & & &
كُمْت اَعاين عالنجوم اوكلبي ذايب شفْت اَنا اكبالي صوركم يالحبايب
جَنّي اَشوفك بويه طايح عالترايب اوعمْتي زينب صارت اتنام ابخرايب
منحر طفل مكطوع صرْت اَشوفه
اوعمّي على الشاطي هِوَت جُفوفه
اوفوكـ النهر طاح اللِّوَه
يالماخِذ اوياك الهَوَه
& & & & &
بويه بحساسي شفتها الغاضريه
جنها تسحكـ صدرك اخيول آل اميه
اوتنضرب بالسوط جنّ اختي رقيه والشمر كل ساعه يشتم بالزجيه
ريتك يبويه اويه الظعن خَذِتني
حتى السياط اتطيحن اعله متني
معْ زينب أتيَسّر سِوَه
يالماخِذ اوياك الهَوَه
& & & & &
خادم العليلة (ع) : إبراهيم الدريس
احسنتم في ميزان اعمالكم
ردحذف