قصيدة رقم 1
تعيش بكل مَنابرنَه الحُــــسينيّهالزَمَن ما ينسَه نَبـرتـنـَه التراثيّه
الـ بالخدمه يجاهِد
طــول الزَمن خـالِد
___________
اتْماشَت وي انفاسنَه الوَنّه الــجميله
وَنّه مَــــملوحَه حُـــــسينيّه و أصيله
لو ضِمه گَلب المنابر صاحت گــلوب
أحنَه غــّـير حسـين ما عدنه وسيلَه
سِرّ الخِدمَه بالفِطرَه اكتِشفْ رَمــزَه
حسين شگد يحــبك والله يا حمزَه
وحـُبّك لَجــله زايد
طــول الزَمن خـالِد
___________
حِـزِن زينــب خيمة الخدمه بعزائي
تضيع شوغة روحي في عالم بكائي
منْ تحِن روحي وتِدَور فاطمه وين
أستِمِع لـ الشـــــيخ هادي الكربلائي
مِنْ ايصيح نـوحي فاطمه نوحي
بنار خيام زينـــب تحترِگ روحي
بالطَـــف چَنّه گاعد
طــول الزَمن خـالِد
___________
اليعطَشْ الدمعه تِدوِّر حِـزِن عيــنه
من يجي عاشور يستيقض ونيــنه
بجِنِح دُخان الخيم لـ النجف يرحَل
يسمَع لـ عبد الرضا رِحنَه بظـــعينه
يرسم صوره واعله العَـين معــكوسه
صَدر حسين شِمر الخَنَه امنْ ايدوسه
وبكل القـــــــصايد
طــول الزَمن خـالِد
___________
كون ما نِـنـسه التــُراث و ما نِخسرَه
الماضي ويّه الحاضر انرجعله عِشرَه
الكـــــاظمــي ملا حـسن لِيلو نسمعه
ومن يوِن مُلا وطَن تحـــضَر الزهره
ينـقُل كــــربله بأهـاته نتـــــصوّر
من يقراله گعديّه بصحَن حــيدر
اليـنعَه الزهره رايد
طــول الزَمن خـالِد
___________
شُعراء الخدمه تبقه ابْمَر الـــــدهور
مسَجِلَه أَســـــــمائهُم بكتاب عاشور
عَبد الحسين الشرِع و المُرشِد وياه
و مَــفخرَة كل كربله كاظُم المنظور
علي الموسوي الشاعر والشِعِر ناداه
الما ينسه الحسين حسين ما ينساه
اليـــخلِصلَه نشاهِد
طــول الزَمن خـالِد
___________
هذه تــاريخ ونِحافظ وِجَبْ لـ اسمُه
املوحَة المجلس تُراثي يكون طَعمَه
خالدين وكل حُسيني اسمَه تِسَجَــّل
دولَة الدمـعه الجَـــناسِي بيهه لَـطمه
بالخَدمه اليمـوت ومن يســـألونَه
في جَنْة الــــعوابِس بيتَي تلگونه
عابــــس لَيّه شاهِد
طــول الزَمن خـالِد
الشاعر حاتم صبري الكاظمي
قصيدة رقم 2
انا ذنـوبـي جثيرات ويأذني
عشرة ايام بمحرم يخلصني
****
عشرة ايـام انـوحـن واهمل العبره
ابـد ما انـسـه ابـنـج والله يالزهره
اليريد الشفاعه خـل يـطـك صدره
يجي زنجيله بيده ويضرب بظهره
الـخـادم لـو خـدمـكم ينتظر اجره
وانا بـيـوم الـقـيامـه انتـظـر نظره
................
انا هموم الليالي ما يعوفني
عشرة ايام بمحرم يخلصني
****
عشرة ايـام لـحـظـه ما اضـيـعـهه
عيوني اعله الغريب يسيل مدمعهه
آ يحسين باذنـي حـيـن الاسـمعهه
روحي تموت احسهه وآنه اشيعهه
حبهم ﭼن حليبه من امي راضعهه
هدوم السـود امـوتـن يـلا انزعهه
................
نعم ذنّي الليالي اللي يفيدني
عشرة ايام بمحرم يخلصني
****
عشرة ايام ذنّـي الـبـيـهـن آمـالـي
اعوفن كلشي بيهن واخدم الغالي
انه من اسمع الناعي يـنـوح دلالي
واگصـد للمـجـالس جايب اطفـالي
انه بكل ساعه احسن موتي يدنالي
باﭼر من امـوت حـسـيـن يـبـرالي
...............
اموت وادري باجر هو يحضرني
عشرة ايام بمحرم يخلصني
****
عشرة ايام خادم واسمع الخدمه
اخدمه بخلق زين وصادق الجلمه
اليخدم كون يـحـذر مايـزعـل امّه
يباري الـوالـد ومـيـزيـد من هـمّه
نعمه حسين عندك واشكر النعمه
حسين لاجـل دينـك هالنزف دمّه
...............
ذنوب العندي خافن مايتركني
عشرة ايام بمحرم يخلصني
****
عشرة ايام واسمع هاي الحجايه
اخدم واتـرك اليحجـون شجّايه
اليكرهون الشعائر صارو هوايه
الگالو هذا يخدم من اجل غايه
گله اترك كلامك و استمع هايه
كونك زين اخدم واحمل الرايه
...............
انه الخادم اشوفه عد حسن ظني
عشرة ايام بمحرم يخلصني
****
عشرة ايام اخدم واهـمـل المدمع
حجي الكرهونه عوفه كلشي لاتسمع
علينه بـكـل مـحـرم عـادو المقطع
اليحجي اعله الشعائر گام يتصنع
گـلـه ارجـع لـربـي مـو الـك ارجع
ينفعني الحسـيـن وغـيـره ماينفع
..............
جلمات الشماته ما يهمني
عشرة ايام بمحرم يخلصني
****
سيد علي المدني
قصيدة رقم 3
أُوصي نفسي وإيّاكم بالإخلاص في خدمة الإمام الحسين عليه السلام
ياخــــــادم المنبـر ألتـزم زيـن
صفّي النيّة وي محبوبك حسين
ليّغـرّك مقامك.
وتزعّل امامـك.
صفّي النيّة وي محبوبك حسين
...............
يخادم انت محسوب عله ابوالاكبر
صفّي النيّة واخلص مو فقط مظهر
حسين يريـدك بهالخـدمـه ما تنغـر
اذا تـتـواضـع يحبّـك بـعــد اكثـر
من حمـزه الزغيّـر افهـم الدور
ليش بكل محرم صوته مذكور
أخّلص للتـحـبّـه
درب الخير دربه
صفّي النيّة وي محبوبك حسين
.................
حسين يدوّر اليخدم على النيّه
كـون الدمـعـة تطلـع وي نواعيّه
يوافـقـه بخـدمتـه ويتعلّه طاريّه
لـذلـك يالتخــــدمـه فـكّـر شويّه
يالتصـعـد المنبـر اشـكـر اللّه
حسين الوفّقَك للخدمه ويّاه
أخّلصله ويوفّقك
عالوادم يـرفـعـك
صفّي النيّة وي محبوبك حسين
.....................
ما يقبـل ريــــاء حسين بالخـدمـه
گلبه مجـرّح وبـالـك تجـي تلچمـه
حسين يـريـد خــادم يفهـم الكلمه
المهم ابيض گلب لا مو مهم اسمه
أَنّصح نفسي اوّل والتزم كون
خادم للخَدَم يقـبـلني ممنـون
وتگول الروايه
يعــلم بالنوايه
صفّي النيّة وي محبوبك حسين
.......................
المجـلس من يصير وينـعـقـــد ذكـره
وذا حضروا المجلس خمسه لو عشره
لا تـتـكـبّــر ومـاتـصــعــــد وتـقــــره
يـكـفـي بهـالمـجـالـس تحضـر الزهـره
اذا اسمك تكتبه الزهره ربحان
تـتـوفّـق اكيــد تعيـش سلطان
فـكّـر بالعـــواقـب
وحسينك يحاسب
صفّي النيّة وي محبوبك حسين
....................
واجــب تـشـكــر اللّـي لبّسـك تـاجـه
هـذا حسيـن بـاقـي وباقـي منـهــاجـه
ما مـحـتــاج واحـــد احنـه نحـتـاجـه
وشمـعـة خـدمـتـه ما تطـفـه وهّـاجـه
حسين يـمـيّـز ابّيـن اليخدمـون
وبين اللّي على الشهره يدوّرون
هنيــاله اليوافيـــه
واخلاصه اليزكّيـــه
صفّي النيّة وي محبوبك حسين
سيد زيد الفحام
_______________________
قصيدة رقم 4
القصيده السادسه
ما شفتك وعشكتك
بس عن وعي تبعتك
والما فهم احساسي كال شبيك مجنون
مستني املاك العشك بحسين مفتون
/////////////
الله ياطعم الهوى من يختلط بنفاسي
يا سيدي كلشي عفت بس انته شاغل راسي
مرات من كد الوله استطمع اب أحساسي
اشمحله درب امحبتك واعله اليبغضك قاسي
امن الزغر هويتك
وي النبض لكيتك
ابكل جمال االدنيا الگه منه مكنون
مستني املاك العشك بحسين مفتون
/////////////
هوه انه غيرك ماشفت وانته السكنت ا بالي
انه الوعيت اعله العمر واحسين كل احوالي
اسم الله من عين البشر خافن تمر بالغالي
اغفه اعله ترنيمة وفه وبكل حلم يبرالي
يا جوهري وكياني
دونك صفر تراني
ماجربوا دمعة سهر وعليه يحجون
مستني املاك العشك بحسين مفتون
/////////////
الما شايل اوسام اللطم من يافخر يتباهه
الما ينلچم گلبه ابمحب ما يفتهم معناهه
هاي العقيده ابچم نحر مو بالسهل جبناهه
من عالم الذر للحشر نحيه ونموت وياهه
لمن اطب عزائك
تسحرني اوليائك
انظر لروحي ويه الخدم كلش زغيرون
مستني املاك العشك بحسين مفتون
/////////////
كلشي ابمحبتك مرتبط والمو الك ماريده
ومالومن العاف البشر كلها وسكن بالبيده
عندي العمر من الخيم للكافل وگطع ايده
والموت اذا صاح الشمر زينب بقت وحيده
هذا اختصار سنيني
بس انته شفته بعيني
درسني عابس كربله بالخدمه مضمون
مستني املاك العشك بحسين مفتون
/////////////
ياسيدي عندي طلب وبكل امل انتظره
مخلص اصير وخدمتي مقبوله عد الزهره
وانه ادري بالخادم اذا يفني ابمحبتك عمره
روحه تظل بعد الاجل ويه حمام الحضره
افخر الك يغالي
بالخدمه تاجي عالي
و اشما ادنگ ارتفع خل اشيكولون
مستني املاك العشك بحسين مفتون
احمد عيسى البديري
&&&&&&&&&&&&&
قصيدة رقم 5
القصيده السادسه
ما شفتك وعشكتك
بس عن وعي تبعتك
والما فهم احساسي كال شبيك مجنون
مستني املاك العشك بحسين مفتون
/////////////
الله ياطعم الهوى من يختلط بنفاسي
يا سيدي كلشي عفت بس انته شاغل راسي
مرات من كد الوله استطمع اب أحساسي
اشمحله درب امحبتك واعله اليبغضك قاسي
امن الزغر هويتك
وي النبض لكيتك
ابكل جمال االدنيا الگه منه مكنون
مستني املاك العشك بحسين مفتون
/////////////
هوه انه غيرك ماشفت وانته السكنت ا بالي
انه الوعيت اعله العمر واحسين كل احوالي
اسم الله من عين البشر خافن تمر بالغالي
اغفه اعله ترنيمة وفه وبكل حلم يبرالي
يا جوهري وكياني
دونك صفر تراني
ماجربوا دمعة سهر وعليه يحجون
مستني املاك العشك بحسين مفتون
/////////////
الما شايل اوسام اللطم من يافخر يتباهه
الما ينلچم گلبه ابمحب ما يفتهم معناهه
هاي العقيده ابچم نحر مو بالسهل جبناهه
من عالم الذر للحشر نحيه ونموت وياهه
لمن اطب عزائك
تسحرني اوليائك
انظر لروحي ويه الخدم كلش زغيرون
مستني املاك العشك بحسين مفتون
/////////////
كلشي ابمحبتك مرتبط والمو الك ماريده
ومالومن العاف البشر كلها وسكن بالبيده
عندي العمر من الخيم للكافل وگطع ايده
والموت اذا صاح الشمر زينب بقت وحيده
هذا اختصار سنيني
بس انته شفته بعيني
درسني عابس كربله بالخدمه مضمون
مستني املاك العشك بحسين مفتون
/////////////
ياسيدي عندي طلب وبكل امل انتظره
مخلص اصير وخدمتي مقبوله عد الزهره
وانه ادري بالخادم اذا يفني ابمحبتك عمره
روحه تظل بعد الاجل ويه حمام الحضره
افخر الك يغالي
بالخدمه تاجي عالي
و اشما ادنگ ارتفع خل اشيكولون
مستني املاك العشك بحسين مفتون
احمد عيسى البديري
قصيدة رقم 6
للخدمه الحسينيه
ما امد ايدي لغيرك خيرك مكفيني
بيش اصد الغير وجهك وانته تارس عيني
ياحسين
////////////////////////////
انه من يوم العرفتك خادم وعايش ملك
كلشي عندي يضاعفه الله لو انذرنه الك
ياسفينة نوح اخذني ادري بالعافك هلك
ياجبل يعصمني دونك وانته بيديك الفلك
انته باب الله الجبير المايرد جفوفي
ما مقصر والله لكن انا اقصر خوفي
ياحسين
////////////////////////////
راضع بصدر امي حبك كل حرف بيه اختلط
انا علفطره عرفتك صح ولا تحمل غلط
مايهمني اغراب طاير لو عله الشجره نغط
ياحسين وعندي تكفي دون هل وادم فقط؟
لو تعاكسني الخلايك باسمك انه اتعله
غني كلش غني بحبك هل رزق ما مله
ياحسين
////////////////////////////
حضرتك جنه وترابك مسلك الرب السمه
بكل صلاه قربان منك ياحسين انقدمه
الله خالقني العزائك واشعر بحالة ظمه
كون ماتبجي عيوني ولا جفوفي لاطمه؟
هوه يا احساس يوصل لهفتي المحبوبي
لو اجيت وعيني حمره ولابس اسود ثوبي
ياحسين
////////////////////////////
المايحس ابكلبه جمره هذا بيمانه خلل
كل شريعه والها عله وانته عله اعله العلل
لو تصير الدنيه ضنكه الكه يم بابك امل
ميت ابحبك واريدن انولد وقت الاجل
عندي يا محله المنيه البيها تتلكاني
بالاجل تصبح رفيقي وما اريدن ثاني
ياحسين
////////////////////////////
عالمي انته وكياني بيك يالغالي انبنه
مجلسك عندي احسبه حته اغله من الضنه
لو خلص عاشور ادعي يمته تخلص هل سنه
الموطنه مجلس عزائك صعبه يترك موطنه
العندي والاحلم املكه والله بس دموعي
اني عبدك يا مليكي جايع اشبع جوعي
ياحسين
////////////////////////////
احمد عيسى البديري
قصيدة رقم 7
جرحي لمصابك
روحي اعله بابك
سهري بخدمتك
راحه بعذابك
أعمى ويدور أي چتف هيچ آنه حالي
ياسيدي بلا خدمتك وحشه الليالي
خليني عتبه وأنسحگ بس بالمجالس
تستاهل ابچيلك ضلع يا اغلا غالي
عبد بخدمتك
طالب رحمتك ... مولاي
يالتدري بيه
خادم رقيه ... مولاي
------------------------------------------
ألزم أديه
أرضه عليه
أقبل دموعي
وثوب العليه
هوه آنه اعرفك ماترد كلمن يجيلك
(حر) واجيتك سيدي واصرخ دخيلك
متندم بگد السمه وعايف رحمتك
عطشان اريدن كوثرك لو سلسبيلك
عطفك اريده
بداعة حميده،،،،، مولاي
عيشني خدمه
واترسني رحمه، ،،، مولاي
------------------------------------------
حزني النوارس
كل خلگي عابس
سويني لوحه
بحايط مجالس
لو ما مجالس دمعتك هسه آنه ضايع
ما ادري لماني الزمن مطشرني شارع
بس رحمتك هيه السبب م̷ـــِْن آنه يمك
مخليني الطم عالسبي واعله الاصابع
بعيني المصيبه
وروحي غريبه، ،،، مولاي
لمن ازوره
احسب حضوره، ،،، مولاي
------------------------------------------
بدولة غرامك
عايش هيامك
حر الرياحي
وطالب سلامك
شفتك نسيم المختنگ وتهب علينه
لمن عثرنه بأي حجر تمسك ادينه
هوه انته راس اعله الرمح ويسحر جمالك
لو بالضعن راجع عدل تموت المدينه
حسين الاماني
لٱ ما نساني ... مولاي
براسي مناره
ورايد زياره ... مولاي
------------------------------------------
حاسب حسابي
قربك ثوابي
وعينك عليه
وتسمع خطابي
يالتسمع انواع الحچي صدرك مضيفك
حتى الحوافر عزبت اي من رغيفك
تسگي العطاشه من العطش جمره بلهاتك
وكلشي نطيته الشيعتك يالمنطي طيفك
ما أدري حالك
شنهي الجرالك ... مولاي
توزع بواچي
توزع تراچي ... مولاي
---------------------------------------
عبد زينب
محمد الابراهيمي
قصيدة رقم 8
من تمر يحسين بيّا اطيوفك
ابلا شعور لساني يحچي احروفك
••••••••• ••••••••• ••••••••
إحنا بعضك سيدي وانته لْنا كل
مهما ضعنا اهواي بس دربك ندِل
ابيا حسين انّاغي ابمهده الطفل
حتى من يفتح عيونه ايشوفك
••••••••• ••••••••• ••••••••
سيدي للأعمه صرْت الأجله عين
واللي ما يحچي نطگها يا حسين
والله حگها اتحبّك الناس اجمعين
سيدي وغرگانه من معروفك
••••••••• ••••••••• ••••••••
إنته وحدك تمتلك هذا الگلب
الما يحبك والله ما يعرف يِحب
حبك الما يختلط ويّا الذنب
ما نريد اچفوف غير اچفوفك
••••••••• ••••••••• ••••••••
لو ما إنته احسين مو آنه صرِت
لو ما إنته ابدنيتي اشگد احترِت
كل شي ماريده اذا ليّه احضرِت
والله اعوف الدنيا بس ما اعوفك
••••••••• ••••••••• ••••••••
يحصد الجنات كل من يزرَعك
وهوّ لو بس تحچي وحده اليسمعك
( ليتنا يا سيدي كنا معك )
نفرش الارواح بين اسيوفك
••••••••• ••••••••• ••••••••
ابحجم هاي الدنيا أحْمل لك عشِگ
گلبي ما اريده اذا لغيرك يدگ
چذب كل حب وانته بس حبك صدگ
كعبه للعشاگ واحنه انطوفك
••••••••• ••••••••• ••••••••
آنه أطمع سيدي ابخدمتك هاي
اشگد شرف لليحضر انقدّم له ماي
اهنانه لطّامه اشكثر تصرخ معاي
سيدي استقْبلنا جينا اضيوفك
••••••••• ••••••••• ••••••••
عبدالمنعم الحجاب
قصيدة رقم 9
سِرّي بلمجالس مجنون اویه عابس
اسمک عیني تارس یحسین الحیاه۲
~~~~~~~~~~~~~~
انته صلاتي. انته حیاتي. تبقی وعد
انته جنوني. داخل عیوني. من المهد
اسمک کتبته بل گلب و اشلون اشیله
صایـرلي روح و بل جـسد مالـک بدیله
اخویدم هذه اسمي. دایـم انته یَمّي
حطیّت اویه دمّي. اسمـک بلدمأ۲
~~~~~~~~~~~~~~~
متعنّي اجیلک و بگلبي اشیلک انته العشگ
گلبي عزلته. لجلک هدیته. بسمک یدگ
واجب اجیلک للعزأ و اقرأ الرکعتین
فرضی ارتّل بلطُمّ مجنون الحسین
ماریدن حیاتي. اصرخ حَدّ مماتي
انته اقرأ بصلاتي. مختَصّ بلدُعأ۲
~~~~~~~~~~~~~~~
قرآني انته واجب حفظته اسمک سَند
حَدّ القیامه. تبقیٰ الخِدامه. الله شـهَد
نور بحیـاتي صـار إلـی یـوم العرفتـک
کل هذا من فضلک صرت جیت الخدمتک
راید طلبه مِنّک. لا تبعدني عَنّک
ارفع لي ادینک. امشی الکربلأ۲
~~~~~~~~~~~~~~
اشمحله الزیاره. وبعیني المناره. روحي تطیر
اشمحله الیجیلک. اینوح ابضریحک. من الله خیر
إدعي الیخدمونک حُسین حته یجونک
انـته امـیر اعله الخـدم شـوف ابعـیونک
أبکم ویّه أعمه متعَنّي اویه ٱمـّه
امغَیّر حَتّه اسمه. کاتـب للشفـأ۲
~~~~~~~~~~~~~~~
ک؛یوسف الزبیدی
قصيدة رقم 10
لحسين روحي خادمه .. واضربله صدري
باجر تجيني فاطمه .. وتزوره گبري
وتكلي مشكور عالخدمه مأجور
وتزوره گبري وتزوره گبري
************
باجر يلفوني بجفن وبكبري ملهوف
منكر يجيني ويبتدي واتراجف بخوف
صاحتله فاطم عالولد لطمت هالجفوف
يم ابني شفته بكربله هالزاير يطوف
……………
بالمجلس اسمع ونّته .. ومغمض الجفون
وشكثر سالت دمعته .. تشهدله العيون
هالخادم يزور عالخدمه مأجور
وتزوره گبري وتزوره گبري
************
شكراً من الزهره الي تشفعلي ياناس
بهل الجلمه من ام الحسن راح ارفع الراس
مشكور كالت للطم صدره اعله عباس
لتخاف ضغطات الكبر لا تكطع انفاس
……………
الزهره يمّك لاتهم .. لو هالو تراب
والنعم منّج والنعم .. يا اغله الاحباب
لتخاف الكبور عالخدمه مأجور
وتزوره گبري وتزوره گبري
************
ويه الزهره اجت حرمه لجن ماتكطع ونين
كالـتلي اقره الفاتحه هاي ام البنين
كلت الهه مشكورة وصحت يم المساكين
يا ما قريت الفاتحه والحاجه تكضين
……………
الباري انطاني بخت .. هاي الكرامات
هاي الشريفه لو دعت .. تتنزل آيات
منهه يشع نور عالخدمه مأجور
وتزوره گبري وتزوره گبري
************
لو رايد تعيش بشرف طيلة حياتك
لو ردت راحه بالكبر ساعة مماتك
اخدم حسينك من بعد صومك صلاتك
باخلاق زينب لو ردت ادب خواتك
…………
باخلاقك حسين انتصر .. يالتخدم حسين
من تخدم تغض البصر .. وتأدب العين
من يلفي عاشور عالخدمه مأجور
وتزوره گبري وتزوره گبري
************
من تخدم اذكر فاطمه تبجي عله ابنهه
واذكرهه زينب من غده احمر متنهه
ماداعي تضحك بالـعزه اذكر حزنهه
الـطم لدمعة فاطـمه ون اعله ونهه
…………….
خل يكضي يومك بالحزن .. واذكرهه الخيام
خل يجري دم من المتن .. وتواسي الايتام
مابيهه معذور عالخدمه مأجور
وتزوره گبري وتزوره گبري
************
سيد علي المدني
تعليقات
إرسال تعليق